19. júní - 19.06.1971, Qupperneq 49

lag íslenzkra listdansara, og
var Ásta Norðmann kosin
fyrsti formaður þess. Félag-
ið starfrækti skóla, og á veg-
um skólans var færður upp
fyrsti visirinn að ballett hér
á landi. Fyrsti stórsigur fé-
lagsins var að fá leiðréttan
skemmtanaskattinn, sem var
jafnhár af ballettsýningum
og af almennum dansleikj-
um og gerði danssýningar
næstum ókleifar.
Nú eru starfræktir nokkr-
ir ballettskólar á höfuð-
borgarsvæðinu. Þeir eru
Skóli Sigriðar Ármann, Skóli
Guðnýjar Pétursdóttur,
Skóli Eddu Scheving, Skóli
Katrínar Guðjónsdóttur, auk
Ballettskóla Þjóðleikhússins.
Ballettskóli Þjóðleikhúss-
ins var stofnaður árið 1952.
Fyrsti kennarinn var Erik
Bidsted. Hann kom fyrst
hingað til að dansa í Leður-
blökunni, en var svo ráðinn
áfram og starfaði hér í 8 ár.
Bidsted stjórnaði Tivolí-ball-
ettinum á sumrin, en kenndi
hér á veturna, og má segja,
að hann hafi komið hingað
á hverju hausti uppfullur af
nýjum hugmyndum, enda
var hann mjög drífandi og
atorkusamur kennari.
„Ólafur Liljurós“, sem var einn fyrsti íslenzki ballettinn, var frumsýndur
hjá Leikfélagi Reykjavíkur 1952. Ballettinn er eftir Sigríði Ármann og
tónlist eftir Jórunni Viðar. Þetta var fyrsta stóra hlutverk Jóns Valgeirs
Stefánssonar, en hann dansar nú með ballett Konunglega leikhússins í
Kaupmannahöfn. Álfkonurnar eru Björg Bjarnadóttir, Katrín Guðjóns-
dóttir, Kristín Kristinsdóttir og Edda Scheving.
Hér sjáum við mynd úr „Visions fugitives“ eftir Fay Werner, sem var danskennari Þjóðleikhússins
í nokkur ár. Tónlistin var eftir Prokofiev. Dansarar eru Þórhildur Þorleifsdóttir, Aðalheiður Nanna
Ólafsdóttir, Þórarinn Baldvinsson, Hlíf Svavarsdóttir og Margrét Brandsdóttir.
19. Júní
47