Alþýðumaðurinn - 16.04.1987, Síða 1

Sigbjörn á þing
Sigbjörn Gunnarsson er fæddur á Akureyri 2. maí 1951, og
er eitt fjögurra barna Guðrúnar Sigbjörnsdóttur og Gunnars
Steindórssonar. Sigbjörn ólst upp á Akureyri og hefur búið
þar nánast samfleytt. Sigbjörn gekk hefðbundnar námsleiðir
og lauk stúdentsprófi frá Menntaskólanum á Akureyri 1972.
Síðan kenndi hann við Gagnfræðaskóla Akureyrar um
tveggja ára skeið, en stundaði síðan nám í lögfræði um eins
árs skeið, en hætti þá frekara námi. Sigbjörn setti síðan á
stofn verslunina Sporthúsið á Akureyri ásamt fjölskyldu sinni
og fleirum og hefur starfað við verslunina frá 1976 ásamt því
að stunda jafnframt kennslu fyrstu árin.
Hugur Sigbjörns hefur löngum staðið til íþróttaiðkana og
var hann um árabil leikmaður IBA og síðar KA í knattspyrnu.
Þá lék Sigbjörn lengi handknattleik með KA. Eftir að beinni
þátttöku í keppnisíþróttum lauk hefur Sigbjörn tekið mjög
virkan þátt í stjórnunarstörfum innan íþróttahreyfingarinnar.
Auk þess hefur Sigbjörn fengist við þjálfun knattspyrnumanna.
Sigbjörn er núverandi formaður íþróttaráðs Akureyrar.
Auk (þróttanna hafa stjórnmál verið ofarlega í huga Sig-
björns um árabil. Hins vegar hefur minna farið fyrir beinni þátt-
töku á þeim vettvangi einkum vegna þess að íþróttastarfið tók
allan hans tíma lengi vel. Sigbjörn skipaði þó þriðja sætið á
lista Alþýðuflokksins í desemberkosningunum 1979. Nú skipar
Sigbjörn hins vegar baráttusætið á lista flokksins í kjördæminu
og hefur sköruleg framganga hans að undanförnu vakiö mikla
athygli.
Eins og nærri má geta um mann sem hefur starfað mikið að
íþróttamálum, skipa ýmiss félagsmál háan sess í huga
Sigbjörns, enda telur hann að sinnuleysi hvað varðar ýmiss
félagsmál og mannréttindamál hafi haft mun meiri áhrif á
byggðaröskun undanfarinna ára en almennt er talið. Sigbjörn
telur einnig að starf hinna frjálsu og óháðu æskulýðs- og
íþróttafélaga sé síst ofmetið og telur stuðning við þau félög
skila öflugra og jákvæðara ungu fólki. Jöfnun orkukostnaðar
um landið er einnig ofarlega í huga Sigbjörns. Þannig eru það
einkum félagsmál sem tengjast jafnvægi í byggð landsins sem
Sigbjörn leggur áherslu á. Miðstýring ríkisvaldsins og hags-
munaklíka verði brotin á bak aftur og völd sveitastjórna og þar
með heimamanna til að hafa áhrif á ákvarðanatöku verði auk-
in.
Eiginkona Sigbjörns er Guðbjörg Þorvaldsdóttir frá Akureyri
og eiga þau fjögur börn, Hildi Björk, tvíburana Guðrúnu Ýr og
Þorvald Makan auk Rósu Maríu.
Sigbjörn Gunnarsson yrði verðugur fulltrúi á Alþingi. Því
leggur Alþýðuflokkurinn mikla áherslu á að hann nái kjöri og
kjördæmið eignist ungan og dugmikinn málsvara á þeim vett-
vangi.
Enn dekkri tölur
Meðfylgjandi rammaklausa er tekin upp úr íslendingi,
málgagni sjálfstæðismanna í Norðurlandi eystra, útg.
14. apríl 1983. P*á stóðu fyrir dyrum Alþingiskosningar,
rétt eins og nú. F*á þótti íhaldinu henta að vekja athygli
á samdrætti í íbúðabyggingum á Akureyri. Fátt hefur
heyrst úr þeim herbúðum nú fyrir kosningarnar, eftir
fjögurra ára landsstjórn íhalds og Framsóknar. Skyldi
þessu ekki hafa verið kippt í liðinn undir þeirra stjórn,-
eða hvað?
Alþýðumaðurinn aflaði sér upplýsinga um nýbygg-
ingar á Akureyri frá 1983 til 1986 - og „afrek“ núver-
andi stjórnarflokka kemur berlega í ljós - eða eigum
við að líta á hliðstæða töflu fyrir þessi ár:
Fullg. íb. Hafin
1983 130 bygging á
1984 99 30
1985 38 17
1986 30 28
Fannig lítur dýrðin þá út. Nánast allar íbúðir, sem
hafin hefur verið bygging á þessum árum, er á vegum
verkamannabústaðakerfisins. Einstaklingar á Akureyri
hafa ekki treyst sér til að hefja byggingaframkvæmdir á
þessum árum. Eigum við von á öðrum fjórum árum í
líkingu við þessi, ef núverandi stjórnarflokkar fá fylgi
til áframhaldandi : etu? Er ekki vissara að gefa þessum
herrum frí og láta aðra spreyta sig?
Nokkrar hugleiðingar
um skipan sveitastjórnarmála
Sveitastjórnarmál hafa mikið
verið til umræðu í kosningabar-
áttunni. Hér á eftir fara nokkrar
hugleiðingar um skipan sveitar-
stjórnarmála og hugmyndir um
breytingar, sem gætu bætt stöðu
landsbyggðarinnar gagnvart
höfuðborgarsvæðinu.
1. Meginverkefni sveitarfélaga
ber að skilgreina í lögum betur
en nú er gert. Greint verði á milli
þeirra verkefna sem þeim sé skylt
að sinna og heimilt að sinna.
2. Stuðla ber að eflingu fárra
stórra sveitarfélaga svo þau verði
betur fær um að valda núverandi
verkefnum og taka við nýjum.
Einnig svo auka megi virkni
stjornsýslukerfisins og draga úr
kostnaði við rekstur þess.
3. Innan hinna stóru sveitar-
félaga starfi staðbundnar ráð-
gjafanefndir sem jafnframt geti
annast um þau verkefni er sveit-
arstjórnir feli þeim, t.d. afrétta-
mál og fjallskil.
4. Réttarstaða allra sveitar-
félaga verði sem líkust, en þó
verði sett sérstök lög um höfuð-
borgarsvæðið sem geri ráð fyrir
nokkurri sjalfstjórn hverfis-
stjórna þar.
5. Sveitarfélögin verði lög-
sagnarumdæmi.
6. Tryggja verður sveitar-
félögunum tekjustofna til að
standa undir lögboðnum verkefn-
um. Meginreglan verði sú að rík-
ið innheimti óbeina skatta en
sveitarfélögin beina skatta og fái
þá til ráðstöfunar. Dregið verði
úr vægi fasteignagjalda og gatna-
gerðargjalda í tekjum sveitar-
félaga og bifreiðaeign skattlögð í
staðinn.
7. Dregið verði úr kostnaðar-
skiptingu- milli ríkis og sveitar-
félaga innan einstakra verkefna-
flokka og verkefnin höfð meira
aðskilin á milli stjórnsýslustiga
Með því fer saman ákvörðun,
framkvæmd og fjárhagslega
ábyrgð innan hvors stórnsýslu-
stigs um sig.
8. Stuðla ber að lýðræðislegum
stjórnarháttum í meðferð sveit-
arstjórnarmála. Sveitarstjórnir
skipi 9-15 manns kosnir eftir
listum. Settar verði í lög tak-
markanir á kjörgengi manna í
sveitarstjórnir. Fastráðnum
starfsmönnum sveitarfélaga, ráð-
herrum, alþingismönnum og
æðstu embættismönnum ríkisins
verði óheimil seta í sveitarstjórn-
um.
9. Sveitarfélög hafi frjálsan
ákvörðunarrétt um gjaldskrár
eigin fyrirtækja og stofnana.
10. Ákveðinn verði 25 ára
aðlögunartími að hinni breyttu
skipan sveitarstjórnarmála. Strax
verði settar upp 22-25 héraðs-
stjórnir sem þriðja stjórnsýslu-
stigið. Verkefnin verði síðan
smám saman færð frá núverandi
sveitarstjórnum til hinna nýju
sveitarstjórna, sem nefndar verði
héraðsstjórnir á meðan á aðlög-
unartímanum stendur. Jafnframt
verði aðlögunartíminn nýttur til
að breyta ýmsum lögum, reglu-
gerðum og samstarfssamningum
sem snerta stjórnsýslu ríkisins og
sveitarfélaganna.
Tryggjum Akureyringi þingsæti
í alþingiskosningunum um aðra heigi er úrval flokka og frambjóð-
enda meira en nokkru sinni fyrr. Hvort þetta verður kjördæminu okkar
og þjóðinni til gæfu, er önnur saga. En það er eitt atriði, sem mig lang-
ar að vekja athygli á. Akureyringar eiga litla möguleika á því að eign-
ast þingmenn, þ.e. að Akureyringar nái kjöri. Eina vonin er sú, að Sig-
björn Gunnarsson, sem skipar 2. sætið á lista Al þýðuflokksins, kom-
ist á þing. Hann er borinn og barnfæddur Akureyringur, og myndi án
efa setja málefni Akureyringa á oddinn, ef hann kæmist á þing.
Með þessum línum vil ég skora á Akureyringa að tryggja Sigbirni
kosningu á þing. Það væri einn sterkast leikur bæjarbúa í öllu því
kraðaki stjórnmálanna, sem nú blasir við.
Baldur Jónsson, yfirlæknir.