19. júní - 19.06.1990, Blaðsíða 25
í bókinni er aö finna kunn
samtöl milli Betty Friedan
og Páls páfa, einnig samtal
hennar við Simone de Be-
auvoir, og þar er frásögn af
ferðalagi Betty Friedan um
Indland í fylgd með Indiru
Gandhi á fyrsta ári stjórnar-
tíðar hennar sem forsætis-
ráðherra.
Þá segir frá atburðum á
kvennaþingi í Mexíkó árið
1975, sem haldið var á veg-
um Sameinuðu þjóðanna í
tilefni af alþjóðlegu kvenna-
ári, við upphaf kvennaára-
tugar.
I bókarlok er opið bréf til
kvennahreyfinga á okkar
dögum þar sem höfundur-
inn Betty Friedan greinir frá
mati sínu á stöðu ýmissa
kvenréttindahreyfinga um
þær mundir. Flún sér
glöggt, að þær eru staddar
á vegamótum. Flenni hugn-
ast ekki, að þær hafa að
hennar dómi orðið inn-
hverfar um of, og athygli
hefur beinst frá þeim knýj-
andi verkefnum að skapa
ný viðhorf, opna nýjar leið-
ir, breyta ásýnd heimsins.
Henni finnst gæta stöðnun-
ar og lítt markvissra að-
gerða, sem síst leiði til
neinna breytinga, er máli
skipta. Hún ræðir hugsan-
legar leiðir til að brjótast út
úr þeirri blindgötu, sem
kvenréttindahreyfingar hafa
ratað í á áttunda áratugn-
um. Hvað beri að gera til
þess að komast úr sporun-
um áleiðis á næsta stig
þeirrar byltingar, sem á und-
an er gengin, en er í vanda
stödd og staðnar, ef ekki er
hafið endurmat, endur-
skipulagning, með nýrri
sókn.
Þetta var um miðjan átt-
unda áratuginn og leið fram
til ársins 1981, en þá kom
út þriðja bók Betty Friedan
The Second Stage Annar
þáttur. Rétt bók á réttum
tíma sögðu gagnrýnendur,
og enn á ný spurði Betty
Friedan réttra spurninga og
aðkallandi.
Hvað nú, hvert stefnir,
hvert skal halda? Hvernig
getum við best varðveitt og
ávaxtað ávinninga kvenrétt-
indabaráttunnar og hindr-
að, að þeir verði að engu
gerðir?
Hvað með ungu konurnar
nú á dögum, sem líta á
kvenréttindi eins og hvert
annað sjálfsagt mál, hvernig
má þeim takast að nýta auk-
ið athafnarými nýtt
frelsi og samræma virka
þátttöku úti í þjóðfélaginu,
þörfinni fyrir ást, heimili,
börn og fjölskyldu þannig,
að allt komi þetta heim og
saman, mætist í farsælu
jafnvægi?
Hvernig tekst eldri konun-
um, sem þegar eiga sér góð-
an starfsferil, að sameina
sjálfstæða atvinnu hjóna-
bandi, börnum, fjölskyldu-
lífi með þeim hætti, að ekk-
ert eitt beri annað ofurliði,
að þær fái notið alls þessa?
Hvernig geta þær konur,
sem alla sína tíð hafa unnið
innan vébanda heimilisins,
litið fram á veginn, öruggar
og með sjálfsvirðingu? Og
hvað með karlmennina,
hvernig geta þeir frelsað
sjálfa sig undan oki þess
kynbundna lífsmunsturs,
sem þeir eru fastir í?
Hvernig getum við öll haf-
ið nýja sókn, með nýjum
markmiðum, nýjum sigrum,
átt val, sem er meira en
nafnið tómt og skapað okk-
ur raunverulegt, heillegt líf?
Hér er rétt ýjað að örfáum
atriðum þess umfangsmikla
og innihaldsríka efnis, sem
Betty Friedan reiðir fram í
bók sinni „The Second
Stage”, Annar þáttur, en á
vordögum gefst okkur tæki-
færi að hlýða á hana sjálfa
flytja mál sitt og greina frá
ýmsu þvi sem hún hefur til
málanna að leggja varðandi
kvennahreyfingu nútímans.
Betty Friedan kemur til ís-
lands I fyrirlestraferð um
miðjan júní í boði Kvenrétt-
indafélags íslands.
MINNINGARKORT
Menningar og minningarsjóðs kvenna
eru afgreidd í:
Bókabúöinni borg, Lækjargötu 2
Lyfjabúö Breiöholts, Arnarbakka 4-6
Skrifstofu KRFÍ, Hallveigarstöðum, Túngötu 14
25