19. júní - 19.06.1990, Blaðsíða 55

lítum lóðréttu kynskipting-
una miklu alvarlegri augum
en þá láréttu, þ.e. áhrifaleysi
kvenna innan allra starfs-
greina. Þá erum við að tala
um áhrif ekki aðeins í sam-
félaginu sem heild, heldur á
vinnuaðstæður, laun o.s.frv.
Það er skoðun okkar allra í
BRYT að það sé tómt mál
að tala um breytingu á
þessu sviði, um aukin áhrif
kvenna, nema konur afli
sér, séu hvattar til og studd-
ar til að afla sér, þekkingar
á þeim sviðum sem áhrif og
völd liggja; á sviði tækni og
fjármála - þar eru karlar ein-
ráðir."
En nú eiga völdin það til
að fara undan í f læmingi
- störf sem einu sinni
fólu í sér völd og virð-
ingu, gera það ekki leng-
ur og annað hefur komið
í þeirra stað en konurnar
sem töldu sig hafa náð
fótfestu, sitja uppi jafn-
vel með sárt ennið!
„Það er alveg rétt, að við
höfum verið að elta karlana
inn á þeirra svið og þegar
við erum komnar þangað,
eru þeir farnir eitthvað ann-
að með völd og áhrif í far-
teskinu. Einmitt þess vegna
megum við heldur ekki nýta
alla okkar krafta til að elta
þá uppi. Ég er ansi hrædd
um að við verðum að vera
súperkonur dreifa okkur alls
' & a? ' Hr ■ '• W " 5 .’-Vl . . '§ i
| ¥ ' fvp' *'■ § • j'f'l 9 1
staðar! Við þurfum ekki síst
að gæta þeirra sviða þar
sem við höfum tangarhald
núna og þeirra eiginleika
sem við búum yfir. Það er
eindregin niðurstaða okkar
allra, að ekki beri að vinna
sérstaklega að því að fjölga
körlum í kvennastörfum.
Þetta eru stór orð og í and-
stöðu við tíðarandann heyr-
ist mér. Það gagnstæða er
einmitt krafan - að það beri
að hvetja drengi til að koma
inn á hefðbundnu kvenna-
sviðin, „leyfa" þeim að
gæta barna og búa og axla
umönnunarstörfin. En er
það tímabært? Þeir taka
völdin þar líka! Ekki mun
það auka áhrif kvenna á
gang mála í heiminum!
Mín niðurstaða er sú, að
það sé brýnt að konur rækti
betur tengslin við sjálfar sig,
leiti uppi það kvenlæga.
Það má ekki týnast, en það
gæti tapast ef við höldum
ekki fast í það sem okkar
er. Nútimamanneskjan,
karlar meira en konur, virkar
bara fyrir ofan háls, það
vantar tengslin milli jaess
vitræna og þess tilfinninga-
lega. Um leið og við eflum
þekkingu okkar, þurfum við
sem sagt að efla þessi
tengsl, við það kvenlæga í
okkur svo við förum ekki inn
á karlasviðin á karlaforsend-
um. Það má ekki gerast.
Ms.
Mjög miklu ýtarlegri upplýs-
ingar um verkefni BRYT er að
finna I fréttabréfum þess og er
áhugafólki hér með bent á að
hafa samband við Jafnréttisráð
eða bæjarskrifstofu Akureyrar-
bæjar til að fá þau send.
„Það er eindregin
niðurstaða okkar
allra, að ekki beri
að vinnasérstak-
lega að því að
fjölga körlum í
kvennastörfum."
55