19. júní - 19.06.2001, Síða 74
Hvernig viðbrögð fáið þið almennt hjá ókunnugum þegar þið
segist vera í Bríeti?
Anna: „Ég fæ oft spurningar á borð við: Ertu þá ofsaiega æst!“
Tinna: „Sumum finnst skritið að við skulum eiga kærasta.
Viðhorfið er þá að femínistar geti ekki verið í samböndum því
þær séu á móti karlmönnum. Eða þá að viðkomandi karlmenn
hljóti að vera algjörar gufur eða aumingjar... Já, margir misskilja
femínismann og telja hann snúast um samkeppni kynjanna,
halda að við séum að berjast gegn körlum að því að við erum
að berjast fyrir konur. En það er ekki rétt. Við erum ekki að
berjast gegn körlum."
Anna: „Að einhverju leyti erum við að auðvitað að reyna að ögra
en það er til að vekja athygli á málstaönum og fá að vera með í
umræðunni."
Þóra: „Ég fæ aðallega jákvæð viðbrögð. Fólk er að minnsta kosti
áhugasamt og spyr mikið um félagiö og femínisma hvort sem
það er sammála mér eða ekki."
Tinna: „Jú viðbrögðin fara reyndar mikið eftir því í hvaða
aðstæðum maður hittir fólk. Áhuginn er til að mynda mikill ef
maður hefur tíma til að útskýra um hvað femínismi snýst."
Hvernig viðbrögð fáið þið frá ungum konum á ykkar aldri?
Tinna: „Þær segjast margar skilja hvað við erum að gera en
segjast þó sjálfar ekki nenna að pæla í svona málum; hafa
engan áhuga enda hafi ekkert óréttlæti hent þær."
Þóra: „Mér finnast þær margar hverjar áhugasamar en um leið
virðast þær lítið vita um hvað kvenréttindi snúast. Til dæmis
kom átján ára systir vina minna til mín eftir útgáfu bókarinnar
Pikutorfunnar, sem fjallar um jafnrétti frá sjónarhóli ungra
kvenna, og sagðist ekkert skilja hvað við værum að fara með
bókinni."
Anna: „Hvernig getur verið erfitt að skilja svona bók?"
Þóra-. „Hún hafði þá væntanlega ekki lesið bókina... En þetta
dæmi sýnir að margar ungar konur hafa ekki hugmynd um
viðfangsefni kvenrétti nda baráttunnar. “
Anna-. „Já einmitt. Stelpur sem voru með mér í menntó sögðu
við mig eftir útgáfu Píkutorfunnar: já er það þetta sem Bríet er
um,- snýst hún um að vera með hár á fótunum!"
Ein í Bríeti sagði skondna sögu af því um daginn að hún hefði
verið úti á lífinu þegar strákur einn vatt sér að henni og fór að
reyna við hana. Þegar til tals kom að hún væri í Bríeti þurfti
strákurinn hins vegar skyndilega að bregða sér á klósettið og lét
ekki sjá sig eftir það. Hafið þið svipaðar sögur að segja?
Anna: „Jú, stundum er eins og þeir verði pínu hræddir."
Þóra: „Oft þegar ókunnugir strákar frétta að ég sé í Bríeti fara
þeir að segja mér hvað þeir séu ofboðslega miklir feministar og
jafnvel hvað mamma þeirra sé mikil kvenréttindakona! Þannig
reyna þeir að höfða til manns á barnalegan en skemmtilegan
hátt."
Anna: „Sumir strákar halda að við í Bríeti séum ekki konur
heldur einhver skrímsli. Einn góður vinur minn sagði til dæmis
þegar ég byrjaði í Bríeti: Anna ég trúi þessu ekki upp á þig! Ég
trúi því ekki að þú sért orðin félagi í Bríeti!"
Tinna: „Strákar eru oft mjög ómeðvitaðir um kvenréttindamál
en það er kannski ekki skrítið. Þeir eru aldir upp í samfélagi
sem sjálfsagt þykir að sé mjög kynskipt."
Anna: „...annars man ég eftir einum vini mínum sem sagði
bara; kúl, þegar ég sagði honum að ég væri í Bríeti. Það fannst
mér mjög svalt. Þetta eru flottustu viðbrögð frá strák sem ég hef
fengið."
En hvernig viðbrögð fáið þið frá eldri konum og körlum?
Þóra: „Mér finnst eins og konur, 35 ára og eldri, séu mun
meðvitaðri um jafnréttismál en yngri konur eða stelpur á
mínum aldri. Þegar ég tala við mér eldri konur kemur líka oft á
daginn að þær eru mjög miklir femínistar."
Anna: „Annars virðast margar eldri konur vita jafn litið um
kvénréttindamál og stelpur á okkar aldri. Sumar verða jafnvel
bara hissa þegar ég segist vera í Bríeti og finnst skrítið að ein-
hver nenni að berjast fyrir þessum málum nú til dags."
Tinna: „Ég er að vinna með körlum sem eru á aldrinum 30 til
50 ára og finnst mér þeir vera svolítið hikandi þegar verið er að
ræða kvenréttindamál. Og oft fæ ég hallærisleg viðbrögð á borð
við: hvað segir femínistinn um þetta?"
Anna: „Já nákvæmlega. Ég kannast við þetta."
Tinna: „Karlmenn koma líka oft með dæmisögur sem eiga að
sýna hvað þeir séu nú þrátt fyrir allt miklir femínistar."
Þóra-. „Já maöur fær mikið af lífsreynslusögum sem eiga að
sýna hvað þjóðfélagið er kynskipt."
Bríet hefur ekki legið á skoðunum sínum varðandi ýmis þjóðfél-
agsmál, til að mynda klámvæðinguna, hvernig hefur því verið tekið?
Þóra: „Við höfum fengið mjög misjöfn viðbrögð. Bæði jákvæð og
neikvæð."
Tinna: „En þó aðallega jákvæð því fólk fagnar umræðunni hvort
sem það er sammála okkur eða ekki."