Sólskin - 01.07.1937, Blaðsíða 37

Teitur: Þá lærðum við líka að vinna. Þú ættir
að tala um það við borgarstjórann, Þór, að bær-
inn léti okkur hafa land.
Þór: Já, ég skal tala við hann.
Ása: Hvað heitir nesið þarna norðausturfrá
með stóra einkennilega húsinu, beina stefnu á
Esjuna héðan?
Finna: Nesið heitir Laugarnes, en húsið er
holdsveikraspítalinn í Laugarnesi.
Ösk: Ósköp er fallegt að eiga sjúkrahús fyrir
þá, sem eru veikir.
Finna: Kirkjusandur er inn af víkinni vestan
við Laugarnesið. Skammt er þaðan í sundlaug-
arnar. Þangað hafi þið víst öll komið?
Ása: Já, við förum oft í sundlaugarnar. Það
er hollt að synda.
Teitur: Það er líka nauðsynlegt að kunna það.
Hafi þið heyrt um krakkana í Kollafirði, sem
björguðu sér frá drukknun, af því að þau
kunnu að synda?
Ása: Nei, hvernig var það?
Teitur: Það voru systkini, telpa tólf ára og
drengur tíu ára. Þau áttu heima í Kollafirði,
hérna uppi við Esjuna, og voru send til þess
að sækja hest. Þegar þau höfðu náð hestinum,
fóru þau bæði á bak honum. En til þess að
stytta sér leið, fóru þau yfir svonefndan Flóar