Sólskin - 01.07.1947, Blaðsíða 68

lömbin jörmuðu svo ákaflega sárt og mömm-
urnar þeirra líka. Bubbur fékk að sitja hjá
með smalanum, sem hét Kári og var 13 ára
gamall. Hann fékk líka að smala með honum
um sumarið, þegar féð var ekki langt í burtu.
Það þótti Bubb varið í.
Einu sinni var Kári ekki heima, þegar átti
að fara að smala. Bubbur vildi þá endilega
fara, og var það látið eftir honum, af því að
féð var rétt fyrir ofan túnið.
Bubbur lagði nú af stað og hafði Snata
gamla með sér. Hann var heldur en ekki mont-
inn yfir því að fara nú einn af stað að smala.
Það var eitt letikastið í Snata gamla, svo að
hann sneri til baka, þegar þeir voru komnir
upp að hliðinu. Bubbur hélt áfram, þó að Snati
færi heim. Þegar hann var kominn að kindun-
um, sem voru neðstar, stanzaði hann og leit í
kring um sig, þá tók hann eftir nokkru, sem
gerði hann mjög hræddan. Það var óhræsis
þokan, hún var farin að breiða sig yfir f jalla-
tindana. Bubbur var ekki lengi að snúa heim-
leiðis, heim varð hann að flýta sér til þess að
villast ekki í þokunni, því að flest var betra en
það. Hann hljóp nú sem fætur toguðu. Báðum
skónum var hann búinn að týna, en hann hugs-
66