Fréttablaðið - 01.12.2010, Blaðsíða 46

MARKAÐURINN 1. DESEMBER 2010 MIÐVIKUDAGUR8
F R É T T I R
Hefðbundnir harðir diskar í tölv-
um munu senn heyra sögunni til
og svokölluð SSD-drif taka við.
Venjulegir harðir diskar eru
með snúningsdiska sem upplýs-
ingar eru lesnar af. SSD-drif eru
líkari minniskubbum. Þau eru
hraðvirkari, þola meira hnjask og
nota minni orku. Drifin hafa fram
til þessa aðallega verið í mynda-
vélum, farsímum og öðrum smá-
tækjum auk dýrri fartölva á borð
við Mac Air frá Apple.
Það sem tafið hefur fyrir
yfirtöku SSD-drifanna er kostn-
aðurinn, en þau hafa fram til
þessa verið talsvert dýrari en
hefðbundin drif.
Tæknirisar heimsins hafa upp
á síðkastið sett í fimmta gír og
keyrt kostnað við framleiðslu á
drifunum niður. Í netútgáfu PC
Magazine nýverið var bent á að 80
GB 2,5 tommu SATA SSD-drifið
frá Intel kostaði 199 dali, jafnvirði
tæpra 23 þúsund króna (í kringum
40 þúsund krónur hingað komin).
Til samanburðar kostar hefðbund-
inn 3,5 tommu innvær harður disk-
ur frá WD í kringum níu þúsund
krónur í verslunum hér. - jab
Harðir diskar heyra
senn sögunni til
Jólagjafahugmyndir Rannsóknarseturs verslunar-
innar á Bifröst hafa í gegnum tíðina elt hagsveifl-
ur. Jólagjöfin í ár er íslensk lopapeysa, sem er í
takt við hrun efnahagslífsins, fall bankanna, hrun
krónunnar og samdrátt kaupmáttar, en allt þetta
hefur valdið því að neytendur leita síður út fyrir
landsteinana eftir gjöfum.
Rannsóknarsetrið gengur út frá ýmsum grund-
vallaratriðum við val sitt á jólagjöfum ársins. Jólin
2005 var lófaspilari talinn líklegur til að leynast í
gjöfum einhverra. Gengið var út frá því að því að
varan væri nýjung í einum eða öðrum skilningi,
fulltrúi tíðarandans og stæði undir mikilli veltu,
það er annaðhvort með metsölutækjum ársins eða
mjög verðmæt. Þekktasti lófaspilarinn
er vafalítið iPod-spilarinn frá
Apple, sem hefur tekið stór-
stígum breytingum síðastliðin
fimm ár.
Valið endurspeglaði tíðar-
andann það árið: Hagvöxt-
ur mældist 5,5 prósent, dreg-
ið hafði úr atvinnuleysi og var
þá 2,5 prósent samanborið við
3,1 prósent árið á undan. Þá
stóð gengisvísitala krónunnar
í rétt rúmum 106 stigum á
Þorláksmessu. Til sam-
anburðar kostaði einn
Bandaríkjadalur þá 69,7
krónur og ein evra 63,6
krónur. iPod Nano, 2 GB,
kostaði í þá tíð 19.900 krónur út
úr búð, sem var þrjú hundruð krónum meira en
búist var við að hvert mannsbarn myndi eyða vegna
jólahaldsins.
Gjafirnar stækkuðu og urðu dýrari í takt við upp-
sveiflu hagkerfisins. Hápunktinum var náð um jólin
2007 þegar gjöf ársins var staðsetningartæki. Slíkt
tæki kostaði þá kringum þrjátíu þúsund krónur, en
gat verið langtum dýrara. Allt fór það eftir stærð,
gerð og þeim möguleikum sem tækin buðu upp á.
GPS-tækið í jólapökkum landsmanna kom hins
vegar ekki í veg fyrir að hagkerfið endaði úti í
móa.
Eftir fall krónunnar hafa jólagjafirnar einkennst
öðru fremur af innlendum varningi, ís-
lenskri hönnun og jákvæðri upplifun.
Ósagt skal látið hvort um ódýrari
jólagjafir er að ræða en leynst hafa í
pökkum landsmanna í gegnum
tíðina. Möguleikarnir eru hins
vegar mun fleiri en áður.
Þetta árið getur jólagjöfin
hlaupið frá þrjú þúsund krón-
um til allt að 25 þúsunda.
Lopi og annað sem þarf til
í lopapeysugerðina getur
kostað í kringum þrjú þús-
und krónur og er þá vinnan
ótalin. Hefðbundnar tilbúnar
lopapeysur úr búð kosta allt
frá þrettán þúsund krónum
upp í tuttugu og fimm þúsund
krónur fyrir þær sem teljast til
tískuvara. - jab
Jólagjafir með hagtölugleraugum
Lopapeysa er jólagjöf ársins, að mati Rannsóknarseturs verslunarinnar.
Gjafirnar hafa farið úr því að vera rándýr GPS-tæki í jákvæða upplifun.
ÁR Hagvöxtur Gengisvísitalan**** Meðaleyðslan (kr.) Kaupmáttur launa* Spá um vöxt milli ára*** Jólagjöfin
2005 5,5% 106 19.607 10,8% 2,6% Lófaspilari
2006 2,6% 125,7 26.600 9,0% 2,6% Safapressa
2007 3,8% 121,4 45.500 9,4% 3,8% GPS staðsetningartæki
2008 2,5% 221,8 38.600 -7,5% -3,7% Íslensk hönnun
2009 -6,8% 236,3 42.000 8,0% -7,3% Jákvæð upplifun
2010 -3,0%** 205,2***** 39.500 4,0% - Íslensk lopapeysa
* Heimild: Hagstofa Íslands. Meðaltal ársins. ** Skv. spá Hagstofunnar. *** Spá Rannsóknarseturs verslunarinnar.
**** sem næst Þorláksmessu ár hvert. ***** Í enda nóvember 2010
Verkið Nakin kona, græn lauf og brjóstmynd (fr. Nu au Plateau de Sculpteur) sem
spænski málarinn Pablo Picasso málaði af ástkonu sinni Marie-Thérèse Walter árið
1932 seldist fyrir metfé hjá Christie’s í New York í maí. Það fór á 106,5 milljónir dala,
jafnvirði um 12,5 milljarða króna. Bloomberg-fréttaveitan hefur eftir Ken Yeh, fram-
kvæmdastjóra Christie’s í Asíu, að eldri verk meistarans muni vafalítið heilla kínverska
fjárfesta.
„Listaferill Picasso skiptist í mörg tímabil en flestir eru þó sammála um að bestu
verk hans hafi hann gert á milli 1901 og 1940,“ segir Stefán Dagur Mayen Briem,
sérfræðingur hjá Listasafni Íslands. Hann bendir á að Nakin kona, græn lauf og brjóst-
mynd sé merkilegt fyrir þær sakir að þar hafi listamaðurinn farið frá kúbisma yfir í súr-
realisma. Í verkinu megi sjá áhrif beggja stefna. Þekktasta verk Picasso er málverkið
Guernica frá 1937. Það hangir uppi á vegg listasafnsins Museo Reina Sofia í Madríd á
Spáni ásamt verkum landa hans, Salvador Dalí.
P I C A S S O Á H E I M S I N S D Ý R A S T A V E R K
ÁSTKONAN Málverk Picasso af Marie-Thérèse Walter frá 1937 er dýrasti listmunur í
heimi. MARKAÐURINN/AFP
Uppboðsmarkaður með listaverk
í Hong Kong er orðinn sá þriðji
umfangsmesti á eftir New York
og London, samkvæmt erlendum
fjölmiðlum. Sotheby‘s hefur upp á
síðkastið sýnt verk eftir Picasso,
Renoir, Chagall, Degas og Monet
sem bjóða á upp á næstunni. Von-
ast er til að verkin fari á allt frá
tveimur til 25 milljóna dala, allt
upp í tæpa þrjá milljarða króna.
Takashi Seki, forseti Est-
Ouest Auctions í Japan, segir í
samtali við kínverska dagblað-
ið Morning Post tilgang uppboð-
anna að kynna evrópskan list-
heim fyrir kínverskum fjárfest-
um, sem hafi fjölgað á sama tíma
og kreppan brenndi gat í buddur
margra í hinum vestræna heimi.
Kínverskir fjárfestar hafa fram
til þessa einkum keypt listmuni
frá öðrum Asíuríkjum, svo sem
skartgripi, úr, vín og keramik-
muni. Fjárfestarnir hafa heim-
sótt uppboðshúsin og keypt verk
í héraði.
Bloomberg-fréttaveitan hafði í
síðustu viku eftir sérfræðingum
hjá uppboðshúsum Christie‘s og
Sotheby‘s að áhuginn í austri hefði
komið á skemmtilega óvart. - jab
Asískir fjárfestar
kaupi evrópska list
Uppboðshaldarar vinna að því að heilla milljarða-
mæringa í Kína. Hong Kong er heitasti markaðurinn.
J Ó L A G J Ö F I N O G H A G T Ö L U R S Í Ð A S T L I Ð I N F I M M Á R
Nánari upplýsingar varðandi
auglýsingar veitir:
Örn Geirsson,
sími: 512 5448,
netfang: orn@365.is
Áramótaannáll Markaðarins
- uppgjör á árinu 2010 í viðskiptalífinu
Hvað stendur upp úr í viðskiptalífinu á árinu sem er senn liðið?
Hvernig tókst fyrirtækjunum að vinna sig út úr erfiðleikunum?
Hvernig er alþjóðlega umhverfið? Hvað er framundan á nýju ári?
Markaðurinn ræðir við fjölda fólks í viðskiptalífinu.
Dómnefnd Markaðarins velur bestu og verstu viðskipti ársins og
menn viðskiptalífsins árið 2010.
Áramótaannáll Markaðarins kemur út miðvikudaginn 29. desember.