Fréttablaðið - 01.12.2010, Blaðsíða 48

MARKAÐURINN 1. DESEMBER 2010 MIÐVIKUDAGUR10
U T A N D A G S K R Á R
Fyrst þegar tekið er af stað á Ford
Expedition Limited jeppanum er
tilfinningin svolítið eins og maður
hafi stigið upp í vörubíl. Stærðin á
bílnum venst þó ótrúlega fljótt og
er hann raunar furðulipur miðað
við umfang.
Billinn er allur hinn þægilegasti
í umgengni og í raun draumabíll,
utan það eitt að hann eyðir alveg
óhemjumagni af bensíni. Hafi
maður nægilega djúpa vasa til að
standa undir eyðslunni er maður
hins vegar í góðum málum.
Bíllinn er hlaðinn aukabún-
aði, sóllúga er rafdrifin, rafdrif-
in opnun á afturhlera, rafmagn í
öftustu sætaröðinni, rafmagn í
sætastillingum fram í, vel hann-
að aðgerðastýri svo engin hætta
er á að maður reki sig í hnappa
og skipti um útvarpsstöð við akst-
urinn, leður í sætum og þar fram
eftir götunum. Þá er til hæginda
að í sólskyggni ökumannsmegin
eru hnappar sem forrita má með
fjarstýringum bílskúrs- og hliða-
opnara og því er óþarfi að þvælast
með slíka gripi í bílnum.
Bíllinn er átta manna og rúm-
góður mjög. Svo er líka hægt að
leggja niður sæti þannig að jafn-
hátt hleðslupláss verður til inn
eftir öllum bíl. Í honum er ljós
leðurinnrétting og viðaráferð á
mælaborði og stýri.
Tólf ára dóttir undirritaðs var
reyndar svo hrifin af plássinu
í bílnum að hún pantaði þegar
svona eintak, um leið og fjölskyld-
an ynni í lottóinu. Kannski ekki
skrítið enda bíllinn álíka stór að
innan og herbergið hennar.
Jeppanum virðist treystandi í
flestan akstur. Svo er hann líka
með dráttarkúlu (sem smellt er
á eftir hentugleikum) og ræður
við flestallan drátt. Reyndar þarf
kannski að kaupa sérstyrkta kúlu
fyrir stærstu hestakerrurnar, en
bíllinn sjálfur ræður vel við hvað
sem er.
Vélin í bílnum er líka 5,4 lítrar,
300 hestöfl. Það eina sem þarf að
hafa í huga er að spólvörn bílsins
kann í einhverjum tilvikum að
taka af ökumanni ráðin, svo sem
þegar ekið er upp brekku í fljúg-
andi hálku. En vilji maður sjálf-
ur ráða því hvernig maður skilar
aflinu óbeisluðu í dekkin smellir
maður bara á hnapp í mælaborð-
inu og slekkur á spólvörninni.
Í hnotskurn (sem er hálfasna-
legt að segja um svona stóran
bíl) má kalla bílinn voldugan
og þægilegan. Hann er enginn
kappakstursbíll, en lætur ekki
að sér hæða þegar hann er kom-
inn á skrið. Svona stórum bílum
fer þó betur virðulegri akstur og
verður að segjast eins og er að
hvaða forstjóri sem er gæti látið
sér vel líka að aka um á honum.
(Og forstjóri í smærra fyrir-
tæki gæti tekið allan vinnustað-
inn með sér í bíltúr.) Undirritað-
ur lét sér í það minnsta vel líka
og gæti vel hugsað sér að eign-
ast eitt stykki, svona ef horft er
framhjá eyðslunni. Bíllinn lætur
vel að stjórn og var mestanpart í
afturhjóladrifinu í reynsluakstr-
inum. Í hálku og á malarvegum er
þó líkast til öruggast að hafa hann
í aldrifinu, svona til að tryggja
að ökumaður hafi fulla stjórn á
ökutækinu.
Í blönduðum prufuakstri þar
sem trúlega reyndi meira á lang-
keyrsluna fram og til baka yfir
Hellisheiðina fór bensíneyðsla
bílsins rétt niður fyrir sautján lítra
á hundraðið. Líkast til er hann í
rúmum tuttugu lítrum innanbæj-
ar, hversu mikið yfir fer svo eftir
þyngd bensínfótar. Bíllinn lætur
síðan vita þegar áttatíu kílómetr-
ar eru eftir á tankinum og þarf þá
að ýta á hnapp í mælaborði til að
viðvörunin hverfi af upplýsinga-
skjá mælaborðsins. Hún dúkkar
svo reglulega upp eftir því sem
grynnkar á tankinum.
Á vegum úti má hins vegar
draga úr loftmótstöðu með því að
leggja rafdrifna hliðarspeglana
upp að bílnum, en þeir eru nokk-
uð stórir. Ósagt skal látið hvort
nota má þá sem loftbremsu, en
um leið er vissara að leggja þá
að hliðum þegar lagt er innan um
aðra í stæði, svona til að forðast
hnjask.
Ásett verð á bílinn er tæpar
6,3 milljónir króna. Þurfi maður
á annað borð stóran bíl fær
maður þarna mikið fyrir pen-
ingana, hvort sem horft er til
stærðar hans, afls, notagildis eða
þæginda.
Voldugur á alla kanta
FORD EXPEDITION LIMITED Á svona jeppa er maður fær í flestan sjó.
Sunnudagsrúntur úr höfuðborginni austur að Urriðafossi yrði þó ekki nema til hátíða-
brigða hjá fólki á meðallaunum miðað við eyðsluna. MARKAÐURINN/ÓKÁ
Rafmagnsbíllinn Nissan Leaf
hefur verið valinn bíll ársins í
Evrópu 2011. Að valinu standa sjö
evrópsk bílablöð frá jafnmörgum
löndum.
Fram kemur á vef valsins að
þetta séu nokkur tímamót því
bíllinn er fyrsti rafmagnsbíllinn
sem kemst í úrslit í valinu á bíl
ársins og um leið sá fyrsti sinn-
ar tegundar til að hljóta þennan
eftirsótta titil.
Þetta er í annað sinn sem Nis-
san fær útnefninguna, en fyrir
átján árum varð Nissan Micra
fyrsti japanski bíllinn til að hljóta
titilinn Bíll ársins í Evrópu.
„Þrátt fyrir skort á neti hleðslu-
stöðva og takmörkuðu drægi er
með Leaf veðjað á þróun í tækni
og bílaviðskiptum sem annars
gæti hugnast fjölda kaupenda, sér-
staklega þar sem opinber hvata-
kerfi kunna að leiða til lækkunar
á verði bílsins,“ segir í tilkynn-
ingu um úrslitin.
Sjö bílar voru í úrslitum og
var mjótt á mununum milli efstu
sæta. Nissan Leaf fékk 257 stig en
í öðru sæti varð Alfa Romeo Gi-
ulietta með 248 og Opel Meriva
lenti í því þriðja með 244 stig.
Aðrir bílar sem komust í úrslit
í valinu voru Dacia Duster frá
Rúmeníu, Citroën C3/DS3, Ford
C-Max/Grand C-Max og Volvo
S60/V60.
Í dómnefnd áttu sæti 57 blaða-
menn, frá 27 Evrópulöndum, sem
sérhæfa sig í bílaumfjöllun. - óká
Nissan Leaf er bíll
ársins í Evrópu 2011
Fyrsti rafmagnsbíllinn sem komst í úrslit vann.
NISSAN LEAF Fyrir átján árum varð Nissan Micra Bíll ársins í Evrópu, fyrstur japanskra bíla. Leaf
er fyrsti rafmagnsbíllinn til að hljóta titilinn. MYND/NISSAN MOTORS
Óli Kristján
Ármannsson
blaðamaður tekur
til kostanna notaða
bíla og metur hvort
þeir fái staðið undir
því að kallast for-
stjórabílar.
Yfir Heiðina með Óla Krist jáni
H E L S T U S T A Ð R E Y N D I R
Ford Expedition Limited, 2008
Ásett verð: 6.290.000 krónur
Ekinn: 50.340 km
Lengd: 523,2 cm
Breidd: 200,6 cm
Litur: Svartur
Sætafjöldi: 8
Þyngd: 2.660 kg
Burðargeta: 833 kg
Slagrými: 5.400 cm3
Afl: 221,0 kW
Eldsneyti: Bensín
Ú R F O R T Í Ð I N N I
Tónlist hefur alla tíð verið stór
hluti af jólahátíðinni hér á landi
sem annars staðar þar sem sí-
gildir slagarar lifa með fólki
kynslóð fram af kynslóð.
Þessi mynd er tekin í miðri
jólaösinni árið 1962 en á henni
sýnir Guðrún Árnadóttir, af-
greiðslustúlka í hljómplötu-
deild Fálkans, nokkrar helstu
jólaplöturnar.
Myndin birtist á forsíðu Vísis
með frétt um það hversu lítið
var gefið út af íslenskum jóla-
plötum en aðeins ein slík kom út
fyrir þau jól. Það var barnakór
Barnaskóla Hafnarfjarðar sem
söng tvö jólalög inn á plötu.
Þarna má sjá nokkrar af
helstu perlum jólatónlistarinn-
ar fluttar af goðsögnum eins
og Ellu Fitzgerald og Frank
Sinatra, en vinsælasta platan
hefur eflaust verið jólaplata
Elvis Presley, enda voru fáir
vinsælli. - þj
Sígild jólatónlist lifir
alltaf góðu lífi
MARKAÐURINN/LJÓSMYNDASAFN REYKJAVÍKUR
Birtingahúsið fagnar nú um þess-
ar mundir tíu ára afmæli sínu, en
á þessum tíma hefur fyrirtækið
unnið brautryðjendastarf í mark-
aðsráðgjöf hér á landi.
Helstu verkefni Birtingahúss-
ins, að sögn Huga Sævarssonar
framkvæmdastjóra, eru ráðgjöf
til fyrirtækja um hvernig megi
hagnýta sem best fé til auglýs-
ingabirtinga.
Kveikjuna má hins vegar rekja
til þess að hópur stærstu auglýs-
enda landsins kom saman í kjöl-
far hækkunar á auglýsingaverði
Norðurljósa. Samtök auglýsenda
voru endurvakin og samhliða því
myndaðist áhugi á stofnun félags
um faglega ráðgjöf um birtinga-
starfsemi.
„Hvatinn hjá okkur var líka að
skilja á milli framleiðslu á auglýs-
ingaefni og birtinga auglýsinga, að
ráðgjöfin yrði óháð og gegnsæ.“
Hugi segir að markaðurinn hafi
breyst nokkuð síðustu tíu ár. Hann
sé þó áfram íhaldssamur að hluta
en líka kvikur og því þurfi að fylgj-
ast með straumum og stefnum og
bregðast við. Í því sambandi má
til að mynda nefna að auglýsingar
færast nú í meira mæli út á verald-
arvefinn þar sem helstu tækifærin
liggja á sviði samfélagsvefja eins
og Facebook og leitarvéla. „Við
ætlum okkur að sækja enn frek-
ar á markaðinn en fyrst og síðast
að styrkja okkar innviði og líka að
brydda upp á nýjungum.“ - þj
Vinna að bættri
nýtingu fjármuna
HUGI SÆVARSSON Framkvæmdastjóri
Birtingahússins. MARKAÐURINN/GVA
Bankinn hagnaðist um 8,9 millj-
arða króna á fyrstu níu mán-
uðum ársins, þar af um fimm
hundruð milljónir króna á þriðja
ársfjórðungi.
Í uppgjöri bankans kemur fram
að neikvæðra áhrifa hafi gætt
vegna gengistaps og niðurfærslu
lána vegna úrvinnslumála heim-
ila og fyrirtækja. Gengistap nam
2,2 milljörðum króna.
Arðsemi Arion banka var 10,4
prósent á ársgrundvelli og var eig-
infjárhlutfall hans 18,1 prósent,
sem er 1,7 prósentustustigum
meira en í lok annars fjórðungs.
- jab
Gengistap setur strik í
reikning Arion banka
ARION BANKI Fékk skell á þriðja fjórð-
ungi ársins. MARKAÐURINN/PJETUR