Fréttablaðið - 02.12.2010, Blaðsíða 12

12 2. desember 2010 FIMMTUDAGUR
BANDARÍKIN Harkalegustu við-
brögðin við birtingu leyniskjala
bandarísku utanríkisþjónust-
unnar á Wikileaks komu frá Tom
Flanagan, sem er ráðgjafi forsæt-
isráðherra Kanada, Toms Harper.
„Satt að segja tel ég að það ætti að
taka Assange af lífi,“ sagði Flanag-
an í sjónvarpsviðtali.
Mike Huckabee, fyrrverandi
forsetaframbjóðandi repúblikana
í Bandaríkjunum, segir hins vegar
að sá Bandaríkjamaður sem lak
skjölunum til Wikileaks eigi dauða-
refsingu skilda fyrir landráð.
Bandarísk stjórnvöld reyna hins
vegar að hraða í gegnum þingið
nýjum lögum um vernd uppljóstr-
ara. Þau eiga að gera ríkisstarfs-
mönnum kleift að gefa viðeigandi
ríkisstofnunum viðkvæmar upp-
lýsingar um spillingu, sóun og
lélega stjórnun stofnana sem þeir
starfa hjá, án þess að eiga á hættu
brottrekstur, málshöfðun eða aðra
refsingu.
Tilgangurinn er sá að veita fólki
annan farveg fyrir gagnrýni sína
en að senda viðkvæmar upplýsing-
ar til Wikileaks eða annarra sam-
taka af svipuðu tagi.
„Þangað til þessi lög verða sam-
þykkt mun Wikileaks áfram vera
öruggasta leiðin fyrir uppljóstr-
ara sem ekki hafa áhuga á að
útrýma sjálfum sér af starfsvett-
vangi sínum,“ segir Tom Devine,
lögfræðilegur framkvæmdastjóri
óháðra bandarískra samtaka sem
heita Government Accountability
Project. Þau voru stofnuð árið 1977
og vinna að því að tryggja öryggi
uppljóstrara.
Bandaríkin hafa harðlega for-
dæmt birtingu Wikileaks á leyni-
skjölunum, þar sem finna má upp-
lýsingar úr trúnaðarsamtölum,
meðal annars skoðanir banda-
rískra stjórnarerindreka á stjórn-
málamönnum ýmissa ríkja.
„Þessi uppljóstrun er ekki aðeins
árás á utanríkishagsmuni Banda-
ríkjanna. Þetta er árás á alþjóða-
samfélagið,“ sagði Hillary Clinton,
utanríkisráðherra Bandaríkjanna,
sem varð uppvís að því að hafa
beðið leyniþjónustumenn að safna
viðkvæmum persónuupplýsingum
um yfirmenn hjá Sameinuðu þjóð-
unum. Víðast hvar hafa ráðamenn
annarra landa tekið í svipaðan
streng, þótt orðalagið sé misjafn-
lega afdráttarlaust.
Kínversk stjórnvöld ákváðu að
taka enga áhættu og lokuðu ein-
faldlega á vefsíðuna svo almenn-
ingur í Kína fengi örugglega ekki
að lesa sitthvað sem gæti þótt
vandræðalegt fyrir stjórnina.
gudsteinn@frettabladid.is
Heimtar að
Assange verði
tekinn af lífi
Ráðgjafi forsætisráðherra Kanada vill að Julian Ass-
ange verði tekinn af lífi. Kínverjar lokuðu vefsíðu
Wikileaks. Bandaríkjamenn ætla að setja ný lög til
verndar uppljóstrurum, í von um að stöðva lekann.
DÓMSMÁL Ríkissaksóknari hefur
ákært tæplega þrítugan karlmann
fyrir Héraðsdómi Suðurlands fyrir
að ráðast á konu, misþyrma henni
og hrinda í baðkar. Þá er maður-
inn ákærður fyrir vopnalagabrot
og fleira.
Það var í lok september á þessu
ári sem maðurinn réðst á konuna í
heimahúsi. Hann sló hana í höfuðið
með hnúajárni svo hún féll í gólf-
ið. Þar sem hún lá sló hann hana
ítrekað með handarjaðrinum, með
hnefann krepptan um hnúajárnið,
bæði í höfuð og líkama.
Eftir þetta greip hann um háls
hennar og lyfti henni upp að vegg.
Þar þrengdi hann svo að öndun-
arvegi hennar að henni sortnaði
fyrir augum. Maðurinn sleppti þá
takinu og hrinti henni svo að hún
féll niður og lenti ofan í baðkari.
Konan hlaut sár, bólgur og mar á
höfði og víðs vegar á líkama.
Eftir þetta ók maðurinn undir
áhrifum fíkniefna og án ökurétt-
ar þar til lögregla stöðvaði hann
við Rauðavatn. Í vasa hans fannst
hnúajárnið, svo og amfetamín í
bílnum.
Konan krefst tæplega 1,6 millj-
óna króna í skaðabætur. - jss
Ríkissaksóknari ákærir mann um þrítugt fyrir sérlega hættulega líkamsárás:
Réðst á konu með hnúajárni
IÐNAÐUR Í tilefni áttatíu ára
afmælis hitaveitunnar verður
opið hús hjá Orkuveitu Reykja-
víkur á laugardaginn, 4. desem-
ber.
Gestum og gangandi er boðið
að fræðast um heita vatnið og sjá
hvernig unnið er hjá Orkuveit-
unni. „Um leið verður hitaveit-
an úr Hellisheiðarvirkjun afhent
formlega til reksturs, en virkj-
unin framleiðir einnig rafmagn,“
segir á vef Orkuveitunnar.
Opið verður á Bæjarhálsi milli
klukkan eitt og fjögur. - óká
Orkuveitan með opið hús:
Áttatíu ára af-
mæli fagnað
WIKILEAKS Í PAKISTAN Viðskiptavinur í raftækjaverslun í Pakistan les um kjarnorku-
áform stjórnar landsins á sjónvarpsskjá. FRÉTTABLAÐIÐ/AP
Þessi uppljóstrun er
ekki aðeins árás á
utanríkishagsmuni Bandaríkj-
anna. Þetta er árás á alþjóða-
samfélagið.
HILLARY CLINTON
UTANRÍKISRÁÐHERRA BANDARÍKJANN
Allir Samfylkingarfélagar velkomnir
Betri stjórnmál
Flokksstjórnarfundur Samfylkingarinnar,
Hótel Loftleiðum, laugardaginn 4. desember kl. 11.00
Skráning og afh ending fundargagna frá kl. 10.00
kl. 11.00 Jóhanna Sigurðardóttir, formaður, setur fundinn
Dagur B. Eggertsson, varaformaður
Næstu skref í umbótastarfi Samfylkingarinnar
kl. 11.15 Verkstjórn umbótanefndar kynnir tillögur nefndarinnar
Ásgeir Beinteinsson, Hólmfríður Sveinsdóttir,
Jón Ólafsson og Kolbrún Benediktsdóttir
Verkstjórn svarar fyrirspurnum
kl. 12.30 Matarhlé
kl. 13.00 Hringborðsumræður - viðbrögð og sjónarmið fl okksfélaga
Hvernig tryggjum við vandaða meðferð tillagna umbótanefndar?
Fundargestir vinna á hringborðum
kl. 14.15 Jóhanna Sigurðardóttir, formaður
Betri stjórnmál – ábyrgð Samfylkingarinnar
Almennar umræður
Áætluð fundarlok kl. 15.30
Fundarstjóri: Margrét S. Björnsdóttir, formaður framkvæmdastjórnar
- tillögur umbótanefndar, kynning og umræður
xs.is
ELDUR Í ISTANBÚL Mikill eldur kom
upp í sögufrægri lestarstöð í Istanbúl
í vikunni. FRÉTTABLAÐIÐ/AP
ÞORLÁKSMESSUTÓNLEIKAR 2010
Í HÁSKÓLABÍÓIBUBBI
MORTHENS
BYLGJAN KYNNIR:
ÁRLEGIR ÞORLÁKSMESSUTÓNLEIKAR BUBBA MORTHENS VERÐA Í HÁSKÓLABÍÓI ÞANN 23. DESEMBER OG HEFJAST KL. 22.00.
SÉRSTAKUR GESTUR BUBBA ER JÓNAS SIGURÐSSON.
MIÐASALA ER HAFIN Á MIDI.IS.
MIÐAVERÐ 3.500 KR.
ALLAR NÁNARI UPPLÝSINGAR Á PRIME.IS.
RAUÐAVATN Lögreglan stöðvaði mann-
inn við Rauðavatn og handtók hann.
FRÉTTABLAÐIÐ/VALLI