Fréttablaðið - 02.12.2010, Blaðsíða 16
16 2. desember 2010 FIMMTUDAGUR
Seta á stjórnlagaþingi er
fullt starf. Aðsetur þess
verður í fyrrum húsnæði
Háskólans í Reykjavík í
Ofanleiti. Verkefni þingsins
er að semja frumvarp að
nýrri stjórnarskrá og senda
Alþingi til meðferðar. Þing-
ið er friðheilagt að lögum.
Þeir 25 sem kjörnir voru til setu á
stjórnlagaþingi fá frí frá vinnu á
meðan þingið situr.
Í lögum um þingið segir að þeir
sem taki sæti á stjórnlagaþingi og
bera skyldur samkvæmt ráðning-
ar- og kjarasamningum eiga rétt á
leyfi frá störfum sínum þann tíma
sem þeir gegna þingstörfum.
Eftir því sem næst verður komist
er þetta einstakt ákvæði í íslensk-
um lögum. Fá, ef nokkur dæmi eru
þess að starfsmanni á almennum
vinnumarkaði sé með lögum veitt
frí í vinnu til að gegna öðru starfi.
Í lögum um þingfararkaup er
kveðið á um rétt manna til að fá
leyfi frá opinberu starfi til að gegna
þingmennsku. Hvergi er minnst á
einkamarkaðinn.
Helst er að finna fyrirmynd frí-
ákvæðisins í lögum um fæðingar-
og foreldraorlof. Í þeim segir að
ráðningarsamband haldist óbreytt
í orlofi. Starfsmaður eigi rétt á að
hverfa aftur í starf sitt að orlofi
loknu. Sé þess ekki kostur skuli
hann eiga rétt á sambærilegu starfi
hjá vinnuveitanda.
Stjórnlagaþingmenn fá sömu
laun og alþingismenn. Þau eru 520
þúsund krónur á mánuði. Forseti
þingsins, sem þingmenn kjósa úr
eigin röðum, fær sömu laun og for-
seti Alþingis. Þau eru samsvarandi
launum ráðherra og nema 855 þús-
und krónum á mánuði.
Þrjár starfsnefndir starfa á
vegum stjórnlagaþings. Formenn
þeirra fá greitt fimmtán prósenta
álag ofan á laun sín, samsvar-
andi álagi formanna fastanefnda
Alþingis. Formenn nefnda stjórn-
lagaþingsins fá því rétt tæpar sex
hundruð þúsund krónur á mánuði.
Fulltrúar á stjórnlagaþingi sem
búa utan höfuðborgarsvæðisins fá
greiddan vikulegan ferðakostnað
og verður þeim séð fyrir gistingu
í Reykjavík.
Samkvæmt lögum um stjórn-
lagaþing skal það koma saman eigi
síðar en 15. febrúar 2011 og ljúka
störfum 15. apríl 2011. Þingið getur
sjálft ákveðið að ljúka störfum fyrr
en sjái það fram á að geta ekki lokið
skyldum sínum á tveimur mánuð-
um getur það óskað eftir því við
Alþingi að starfstími þess verði
framlengdur um aðra tvo mánuði.
Stjórnlagaþing nýtur sömu
verndar og Alþingi samkvæmt
stjórnarskrá og XI. kafla almennra
hegningarlaga. Í 36. grein stjórnar-
skrárinnar segir: „Alþingi er frið-
heilagt. Enginn má raska friði þess
né frelsi.“
Í ellefta kafla almennra hegn-
ingarlaga er meðal annars hin
fræga hundraðasta grein en hún
er svohljóðandi: „Hver, sem ræðst
á Alþingi, svo að því eða sjálfræði
þess er hætta búin, lætur boð út
ganga, sem að því lýtur, eða hlýðir
slíku boði, skal sæta fangelsi ekki
skemur en 1 ár, og getur refsing-
in orðið ævilangt fangelsi, ef sakir
eru mjög miklar.“
Aðsetur stjórnlagaþingsins
verður í Ofanleiti 2. Þar var áður
Háskólinn í Reykjavík til húsa.
Á fyrstu hæð verður þingsalur,
nefndaaðstaða verður á annarri
hæð og á þeirri fimmtu starfsað-
staða þingmanna og starfsfólks.
Húsnæðið þykir henta vel undir
starfsemina og þarf ekki að ráðast
í breytingar á innréttingum.
Kostnaður við stjórnlagaþingið
mun liggja öðru hvoru megin við
hálfan milljarð króna. Kostnað-
ur við þingið sjálft er talinn verða
rúmar 200 milljónir og kosningar
til þess kostuðu um 230 milljónir.
Til viðbótar er kostnaður við
aðra þætti, svo sem þjóðfund um
stjórnarskrá.
FRÉTTASKÝRING: Stjórnlagaþingið tekur til starfa í febrúar
Björn Þór
Sigbjörnsson
bjorn@frettabladid.is
Fá frí frá störfum og
laun alþingismanna
Hlutverk, viðfangsefni og skipulag
Hlutverk stjórnlagaþings er ein-
faldlega að endurskoða stjórnar-
skrána.
Samkvæmt lögunum sem um
þingið gilda ber því að taka sér-
staklega til umfjöllunar eftirfarandi
þætti:
1. Undirstöður íslenskrar stjórn-
skipunar og helstu grunnhugtök
hennar.
2. Skipan löggjafarvalds og fram-
kvæmdarvalds og valdmörk
þeirra.
3. Hlutverk og stöðu forseta lýð-
veldisins.
4. Sjálfstæði dómstóla og eftirlit
þeirra með öðrum handhöfum
ríkisvalds.
5. Ákvæði um kosningar og kjör-
dæmaskipan.
6. Lýðræðislega þátttöku almenn-
ings, m.a. um tímasetningu og
fyrirkomulag þjóðaratkvæða-
greiðslu, þar á meðal um frum-
varp til stjórnarskipunarlaga.
7. Framsal ríkisvalds til alþjóðastofn-
ana og meðferð utanríkismála.
8. Umhverfismál, þar á meðal um
eignarhald og nýtingu náttúru-
auðlinda.
Þingið getur svo ákveðið að taka
fleiri þætti til umfjöllunar.
Stjórnlagaþing kýs sér forseta og
varaforseta og formenn þriggja
starfsnefnda þingsins. Þeir fimm
skipa forsætisnefnd stjórnlaga-
þings.
Starfsnefndirnar, sem í sitja tveir
þingfulltrúar auk formanns, eru:
1. Nefnd um undirstöður íslenskr-
ar stjórnskipunar, dómstóla og
réttarríkið.
2. Nefnd um skipan löggjafarvalds
og framkvæmdarvalds og hlut-
verk forseta lýðveldisins.
3. Nefnd um kosningamál og þjóð-
aratkvæðagreiðslur.
Allir þingfulltrúar eiga seturétt á
fundum nefnda með málfrelsi og
tillögurétti.
HÚSAKYNNIN
Aðsetur stjórnlaga-
þings verður í fyrrum
húsnæði Háskólans í
Reykjavík.
Þingfundir stjórnlagaþings verða haldnir í heyranda hljóði og eru öllum
opnir eftir því sem húsrúm leyfir.
Nefndir þingsins geta einnig ákveðið að halda fundi sína í heyranda hljóði
og opna öllum eftir því sem húsrúm leyfir.
Allir geta lagt fram tillögur
Stjórnlagaþing mun auglýsa með víðtækum hætti eftir tillögum frá almenn-
ingi, hagsmunasamtökum eða öðrum sem kunna að vilja koma tillögum
sínum og öðrum erindum á framfæri við þingið.
Í heyranda hljóði og kallað eftir tillögum
Verklag stjórnlagaþingsins verður, í grófum dráttum, tvískipt. Fyrst verður
fjallað í nefndum um tiltekin viðfangsefni. Þegar niðurstöður og tillögur
liggja fyrir mun forsætisnefnd undirbúa frumvarp til stjórnskipunarlaga.
Þá hefst meðferð þingsins á frumvarpinu sem rætt verður við tvær
umræður. Við fyrri umræðu skal ræða frumvarpið í heild. Að henni lokinni
veita starfsnefndir umsagnir og forsætisnefnd veitir álit. Að því búnu verða
einstakar greinar frumvarpsins ræddar og breytingartillögur við þær. Hverj-
um þingfulltrúa er frjálst að leggja fram breytingartillögur.
Þegar umræðu er lokið verða atkvæði greidd um hverja grein frumvarps-
ins og breytingartillögur við þær.
Þegar stjórnlagaþing hefur samþykkt frumvarp til stjórnskipunarlaga skal
það sent Alþingi til meðferðar.
Verklagið
EIRÍKUR
BERGMANN
EINARSSON
ÁSTRÓS
GUNNLAUGS-
DÓTTIR
ARNFRÍÐUR
GUÐMUNDS-
DÓTTIR
DÖGG
HARÐAR-
DÓTTIR
ERLINGUR
SIGURÐAR-
SON
ÞORKELL
HELGASON
ARI TEITSSONFREYJA
HARALDS-
DÓTTIR
PÉTUR
GUNNLAUGS-
SON
SILJA BÁRA
ÓMARS-
DÓTTIR
VILHJÁLMUR
ÞORSTEINS-
SON
PAWEL
BARTOSZEK
LÝÐUR
ÁRNASON
ÞÓRHILDUR
ÞORLEIFS-
DÓTTIR
ÖRN BÁRÐUR
JÓNSSON
ÞORVALDUR
GYLFASON
SALVÖR
NORDAL
ÓMAR
RAGNARS-
SON
ILLUGI
JÖKULSSON
ANDRÉS
MAGNÚSSON
KATRÍN
ODDSDÓTTIR
INGA LIND
KARLSDÓTT-
IR
GUÐMUND-
UR GUNN-
ARSSON
GÍSLI
TRYGGVASON
KATRÍN
FJELDSTED
Domo.is • Þingholtsstræti 5
Frítt er fyrir börn yngri en 12 ára og geta 3 börn
verið með hverjum foreldrum og tvo börn með
einu foreldri.
Borðið kostar 7300 fyrir fullorðna.
Gildir alla sunnudaga til jóla opið frá kl 17.00
Borðapantanir í síma 5525588 eða domo@domo.is
Frítt fyrir börnin á
jólahlaðborð Domo.
STJÓRNARSKRÁIN
Kristján níundi gaf
Íslendingum stjórnar-
skrá árið 1874. Kristj-
áni var reist stytta
sem Einar Jónsson
myndhöggvari gerði.
Stendur hún við
Stjórnarráðshúsið í
Lækjargötu.