Fréttablaðið - 02.12.2010, Blaðsíða 64

48 2. desember 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Það var kannski ekkert svo augljóst þegar hann stjórnaði samsöngnum
í Hafnarhúsinu fyrir tveimur árum, en Brian Eno er örugglega einn af
áhrifamestu tónlistarmönnum síðustu 40 ára. Hann var skrítna krydd-
ið sem gerði Roxy
Music svona brjálæð-
islega góða í upphafi
ferilsins og sólóplöt-
urnar hans á áttunda
og níunda áratugn-
um voru sannkölluð
brautryðjendaverk.
Sem pródúser á hann
líka frábæran feril.
Eno var að senda
frá sér nýja plötu,
Small Craft on a
Milk Sea. Hún er
merkileg af tveim-
ur ástæðum. Í fyrsta
lagi er þetta fyrsta
Eno-platan með nýju sólóefni í fimm ár, síðan Another Day on Earth
kom út 2005. Í öðru lagi er þetta fyrsta plata Enos fyrir bresku raftón-
listarútgáfuna Warp í Sheffield. Það er eitthvað fullkomið við að amb-
ient-forsprakkinn Eno skuli nú gefa út hjá Warp sem hefur verið leið-
andi í tilraunaglaðri og framsækinni raftónlist í yfir 20 ár. Eno fluttur
inn til Aphex Twin og Squarepushers …
Small Craft on a Milk Sea kom út í Evrópu 15. nóvember. Eno vann
hana með þeim Jon Hopkins og Leo Abrahams. Hún var tekin upp 2009
og 2010 og hefur að geyma sextán lög. Nokkur þeirra eru sveimverk
í anda fyrri afreka Enos, en svo er líka taktfastari og háværari tón-
list inn á milli. Flott plata sem ungir og eldri aðdáendur Brians Peters
George St. John le Baptiste de la Salle Eno ættu ekki að láta fram hjá
sér fara.
Eno kominn aftur á kreik
ÁHRIFAMIKILL Eno þegar hann hafði hár og bar skrítin
höfuðföt.
> Plata vikunnar
Agent Fresco - A Long Time List-
ening
★★★★★
„A Long Time Listening er einfaldlega
besta plata ársins. Svo mörg voru þau
orð.“ FGG
> Í SPILARANUM
Kanye West - My Beautiful Dark Twisted Fantasy
Sigurður Guðmundsson - Nú stendur mikið til
Bruce Springsteen - The Promise
Jóel Pálsson - Horn
GusGus - 15 ára
KANYE WEST GUSGUS
TÓNLISTINN
Vikuna 25. nóvember - 1. desember 2010
LAGALISTINN
Vikuna 25. nóvember - 1. desember 2010
Sæti Flytjandi Lag
1 Páll Óskar og Memfismafían ......Það geta ekki allir...
2 Dikta ......................................................................Goodbye
3 Hjálmar ....................................................Gakktu alla leið
4 Blaz Roca ásamt Bent og Ragga B. ...... Allir eru að...
5 Rihanna .......................................Only Girl In The World
6 Jón Jónsson ...................................When You’re Around
7 Hurts ..........................................................Wonderful Life
8 Robbie Williams / Gary Barlow ........................Shame
9 Sálin hans Jóns míns.... Vatnið rennur undir brúnna
10 Ensími ...............................................................Aldanna ró
Sæti Flytjandi Lag
1 Frostrósir ................................................... Hátíðin heilsar
2 Baggalútur ..........................................................Næstu jól
3 Bubbi ..................................Sögur af ást, landi og þjóð
4 Björgvin Halldórsson .............................................Duet II
5 Prófessorinn og Memfismafían ................. Diskóeyjan
6 Hjálmar .................................................Keflavík Kingston
7 Sigurður G og Memfismafían ... Nú stendur mikið til
8 Blaz Roca ............................. Velkomin til KópaCabana
9 Agent Fresco ..............................A Long Time Listening
10 Raggi Bjarna ........................... 75 ára afmælistónleikar
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
Hinn fjölhæfi tónlistarmaður Conor
Oberst hefur undanfarin ár hvílt
aðalbandið sitt, Bright Eyes, og ein-
beitt sér að öðrum verkefnum. Þar
ber hæst bandið Conor Oberst and
the Mystic Calley Band sem hann fer
vitanlega fyrir en svo er hann einnig
meðlimur í súpergrúppunni Monsters
of Folk.
Oberst er farinn að huga aftur að
Bright Eyes. Hann tók upp nýtt lag á
dögunum og nú er von á nýrri breið-
skífu. Platan kallast The People‘s Key
og verður sú sjöunda í röðinni. Hún
kemur út hjá Saddle Creek 15. febrú-
ar næstkomandi.
Fram til þessa hefur mannaskipan
Bright Eyes verið misjöfn eftir verk-
efnum og Oberst hefur alltaf verið
eini fasti meðlimurinn. Nú skipar
hins vegar þriggja manna kjarni
sveitina. Auk Obersts eru í band-
inu Nathaniel Walcott og Mike
Mogis sem er í Monsters of Folk
og hefur margoft starfað
með Oberst.
Bright Eyes vaknar til lífsins
NÓG AÐ GERA Tónlistarmað-
urinn Conor Oberst hefur tekið
upp plötu með aðalbandinu sínu
Bright Eyes. Hún kemur út í febrúar
á næsta ári.
Sjötta plata The Black Eyed
Peas, The Beginning, kom
út fyrir skömmu. Fimmt-
án ár eru liðin frá stofnun
þessarar vinsælu hip-hop
sveitar.
Hljómsveitin The Black Eyed Peas
hamrar járnið á meðan það er heitt
því sjötta plata hennar, The Beginn-
ing, er nýkomin út, aðeins tæpu einu
og hálfu ári á eftir hinni gríðarvin-
sælu The E.N.D. Sú plata hefur selst
í rúmlega ellefu milljónum eintaka
og er fyrsta platan í tvo áratugi með
dúói eða hljómsveit sem nær fimm
lögum inn topp 10-lista Billboard
í Bandaríkjunum. Á meðal þeirra
er að sjálfsögðu hið gríðarvinsæla
I Gotta Feeling þar sem franski
plötusnúðurinn David Guetta stjórn-
aði upptökum. Lagið komst í topp-
sæti vinsældalista í tuttugu lönd-
um og var tilnefnt sem lag ársins á
Grammy-hátíðinni.
Það getur verið erfitt að fylgja
eftir slíkum vinsældum og forvitni-
legt verður að sjá hvort The Black
Eyed Peas tekst það með The Beg-
inning. Forsprakkinn will.i.am.
segir plötuna snúast um það sem
er að gerast í heiminum um þessar
mundir. „The Beginning snýst um
að aðlagast nýrri tækni, eins og þrí-
vídd, 360-myndefni og annars konar
tölvutækni. Hún snýst einnig um til-
raunamennsku og að nota lög sem
við fílum úr fortíðinni og leika okkur
með flotta takta,“ sagði hann. Þar á
will m.a. við fyrsta smáskífulagið
The Time (Dirty Bit) sem er byggt í
kringum (I´ve Had) The Time of My
Life úr myndinni Dirty Dancing frá
árinu 1987 sem þau Bill Medley og
Jennifer Warnes sungu.
The Black Eyed Peas hefur verið
lengi að. Sveitin var stofnuð árið
1995 af þeim William Adams (will.
i.am) and Allan Pineda (apl.de.ap).
Hún sló samt ekki í gegn fyrr en átta
árum seinna með plötunni Elephunk.
Þar söng Fergie í fyrsta sinn með
Baununum og í kjölfarið vann sveit-
in sín fyrstu Grammy-verðlaun fyrir
lagið Let ś Get It Started. Annað lag
af plötunni, Shut Up, náði einnig
miklum vinsældum. Þess má geta að
Fergie var ekki fyrsti valkostur sem
söngkona The Black Eyed Peas því
Nicole Sherz inger úr The Pussy cat
Dolls var fyrst beðin um að ganga
til liðs við will.i.am og félaga en gat
ekki þekkst boðið vegna þess að hún
var samningsbundin stúlknasveit-
inni Eden ś Crush.
Vinsældir The Black Eyed Peas
hafa verið svakalegar á undanförn-
um árum. Sveitin hefur selt rúmlega
28 milljónir platna um allan heim og
20 milljónir smáskífna. Aðdáenda-
hópurinn hefur stækkað með hverju
árinu og á vafalítið eftir að gera það
áfram með tilkomu nýju plötunnar.
freyr@frettabladid.is
TÆPAR ÞRJÁTÍU MILLJÓNIR
PLATNA Á FIMMTÁN ÁRUM
VINSÆL LÖG
■ Don´t Phunk with My Heart
■ My Humps
■ Let´s Get It Started
■ Where Is The Love?
■ Shut Up
■ I Gotta Feeling
■ Boom Boom Pow
THE BLACK EYED PEAS Hip hop-sveitin The Black Eyed Peas hefur gefið út sína sjöttu plötu, The Beginning. NORDICPHOTOS/GETTY