Fréttablaðið - 03.12.2010, Blaðsíða 62

14 •
LANGBESTA ÁR
Í SÖGU DIKTU
DIKTA ER HLJÓMSVEIT ÁRSINS. THANK YOU ER LAG ÁRSINS. POPP HEYRÐI Í SÖNGVARA ÁRSINS.
„Þetta er náttúrlega búið að vera fáránlegt
ár,“ segir Haukur Heiðar Hauksson, söngvari
hljómsveitarinnar Dikta.
Dikta er búin að eiga ótrúlegt ár. Platan
Get It Together sat á toppi vinsældalistans í
margar vikur, lagið Thank You náði óheyrð-
um hæðum í útvarpsspilun og hvert sem
hljómsveitin kom var uppselt.
„Leiðin hefur legið upp á við í þessi ellefu
ár sem við höfum starfað; fleiri og fleiri
aðdáendur og fleiri og fleiri sem mæta á
tónleika. Svo í nóvember í fyrra fór þetta
eins og raketta upp í loftið,“ segir Haukur og
rifjar upp útgáfutónleika Diktu í nóvember í
fyrra. Tónleikarnir voru eins konar vatnaskil
á ferli hljómsveitarinnar.
„Þá fylltum við Nasa – sem ég hélt að við
myndum aldrei gera. Það var ekki í myndinni
einhverjum mánuðum fyrr,“ segir Haukur.
„Svo gerðum við það aftur í febrúar og aftur
í apríl. Hvert sem við fórum var uppselt. Við
héldum tvenna tónleika á Akureyri og það
var alltaf uppselt. Þetta var bara bull. Alveg
súrrealískt.“
Lagið Thank You er tvímælalaust lag
ársins, en það var í gríðarlegri spilun á öllum
helstu útvarpsstöðvum landsins. Haukur
segist hafa lent í því að fólk hafi hringt í
hann og hreinlega beðið hann um að draga
það úr spilun, svo gríðarlegar voru vinsæld-
ir lagsins. Hann tekur þó fram að fólk hafi
verið að grínast í honum.
„Mamma mín sagði mér að hún hefði verið
að hlusta á Bylgjuna þegar kona hringdi inn
og fer að ræða hvað þetta væri nú gott lag
– en það væri samt búið að spila það svo
mikið að hundurinn hennar flúði alltaf inn
í annað herbergi þegar lagið væri spilað.
Hann lét sig hverfa. Mér finnst það gott!
Hundurinn var kominn með nóg af þessu.“
Haukur og félagar eru að sjálfsögðu gríðar-
lega ánægðir og þakklátir með árangurinn.
Dikta er á leiðinni til Þýskalands á næsta
ári, en platan Get It Together kemur þar út
um það leyti. „Við erum að reyna að minnka
við okkur áður en geðveikin hefst á næsta
ári. Erum að semja og æfa, en það gengur
misjafnlega vel að finna tíma fyrir það,“
segir Haukur.
En er möguleiki að toppa þetta ár?
„Ekki hérlendis. Við seldum gullplötu,
næstum því platínu. Fylltum alla tónleika-
staði nema Laugardalshöllina. Eina leiðin til
að toppa þetta væri að gera eitthvað stærra
erlendis.“ SKÁL Haukur Heiðar hefur ástæðu til að fá sér ískalt vatnsglas.
Jólin eru að koma hvort sem
okkur líkar það betur eða verr.
Ein leiðin til að gera þessa myrku
hátíð skemmtilega er að fara
frumlegar leiðir í gjafavali. Popp
tók saman nokkrar hugmyndir
sem fæstir myndu láta sér detta
í hug.
GJAFIRN-
AR SEM
ENGINN
FATTAR
AÐ GEFA
LÁTTU GERA BOBBLE-HAUS Á
vefsíðunni www.whoopassent-
erprises.com getur þú látið sér-
smíða handa þér bobble-haus.
Hausinn yrði eftirmynd af þeim
sem þú ætlar að gefa gjöf-
ina eða jafnvel af sjálfum þér.
Hausarnir kosta frá 80 dölum
og upp úr og þú þarft að hafa
hraðar hendur ef þú ætlar að
panta fyrir jól.
SÉRHANNAÐ M&M Allir elska M&M.
Pældu í ef þú ættir M&M með stöfunum
þínum eða jafnvel mynd af þér á sjálfu
namminu. Á vefsíðunni www.mymms.
com geturðu látið prenta á nammi, valið
liti og jafnvel myndir. Fáránlega sniðugt
og bragðgott, sem er einmitt krafan sem
ritstjórn Popps gerir til gjafa almennt.
PARIS HILTON Í PARTÍ Um-
boðsskrifstofan www.athlete-
promotions.com er með alls
kyns stjörnur á sínum snær-
um. Hvernig væri að taka upp
veskið og gefa besta vini
þínum Paris Hilton í jóla-
gjöf? Þú getur látið hana
koma í partí og halda
uppi stuðinu með sínum
heimsþekkta húmor.
Þetta gæti orðið kostn-
aðarsamt, en er vafalaust
hverrar krónu virði.
DRAUMUR B-MANNSINS Fæstum finnst
skemmtilegt að vakna á morgnana, en
það væri svo miklu auðveldara ef maður
myndi vakna vel - eins og til dæmis við
sólarupprás. Lífsklukkan er algjör snilld
sem líkir eftir sólarupprás á morgnana og
sér þannig til þess að þú vaknir náttúru-
lega, eins og hellisbúi! Skoðaðu www.lifs-
klukkan.is fyrir nánari upplýsingar.
CHUCK NORRIS VAR BITINN AF SNÁKI. ÞREMUR
DÖGUM SÍÐAR DRAPST SNÁKURINN.EKKI SÍST
sólgleraugu
gjöf
sem
gleður
Verð frá
kr. 19.900