Fréttablaðið - 03.12.2010, Blaðsíða 94
3. desember 2010 FÖSTUDAGUR50
sport@frettabladid.is
RAY ANTHONY JÓNSSON leikmaður Grindavíkur og filippseyska landsliðsins, lék allan leikinn þegar
Filippseyjar gerðu 1-1 jafntefli við Singapúr í Suzuki Cup í gær. Mótið er keppni þjóða í suðausturhluta Asíu en
næsti leikur Ray og félaga er gegn Víetnam á sunnudaginn.
FÓTBOLTI ÍBV hefur verið á undan-
þágu frá leyfiskerfi KSÍ síðan
2003. Á þeim tíma hefur lítið gerst
í mannvirkjamálum á Hásteins-
velli og nú er svo komið að Eyja-
menn eru að renna út á tíma. Komi
þeir ekki sómasamlegri stúku upp
fyrir sumarið 2012 verður ekki
spilaður fótbolti í Eyjum yfir sum-
artímann.
„Yfirmaður leyfiskerfis UEFA
kom til okkar á dögunum og til
að gera langa sögu stutta uppfyll-
ir völlurinn ekki kröfur UEFA
fyrir Evrópuleiki. Það sem vant-
ar upp á er yfirbyggð stúka, 350
sæti til viðbótar og aðstaða fyrir
fjölmiðla,“ segir Trausti Hjaltason,
framkvæmdastjóri knattspyrnu-
deildar ÍBV, en núverandi stúka í
Eyjum tekur 550 manns í sæti.
Forráðamenn ÍBV hafa leitað
á náðir bæjaryfirvalda í Eyjum
vegna málsins enda nokkuð ljóst
að ný stúka fer ekki upp nema með
aðstoð þeirra.
Engin Evrópukeppni á Hásteins-
velli?
„KSÍ mun líka koma að verkefninu
en við vonumst til þess að fá styrk
úr mannvirkjasjóði. Það hefur í
raun ekkert gerst síðan við fórum
á undanþágu árið 2003 en mér
finnst loksins vera kominn skriður
á málið. Að öllu óbreyttu fáum við
ekki að spila á Hásteinsvelli sum-
arið 2012 en ef það fer eitthvað í
gang núna þá verður vonandi hægt
að bjarga málunum.
Ég er ekki sérstaklega bjartsýnn
á að við verðum klárir fyrir Evr-
ópuleikina í sumar en stóri haus-
verkurinn er að hafa allt klárt
fyrir 2012. Það gengur ekki að
við spilum ekki okkar heimaleiki
í Eyjum á Íslandsmótinu,“ segir
Trausti en Eyjamenn þurfa að til-
kynna um heimavöll sinn í Evrópu-
keppninni í janúar. Hlutirnir þurfa
því að gerast hratt ef ÍBV ætlar að
spila Evrópuleiki þar í sumar.
Trausti segir forráðamenn ÍBV
hafa talað fyrir frekar daufum
eyrum bæjaryfirvalda undanfar-
in ár vegna málsins. Bærinn setti
mikið fjármagn í knattspyrnuhús
sem verið er að klára og hefur því
ekki verið spenntur fyrir að setja
enn meiri peninga í knattspyrnu-
mannvirki. Hann segir ljóst að
byggja þurfi nýja stúku gegnt
þeirri stúku sem nú sé komin
upp.
Vildu byggja stúku sem kostaði 60
milljónir króna
„Engu að síður er þetta ekkert stór-
vægilegt verkefni svo við getum
haldið leikjum ÍBV í okkar heima-
bæ. Okkar áætlanir miðast við
800 manna stúku sem á að kosta
í kringum 60 milljónir króna. Við
vildum gera þetta sómasamlega án
þess að kosta of miklu til.
Þessi áætlun var slegin út af
borðinu hjá bæjaryfirvöldum. Við
erum nú að láta vinna fyrir okkur
kostnaðaráætlun vegna stúku upp
á 350 sæti með möguleika á stækk-
un í framtíðinni. Við vonumst til
þess að bærinn komi með rúm-
lega helming fjárins og við mynd-
um klára afganginn ásamt KSÍ,“
segir Trausti en mest er hægt að fá
10 milljónir króna úr mannvirkja-
sjóði KSÍ. ÍBV á sjálft enga sjóði
og gæti þurft að taka lán vegna
framkvæmdanna.
„KSÍ er alltaf að kvarta yfir því
hvað sé langt frá búningsklefa út á
völl og að aðstaða og aðgengi fjöl-
miðlamanna sé ekki nógu gott. Það
er því heppilegra að búa til stúku
nær Týsheimilinu. Líka vegna
áhorfenda sem komast í betra
skjól vegna vindáttar og völlurinn
kemst því einnig í meira skjól.“
Trausti segist ekki vilja trúa
því að hætt verði að spila fótbolta
á Hásteinsvelli en hvað gerir ÍBV
ef sú staða kemur upp?
„Ef bærinn segir bara þvert
nei þá þarf augljóslega að halda
félagsfund og ræða hvort flytja
eigi félagið upp á land eða leggja
það niður. Ég sé það ekki gerast en
tæknilega séð gæti það gerst. Ég
vona að við þurfum ekki að flytja
okkar völl í bæinn,“ segir Trausti
Hjaltason, framkvæmdastjóri
knattspyrnudeildar ÍBV.
henry@frettabladid.is
Tíminn að renna út hjá Eyjamönnum
Komi ÍBV sér ekki upp nýrri stúku fyrir sumarið 2012 getur það ekki leikið heimaleiki sína í Eyjum. ÍBV
þarf á stuðningi bæjarfélagsins og KSÍ að halda. Framkvæmdastjóri knattspyrnudeildar ÍBV, Trausti Hjalta-
son, segir ólíklegt að félagið nái að leika heimaleiki sína í Evrópukeppninni á Hásteinsvelli næsta sumar.
STÚKAN FÆRIST NÆR TÝSHEIMILINU Nýja stúkan í Eyjum er áætluð á þeim stað þar
sem varamannabekkirnir eru í dag.
STÚKAN BARN SÍNS TÍMA Stúkan sem nú stendur í Eyjum uppfyllir fáar kröfur leyfiskerfis KSÍ. ÍBV vill byggja nýja stúku hinum
megin við völlinn.
FÓTBOLTI „Vilji bæjaryfirvalda er sá
að ÍBV geti spilað sína heimaleiki
á Hásteinsvelli. Það er ekki tíma-
bært að svara því hvort við munum
taka þátt í kostnaði vegna nýrrar
stúkubyggingar,“ segir Elliði Vign-
isson, bæjarstjóri í Vestmannaeyj-
um, spurður hvort bæjaryfirvöld í
Vestmannaeyjum ætli að hjálpa til
við byggingu nýrrar stúku í Eyjum
svo hægt verði að spila fótbolta þar
í efstu deild árið 2012.
„Krafan er ekki á okkur heldur
er krafan frá KSÍ á ÍBV. Við höfum
lýst því yfir að þessi mannvirkja-
stefna KSÍ er í hróplegri andstöðu
við íþróttastefnu Vestmannabæj-
ar. Þar leggjum við höfuðáherslu
á að sinna íþróttamönnunum og
við höfum gert afar vel við okkar
íþróttafólk,“ segir Elliði sem er
augljóslega ekki hrifinn af stefnu
KSÍ í þessum málum.
„Mér finnst fullkomlega óábyrgt
að setja þannig reglur að opin-
bert framlag til þessarar frábæru
íþróttagreinar skuli frekar vera
bundið í áhorfendaaðstöðu en upp-
byggingu á íþróttamönnunum.“
Miðað við það sem fram-
kvæmdastjóri knattspyrnudeild-
ar ÍBV segir þá er félagið alger-
lega háð bæjaryfirvöldum í þessu
máli.
„Við berum virðingu fyrir regl-
um KSÍ en þeir stjórna ekki upp-
byggingu í Vestmannaeyjabæ. Það
gerum við í samstarfi við ÍBV,“
segir Elliði ákveðinn en hann stað-
festir að bæjaryfirvöld vilji ekki
taka þátt í að byggja 60 milljóna
króna stúku.
„Við getum ekki sett slíkan pen-
ing í mannvirki þegar róðurinn er
að þyngjast hjá fólki í Vestmanna-
eyjum. Það væri ábyrgðarlaust. En
að sjálfsögðu vinnum við að lausn
málsins með ÍBV íþróttafélagi.
Við erum til í að skoða allt fram-
lag til íþróttamála svo fremi sem
það sé skynsamleg uppbygging
og ábyrg meðferð á opinberu fé,“
segir Elliði sem segir það einlæg-
an vilja sinn að ÍBV spili áfram á
Hásteinsvelli.
„Það væri gríðarlegur skaði
unninn ef við getum ekki leikið á
Hásteinsvelli. Það væri þungt högg
fyrir íþróttafélagið sem og samfé-
lagið hér og þyngra en tárum taki
fyrir allt okkar starf,“ segir Ell-
iði Vignisson, bæjarstjóri í Vest-
mannaeyjum. - hbg
Elliði Vignisson, bæjarstjóri í Vestmannaeyjum, er ekki sáttur við stefnu KSÍ í mannvirkjamálum:
KSÍ stjórnar ekki uppbyggingu í Vestmannaeyjum
ELLIÐI VIGNISSON Bæjarstjórinn segir
bæjaryfirvöld vinna að lausn mála varð-
andi Hásteinsvöll með ÍBV.
HANDBOLTI Íslenska hand-
boltalandsliðið varð fyrir áfalli
í gær er fréttir bárust af því að
Stella Sigurðardóttir myndi ekki
spila með liðinu á EM í Dan-
mörku vegna meiðsla. Sigurbjörg
Jóhannsdóttir var kölluð í hópinn
í hennar stað en báðar spila með
Fram.
„Ég meiddist á öxl á síðustu
æfingu fyrir æfingamótið í Nor-
egi um síðustu helgi,“ sagði Stella
við Fréttablaðið í gær. „Ég fór
þá strax í myndatöku sem ekk-
ert kom út úr en ég gat samt ekki
spilað í Noregi. Ég fór því í seg-
ulómskoðun, þar sem í ljós komu
bólgur auk þess sem blætt hafði
inn á öxlina.“
Stella mun þó fara með liðinu
til Danmerkur og vera í kring-
um hópinn. „Það er alveg útilok-
að að ég nái fyrstu leikjunum en
kannski örlítill möguleiki á því
að ég geti spilað í seinni vikunni
ef við komumst upp úr riðlinum.
Það er þó alveg óvíst enn sem
komið er.“
Hún segir að það hafi verið
erfitt að kyngja þessum frétt-
um. „Þetta er vissulega erfitt en
ég á vonandi mörg stórmót eftir í
framtíðinni með landsliðinu.“ - esá
Áfall fyrir íslenska landsliðið:
Stella ekki með
í Danmörku
STELLA SIGURÐARDÓTTIR Er meidd á öxl
og verður ekki með. FRÉTTABLAÐIÐ/VALLI
HANDBOLTI Sigurbjörg Jóhanns-
dóttir fékk í gær góðar fréttir en
þá var hún valin í íslenska lands-
liðið sem spilar á EM í Danmörku
í næstu viku. Sigurbjörg kemur
inn í hópinn vegna meiðsla stöllu
hennar hjá Fram, Stellu Sigurð-
ardóttur.
„Það var mjög skrýtið að fá
þessar fréttir. Ég gladdist auð-
vitað mikið yfir því að komast
í landsliðið en um leið var mjög
leiðinlegt að heyra um meiðsli
Stellu,“ sagði Sigurbjörg við
Fréttablaðið í gær.
Hún var ekki valin í nítján
manna æfingahópinn sem fór til
Noregs um helgina og segir að
það hafi verið svekkjandi.
„Ég hafði alltaf stefnt að því
að komast í landsliðið en ég hélt
alltaf í vonina. Það var gaman að
sjá að möguleikinn var enn fyrir
hendi.“
Hún hefur spilað vel með Fram
í haust en hún sleit krossband í
hné fyrir tæpum tveimur árum.
„Ég hef notað tímann vel síðan
þá og það var alltaf markmiðið að
komast aftur í landsliðið. Það er
gaman að það hafi tekist.“ - esá
Sigurbjörg Jóhannsdóttir:
Skrýtið að fá
fréttirnar
SIGURBJÖRG JÓHANNSDÓTTIR Í leik
með Fram. FRÉTTABLAÐIÐ/DANÍEL
Það sem vantar upp
á er yfirbyggð stúka,
350 sæti til viðbótar og að-
staða fyrir fjölmiðla … Að öllu
óbreyttu fáum við ekki að
spila á Hásteinsvelli sumarið
2012
TRAUSTI HJALTASON
FRAMKVÆMDASTJÓRI KNATTSPYRNU-
DEILDAR ÍBV