Fréttablaðið - 03.12.2010, Blaðsíða 96

52 3. desember 2010 FÖSTUDAGUR
FÓTBOLTI Landsliðsmaðurinn Aron
Einar Gunnarsson er með í höndun-
um nýtt samningstilboð frá félagi
sínu, Coventry, sem leikur í ensku
B-deildinni. Núverandi samningur
Arons Einar rennur út í sumar en
hann er nú á sínu þriðja ári hjá Cov-
entry.
Þrátt fyrir að hann sé einungis 21
árs gamall á hann nú þegar 98 deild-
arleiki að baki með liðinu og hefur
hann verið fastamaður í því undan-
farin tvö og hálft ár, síðan hann kom
frá AZ Alkmaar í Hollandi sumar-
ið 2008.
„Félagið er búið að bjóða mér
nýjan samning og er ég enn að hugsa
mín mál. Ég veit ekki hvað gerist og
það gæti vel verið að það verði fínt
fyrir mig að vera samningslaus á
Evrópumótinu í sumar,“ sagði Aron
Einar í samtali við Fréttablaðið en
búast má fastlega við því að hann
verði í íslenska U-21 landsliðinu
sem keppir á EM í Danmörku næsta
sumar.
„Samningstilboðið er alls ekki
nógu gott og það er ekki möguleiki
á því að ég muni skrifa undir það.
Þeir vita alveg hvað ég vil fá,“ bætti
hann við.
Aron segir að félög bæði í ensku
úrvalsdeildinni og Þýskalandi hafi
sýnt honum áhuga en að hann sé nú
fyrst og fremst að einbeita sér að
því að spila vel með Coventry.
„Ég hef látið umboðsmanninn
minn algerlega sjá um þessi mál og
það er um að gera að leyfa honum að
vinna fyrir laununum sínum,“ sagði
hann í léttum dúr.
Hann segir þó að það gæti verið
hættulegur leikur að leyfa samn-
ingnum einfaldlega að renna út.
„Það getur vel verið að ég meiðist
og þá er betra að vera með örugg-
an samning á bak við sig. En ég
ætla þó að flýta mér hægt í þessum
málum.“
Aidy Boothroyd er knattspyrnu-
stjóri Coventry og ber Aron honum
vel söguna. „Hann nær alltaf því
besta úr hverjum leikmanni og er
alls ekki hræddur við að henda leik-
mönnum úr liðinu ef þeir standa sig
ekki vel. En hann hefur notað mig og
vill að ég skrifi undir nýjan samn-
ing. Hann vill því eflaust halda mér
góðum,“ sagði Aron og hló.
Hann hefur þó ekki verið að spila
sína uppáhaldsstöðu að undanförnu,
sem varnartengiliður. „Ég hef bæði
verið að spila á hægri kantinum og
fyrir aftan framherja en það hefur
þó gengið ágætlega,“ segir Aron og
útilokar ekki að félagið ákveði að
selja hann í janúar.
„Það er annar möguleiki. En ég
ætla fyrst og fremst að einbeita mér
að því að spila vel og klára tímabilið
með sóma. Svo verða fulltrúar allra
stærstu liða heims í Danmörku í
sumar og aldrei að vita hvað gerist
þá. Það eru spennandi tímar fram
undan.“ - esá
Aron Einar Gunnarsson með nýtt samningstilboð frá enska B-deildarliðinu Coventry:
Mun aldrei sætta mig við þetta tilboð
ARON EINAR Hér í leik með Coventry í
ensku B-deildinni. NORDIC PHOTOS/GETTY
HANDBOLTI Guðmundur Guðmunds-
son landsliðsþjálfari valdi í gær
leikmannahóp sinn fyrir heimsbik-
armótið sem fram fer í Svíþjóð í
næstu viku. Þar mun Ísland mæta
Dönum, Norðmönnum og Svíum.
Fjölmarga lykilmenn vantar í
íslenska liðið að þessu sinni. Mark-
verðirnir Björgvin Páll Gústavsson
og Hreiðar Levy Guðmundsson
fengu ekki leyfi frá félögum sínum
til þess að taka þátt í mótinu. Slíkt
hið sama á við um hornamanninn
Þóri Ólafsson.
Ólafur Stefánsson og Vignir
Svavarsson fá frí af persónuleg-
um ástæðum. Svo er Logi Geirsson
meiddur og Guðjón Valur Sigurðs-
son nýbyrjaður að spila eftir lang-
vinn meiðsli. Skyttan unga Ólafur
Guðmundsson og miðjumaðurinn
Hannes Jón Jónsson eru ekki vald-
ir í hópinn að þessu sinni.
Birkir Ívar Guðmundsson snýr
aftur í markið en langt er síðan
hann var í landsliðinu síðast. Hann
mun standa í markinu ásamt Svein-
birni Péturssyni, sem hefur farið
mikinn í marki Akureyrar. Svein-
björn er nýliði í hópnum rétt eins
og HK-ingurinn Atli Ævar Ingólfs-
son. - hbg
Marga lykilmenn vantar í A-landsliðið í handbolta á heimsbikarmótinu:
Tveir nýliðar hjá Guðmundi
ATLI ÆVAR INGÓLFSSON Hefur spilaði
mjög vel með HK. FRÉTTABLAÐIÐ/VALLI
Landsliðshópurinn
Markverðir:
Birkir Ívar Guðmundsson Haukar
Sveinbjörn Pétursson Akureyri
Aðrir leikmenn:
Alexander Petersson Fuchse Berlin
Arnór Atlason AGK
Arnór Þór Gunnarson Bittenfeld
Aron Pálmarsson Kiel
Atli Ævar Ingólfsson HK
Ásgeir Örn Hallgrímsson Hannover
Bjarni Fritzson Akureyri
Ingimundur Ingimundarson AaB
Oddur Grétarsson Akureyri
Róbert Gunnarsson RNL
Sigurbergur Sveinsson Rheinland
Snorri Steinn Guðjónsson AGK
Sturla Ásgeirsson Valur
Sverre Jakobsson Grosswallstadt
FÓTBOLTI „Við förum til nýrra
landa,“ sagði Sepp Blatter, forseti
FIFA, í gær eftir að hann hafði til-
kynnt heiminum hvernig ein allra
harðasta samkeppni um að fá að
halda HM í fótbolta endaði. Það má
með sanni segja að FIFA hafi farið
með keppnina á nýja staði, annars
vegar til Austur-Evrópu í fyrsta
sinn og hins vegar í eyðimerkur-
hitann við Persaflóa.
Rússar og Katarmenn gengu því
sigri hrósandi út úr höfuðstöðv-
um FIFA í Zürich í gær eftir að
ljóst varð að framkvæmdastjórn
FIFA hafði kosið að HM 2018 og
HM 2022 færi fram í Rússlandi og
Katar. Englendingar höfðu gríðar-
legar væntingar fyrir kosninguna
en þegar upp var staðið þá fékk
enska umsóknin háðulega útreið
hjá 22 meðlimum framkvæmda-
stjórnar FIFA.
David Beckham, ein aðaltals-
maður ensku umsóknarinnar, tók
tapinu af fagmennsku en gat ekki
leynt vonbrigðum sínum. „Við trúð-
um því að við gætum unnið og bæði
forsætisráðherrann og Vilhjálmur
prins unnu mikið og gott starf fyrir
umsóknina. Allt liðið okkar hefur
verið frábært en því miður gátum
við ekki komið með HM heim.
Það eru samt hvergi í heiminum
ástríðufyllri stuðningsmenn held-
ur en í Englandi,“ sagði Beckham.
Rússar unnu yfirburðasig-
ur í kosningunni um HM 2018 og
þurftu aðeins tvær umferðir til
að fá hreinan meirihluta á bak
við sína umsókn. Rússar fengu 9
af 22 atkvæðum í fyrstu umferð
og svo 13 af 22 atkvæðum í ann-
arri umferð. Englendingar fengu
aðeins tvö atkvæði í fyrstu umferð
og duttu strax úr leik
„Þetta þýðir að FIFA treystir
okkur,“ sagði Vladimír Pútín, for-
sætisráðherra Rússa, sem ákvað
að sitja heima en flaug síðan til
Sviss í gær til þess að fagna með
sínu fólki.
„Þetta var mjög vitur og hugrökk
ákvörðun,“ sagði Igor Shuvalov,
varaforsætisráðherra Rússlands.
„Við erum að byggja upp nýtt Rúss-
land og við getum náð því fyrr með
ykkar hjálp,“ sagði Shuvalov.
Það var meiri spenna í kjörinu
um HM 2022 þótt Katar hafi feng-
ið flest atkvæði í öllum umferðum.
Framkvæmdastjórnin endaði á því
að kjósa á milli Katar og Bandaríkj-
anna í fjórðu umferð og vann Katar
þá kosningu örugglega 14-8.
„Ég vil þakka ykkur fyrir að
trúa á breytingar,“ sagði Sheikh
Hamad bin Khalifa Al-Thani,
emír af Katar en Katar mun halda
keppnina í eyðimörk að sumri til.
Katarmenn hafa nóg af pening-
um og hafa lofað heiminum það að
þeir munu nýta sér nýjustu tækni
til þess að kæla niður leikmenn
jafnt sem áhorfendur. Þeir ætla að
endurgera þrjá leikvelli og byggja
tólf nýja.
„Við höfum unnið hörðum hönd-
um að þessu verkefni undanfarin
tvö ár til þess að komast í þessa
stöðu. Við munum fagna í dag en á
morgun hefst strax vinnan því við
þurfum að leggja mikið á okkur til
þess að standa við loforðin okkar,“
sagði furstinn Al-Thani.
Næsta heimsmeistarakeppni
fer fram í Brasilíu eftir tæp fjög-
ur ár en svo er að sjá hvort Eng-
lendingar reyna aftur að fá keppn-
ina þegar kosið verður um hvar
HM fer fram árið 2026. Vonbrigði
gærdagsins munu örugglega kalla
á harða gagnrýni heima fyrir og
því er óvíst hvort HM fer fram í
mekka fótboltans fyrr en eftir
langan tíma. ooj@frettabladid.is
SIGUR Í HÖFN Igor Shuvalov, varaforsætisráðherra Rússa, var kátur þegar ljóst var að
Rússar fá að halda HM 2018. FRÉTTABLAÐIÐ/AP
Rússar halda HM í fótbolta 2018 og keppnin fer fram í
Katar fjórum árum síðar. „Þetta þýðir að FIFA treystir
okkur,“ sagði Vladimír Pútín, forsætisráðherra Rússa.
Enska umsóknin fékk aðeins tvö atkvæði.
Hneyksli fyrir Englendinga í Zürich
Svona var kosið í gær
Svona gekk kosningin fyrir sig hjá framkvæmdastjórn FIFA í gær en til þess að hreppa
HM þurfti umsókn að fá meirihluta atkvæða eða tólf eða fleiri.
HM 2018 (verður í Rússlandi)
1. umferð
Rússland 9, Spánn/Portúgal 7, Holland/
Belgía 4, England 2
2. umferð
Rússland 13, Spánn/Portúgal 7, Holland/
Belgía 2
HM 2022 (verður í Katar)
1. umferð
Katar 11, Suður-Kórea 4, Bandaríkin 3,
Japan 3, Ástralía 1
2. umferð
Katar 10, Suður-Kórea 5, Bandaríkin 5,
Japan 2
3. umferð
Katar 11, Bandaríkin 6, Suður-Kórea 5
4. umferð
Katar 14, Bandaríkin 8
KÖRFUBOLTI Það fara fram leikir
í 16 liða úrslitum Powerade-bik-
arsins í kvöld og þar á meðal eru
tveir úrvalsdeildarslagir: Grinda-
vík-KFÍ og ÍR-Fjölnir.
Það er einnig mjög athyglis-
verð viðureign á Ásvöllum þar
sem Benedikt Guðmundsson
mætir með lærisveina sína í Þór
Þorlákshöfn og spila við Hauka.
Þórsliðið er enn taplaust á tíma-
bilinu því liðið hefur unnið sjö
fyrstu leiki sína í 1. deildinni.
Hjá konum fá Stjörnukonur
Íslandsmeistara KR í heimsókn
en Stjarnan er eins og Þór búin
að vinna alla leiki sína í vetur. - óój
Bikarleikir kvöldsins:
Powerade-bikar karla:
ÍR-Fjölnir kl. 19.15 Grindavík-KFÍ kl. 19.15
Haukar-Þór Þ. kl 19.15 Laugdælir-Ármann kl. 20
Powerade-bikar kvenna:
Hamar-Valur kl. 19.15 Stjarnan-KR kl. 19.30
Powerade-bikar karla í kvöld:
Taplausir Þórsar-
ar á Ásvöllum
ÓSIGRAÐIR Benedikt Guðmundsson,
þjálfari Þórs. FRÉTTABLAÐIÐ/VILHELM
FÓTBOLTI Tony Pulis, stjóri Stoke,
hefur ekki notað Eið Smára Guð-
johnsen í síðustu sex leikjum liðs-
ins en stjórinn hefur nú fullviss-
að Eið um að hann hafi hlutverk
handa honum á þessari leiktíð.
„Eiður þarf meiri tíma en ég
hef enn trú á því að hann hafi
hlutverk hjá liðinu á þessu tíma-
bili,“ sagði Tony Pulis og hann
hrósaði Eiði Smára.
„Eiður er búinn að vera frábær
síðan hann kom. Hann er góður í
hópi og kemur vel saman við aðra
leikmenn í liðinu. Ástæðan fyrir
því að hann er ekki búinn að spila
er að Ricardo Fuller er búinn að
vera frábær, þeir Kenwyne Jones
og Tuncay hafa spilað
vel og Jon Walters
er búinn að standa
sig betur en allir
áttu von á. Ef
þessir leikmenn
hefðu ekki staðið
sig svona vel þá
hefði Eiður fengið
fleiri tæki-
færi,“
sagði
Pulis.
- óój
Tony Pulis hrósar Eiði Smára:
Er frábær í hópi