Fréttablaðið - 04.12.2010, Blaðsíða 10

10 4. desember 2010 LAUGARDAGUR
FRÉTTASKÝRING: Aðgerðir vegna skuldavanda heimilanna
Reginn ehf. dótturfélag Landsbankans hefur falið Fyrirtækjaráðgjöf
Landsbankans að annast sölu á öllu hlutafé í fasteignafélaginu Reginn
A3 ehf. Félagið á 7 fasteignir sem eru að meginhluta leigðar undir
smásölurekstur á höfuðborgarsvæðinu. Félagið er með 24 leigusamninga
við 19 leigutaka. Heildarfjöldi útleigðra fermetra er um 7.800.
Söluferlið hefst formlega með þessari auglýsingu og er opið öllum
áhugasömum fjárfestum sem standast hæfismat og sýnt geta fram á
fjárfestingargetu umfram 350 milljónir króna.
Unnt er að nálgast allar frekari upplýsingar um söluferlið, félagið og
önnur gögn, þar með talið trúnaðaryfirlýsingu og eyðublað fyrir fjárfesta,
á vefsíðu Landsbankans, landsbankinn.is, frá klukkan 15.00 þann
23. nóvember 2010.
Frestur til að skila inn bindandi tilboðum rennur út klukkan 16.00
mánudaginn 20. desember 2010.
Reginn ehf. er sértækt dótturfyrirtæki Landsbankans sem fer með
eignarhald bankans á fasteignum eða hlutafé fasteignafélaga sem
líklegt er að bankinn eigi um einhvern tíma. Stofnun Regins og starfsemi
félagsins er einn þáttur í þeim víðtæku ráðstöfunum sem Landsbankinn
beitir við fjárhagslega endurskipulagningu atvinnufyrirtækja. ENN
E
M
M
/
S
ÍA
/
N
M
4
4
4
5
8
N
B
I h
f.
(L
an
d
sb
an
ki
n
n
),
k
t.
4
71
0
0
8
-0
2
8
0
.
Fasteignafélagið
Reginn A3 ehf. til sölu
„Mér finnst ekki margt nýtt í
þessu,“ segir Margrét Tryggva-
dóttir, þingflokksformaður
Hreyfingarinnar, um aðgerðir
þær sem kynntar voru vegna
skuldavanda heimilanna í gær.
„Þessi 110 prósenta leið hefur til
þessa verið í boði í öllum starf-
andi bönkum,“ bætir hún við.
Margét segist þó telja að end-
urgreiðslur á vöxtum sé í raun
mjög góð leið. „En það er ekki
nóg að gera þetta bara í tvö ár og
fyrir tiltölulega lágar upphæð-
ir,“ segir hún og telur að tvö til
þrjú hundruð þúsund króna ábati
á ári breyti litlu fyrir þá sem illa
eru staddir. „Þetta eru þá 15 til
20 þúsund krónur á mánuði og
munar ekki mikið um það ef fólk
á annað borð nær ekki endum
saman,“ segir hún og bendir
á að þá sé miðað við hámarks-
endurgreiðslur. „Flestir eru að
fá kannski átta til tíu þúsund á
mánuði.“
Margrét bætir við að henni
líki heldur ekki sú nálgun sem
farin sé í að aðstoða þá sem eru
í skuldavanda. „Þetta er svona
ölmusupólitík. Það eru allir
gerðir að bótaþegum, í staðinn
fyrir að viðurkenna að hér hafi
orðið hrun og forsendubrestur
sem þurfi að leiðrétta og koma
á einhverju réttlæti. Þess í stað
eru allir aumingjavæddir.“ Auk
þess segir Margrét stóran galla
að einungis sé horft til skulda
vegna húsnæðis, aðrar skuldir
sem undanskildar séu nemi 700
milljörðum króna. „Oft eru það
aðrar lausaskuldir sem eru að
sliga heimilin.“
Líkar ekki nálgun við lausn skuldavanda heimilanna:
Ölmusupólitík og
aumingjavæðing
Tillagan um niðurgreiðslu vaxtakostnaðar er langáhugaverðust þeirra
aðgerða sem boðaðar voru í gær til að bregðast við
skuldavanda heimilanna. Þetta er mat Sigmundar Davíðs
Gunnlaugssonar, formanns Framsóknarflokksins.
„Hitt er eitthvað sem komið var fram áður að miklu
leyti og finnst mér í raun óeðlilegt að tala þar um svo og
svo mikinn kostnað í tugum milljarða,“ segir Sigmund-
ur. „En þessi niðurgreiðsla á vaxtakostnaði er almenn
aðgerð sem er áhugaverð og gæti skipt máli. Ég hegg hins
vegar eftir því að ríkisstjórnin muni í samstarfi við aðila
samkomulagsins leita leiða til þess að fjármálafyrirtæki og
lífeyrissjóðir fjármagni þessi útgjöld. Er þá ekki búið að
ganga frá því hvernig þetta verður fjármagnað?“ spyr
Sigmundur og veltir því fyrir sér hvort ríkissjóður komi
á endanum til með að bera þennan kostnað. „Ég hefði
viljað sjá meiri upplýsingar um hvernig menn ætla að
standa að þessu atriði sem mér finnst áhugaverðast
í tillögunum.“
Áhugaverð tillaga sem gæti skipt máli
Horft er til næstu tveggja ára og
lausnar á vanda fólks sem núna á
í greiðsluvanda í viljayfirlýsingu
ríkisstjórnarinnar um aðgerðir
vegna skuldavanda heimilanna.
Þetta segir Þórólfur Matthíasson
prófessor í hagfræði við Háskóla
Íslands.
„Og það finnst mér vera kostur í
þessum tillögum,“ bætir Þórólfur
við. „Fólk er í vanda núna og engin
þörf á að leggja rosalegar fjárhæð-
ir í að leysa vanda sem ekki raun-
gerist fyrr en eftir einhverhver tíu
til tuttugu ár, eins og hefði verið
með höfuðstólslækkunum.“
Þórólfur lýsir tillögunum sem
„blandi í poka“ sem ætti að geta
nýst stórum hópi fólks. „Og von-
andi fæst úr þessu einhver niður-
staða fyrir þá sem eru í greiðslu-
vanda.“
Í tillögunum segir Þórólfur að
sé útvíkkuð sértæk skuldaaðlög-
un sem boðið hafi verið upp á.
„Og menn lækka þar prósentuvið-
mið um tíu prósent og setja inn
nákvæmari ákvæði um biðlánin
sem gera þetta aðeins meira aðlað-
andi fyrir þá sem fara í gegn um
það,“ segir hann.
Einhver kostnaðarauki segir
Þórólfur að sé falinn í svokall-
aðri „hraðferð“
í skuldaniður-
færslu einstakl-
inga og sambýl-
isfólks, allt að 15
milljónum króna
hjá einstakling-
um og þrjátíu
milljónum hjá
hjónum, en þó
ekki nema í 110
prósent af verð-
mæti eignar.
„Þarna verður eitthvað afskrifað
sem væntanlega hefði annars verið
innheimt, en í stórum dráttum er
þetta eitthvað sem mér sýnist að
lánastofnanir hefðu þurft að taka
á sig. Það er samt alltaf mjög erfitt
að sjá hvernig dreifingin verður á
milli þeirra og væntanlega er það
það sem tekist hefur verið á um
undanfarna daga. Bankar, lífeyr-
issjóðir og aðrir eru á svo mismun-
andi stöðum í veðröðunum.“
Helsta viðbótarútgjöldin í boð-
uðum aðgerðum segir Þórólfur
að sé að finna í tillögu um niður-
greiðslu vaxta. „Það eru tvisv-
ar sinnum átta milljarðar króna
á næsta og þarnæsta ári og sýn-
ist mér hugmyndin að bankarnir
fjármagni sex milljarða af þessum
átta hvort árið um sig.“
Þórólfur kveðst vonast til þess
að með fram komnum tillögum
taki fólk að nýta sér þau úrræði
sem í boði eru. „Vandinn er mjög
margþættur og engin ein lausn
sem dugar öllum. En þetta end-
urspeglar að menn hafa legið yfir
þessu og hafa reynt að máta fleiri
en eina aðferð.“
Með tillögunum segir Þórólfur
útlit fyrir að þónokkuð stór hópur
fái einhverja úrlausn sinna mála
og almenna vaxtaniðurfærslan
gangi yfir mjög stóran hóp þó það
sé ekki nema næstu tvö árin.
Þórólfur telur að nú sjái þeir
sem hvað mest berjast í bökk-
um hver uppskriftin er að lausn-
unum og hvers þeir geta vænst.
„Það er meiri vissa í þessu, en
vandinn hefur verið að fá fólk til
að koma inn og byrja að vinna í
sínum málum. Fólk hefur búið til
einhverja Grýlu úr fjármálastofn-
unum og öðrum sem unnið hafa í
málunum og sagt að ekki þýði að
tala við þá, þótt reyndin hafi gjarn-
an verið önnur. En núna liggur allt
á borðinu og borgar sig að ganga
frá málunum og fá fast land fyrir
framtíðina.“
olikr@frettabladid.is
ÞÓRÓLFUR
MATTHÍASSON
Nú sést uppskrift að
lausn vandamálanna
Kostnaðarauki í boðuðum aðgerðum til að bregðast við skuldavanda heimil-
anna er mestur í niðurgreiðslu á vaxtakostnaði. Þórólfur Matthíasson hagfræði-
prófessor segir nú allar leiðir uppi á borðinu og hægt að byggja til framtíðar.
Skuldavandaaðgerðir ríkisstjórnarinnar leggjast ágætlega í Alþýðusamband
Íslands (ASÍ) að sögn, Gylfa Arnbjörnssonar, forseta sambandsins.
„Í það minnsta er þarna aðgerð sem gagnast æði mörgum
og flýtir fyrir meðferð þeirra mála sem við höfum lengi
talið þess eðlis að eigi bara að afskrifa, það er að segja
þeirra sem skulda langt umfram verðmæti þeirra eigna
sem voru keyptar. Að maður tali nú ekki um ef greiðslu-
byrðin er þannig að fyrirsjáanlegt sé að fólk ráði ekki við
hana,“ segir Gylfi og fagnar því líka að farið sé að tillög-
um ASÍ um að auka vaxtabætur. „Það er mjög skilvirk
aðferð til að hjálpa þeim sem eru í mestum skuldavanda.“
Tillögurnar segir Gylfi eiga að geta leitt til þess að mörg
heimili fái skjótari úrvinnslu sinna skuldamála um
leið og reynt sé að koma fjármunum í gegn
um vaxtabótabótakerfið. „Og þetta nær til
æði margra heimila.“
Skilvirkar aðgerðir
„Það er jákvætt að komin er niðurstaða í þetta mál og mjög mikilvægt
að það myndist hröð úrlausn, bæði á skuldavanda heimila
og fyrirtækja,“ segir Hannes G. Sigurðsson, aðstoðarfram-
kvæmdastjóri Samtaka atvinnulífsins (SA), um aðgerðir
ríkisstjórnarinnar vegna skuldavanda heimilanna.
„Bæði þurfa heimilin að fá vissu um sína stöðu og
þessu tengist síðan endurskipulagning á fjárhag lífvæn-
legra fyrirtækja. Þannig förum við kannski að sjá botninn á
hagsveiflu og kannski viðspyrnu.“
Þá segir Hannes að sér sýnist samkomulagið sem kynnt
var í gær vera til þess fallið að stjórnir lífeyrissjóð-
anna geti samþykkt að fara þessa leið.
Förum að sjá botninn
MARGRÉT TRYGGVADÓTTIR
Að mati Margrétar Tryggva-
dóttur, þingflokksformanns
Hreyfingarinnar, hefði þurft að
setja margfalt hærri upphæð í
endurgreiðslu vaxta.
FRÉTTABLAÐIÐ/VALLI