Fréttablaðið - 04.12.2010, Blaðsíða 48
48 4. desember 2010 LAUGARDAGUR
Þ
etta er alveg rosalega
gaman,“ segir Arn-
dís Halla Ásgeirs-
dóttir, sem segja má
með sanni að sé díva
hinnar viðamiklu
hestasýningar Apassionata, sem
hófst fyrr í mánuðinum og mun
fara víða um Evrópu á næstu mán-
uðum. Arndís Halla ber titilinn
„The Voice of Apassionata,“ eða
„Rödd sýningarinnar,“ og syngur
eigin lög og texta meðan menn og
hestar leika listir sínar á gólfinu.
Og það sem meira er, Arndís Halla
syngur eingöngu a íslensku.
„Við verðum meira og minna
úti um alla Evrópu á næstu
mánuðum,“ sagði hún þegar Frétta-
blaðið sló á þráðinn til hennar. Þá
var hún stödd í Zürich, þar sem
sýna átti þá helgina.
Apassionata-sýningin var fyrst
sett upp fyrir átta árum. Hún er
þó mjög breytileg milli ára, þar
sem ný atriði koma inn en eldri eru
felld út. Íslenski hesturinn fer með
stórt hlutverk í henni þetta árið.
„Í gegnum árin hef ég reynt
hvað ég get að kynna Ísland eins
og hægt er,“ segir Arndís Halla,
sem býr í Berlín. „Því syng ég text-
ana við lögin mín á íslensku nema
sérstaklega sé beðið um annað. Þá
reyni ég að koma inn íslenskum
áhrifum í laglínu, hljóma eða takt-
skipti þannig að það sé alltaf ein-
hver íslenskur blær á tónlistinni.“
Arndís Halla lærði söng í Berlín.
Hún ætlaði að vera þar í skamman
tíma en... „...svo fékk ég bara svo
mikið að gera að ég festist eigin-
lega hér. Ég hef því einkum starfað
erlendis, en fékk þó fyrir tveimur
eða þremur árum hlutverk í Óper-
unni heima.“
Mörg hundruð þúsund
á hestasýningu
Arndís Halla Ásgeirsdóttir söngkona gerir víðreist um Evrópu næstu mán-
uði með hestasýningunni Apassionata. Jóhanna S. Sigþórsdóttir komst að því
að Arndís syngur eigin lög og texta á meðan hestar og menn leika listir sínar.
ARNDÍS HALLA ÁSGEIRSDÓTTIR Syngur í sýningunni fyrir og eftir hlé og svo einnig
þegar menn og hestar koma fram í lok hennar. FRÉTTABLAÐIÐ/EMIL ÞÓR
DULÚÐ Það ríkir dulúð yfir sumum atriðanna.
BELGÍA Atriði Sylvie Willms frá Belgíu og hestanna hennar er mjög vinsælt.
KÓSAKKAREIÐIN Franskur knapi sýnir
kósakkareið þar sem hann skríður undir
kviðinn á hestinum á fullri ferð. UMFANGSMIKIL SÝNING Um 120 manns og fjörutíu hross taka þátt í Apassionata. ÍSLENSKI HESTURINN Er áberandi í sýningunni þetta árið.
● K i e l
● H a m b o r g
● A m s t e r d a m ● B r e m e n
● H a n n o v e r ● B e r l i n
● M ü n s t e r
● B i e l e f e l d
● D o r t m u n dD ü s s e l d o r f ●
● A n t w e r p e n
● K a s s e l ● L e i p z i g
● R i e s a
● E r f u r t ● C h e m n i t z
● P r a g
● N ü r n b e r g
● F r a n k f u r t● P a r i s
● S a a r b r ü c k e n
● S t u t t g a r t
● L i s s a b o n
● B a r c e l o n a
B a s e l ●
● M ü n c h e n ● V í n
● Z ü r i c h ● M í l a n ó
Spurð um tónlistina sem hún
samdi fyrir sýninguna nú kveðst
hún hafa verið að þróa nýjan stíl.
„Ef ég ætti að lýsa honum þá er
hann svolítið í ætt við kvikmynda-
tónlist en einnig með íslenskum
blæ. Þá syng ég með tækni sem er
„venjuleg“ innan gæsalappa, en
blönduð með óperutækni. Fyrst í
sýningunni syng ég frekar slétta
tóna og bakraddirnar eru óperu-
raddir, sem fléttast saman. Ég
kalla þetta álfaraddir, því þetta
hljómar eins og úr fjarlægð og svo-
lítið eins og úr öðrum heimi.“
Texta sína kveðst Arndís Halla
leggja áherslu á hafa ljóðræna og
vandaða. Hún reyni að hafa klass-
ískt form á þeim, rím og áherslur á
réttum stöðum. Stundum víki hún
raunar frá því formi, en það fari
eftir tónlistinni.
„Það er einkum fjölskyldufólk á
öllum aldri sem sækir þessar sýn-
ingar,“ segir Arndís Halla. „Þær
eru vel sóttar og við sýnum fyrir
um það bil 600 þúsund manns á
leikárinu.“
Spurð hvernig farið sé að því að
flytja svona stóra sýningu milli
staða útskýrir Arndís Halla að hún
sé ferjuð með mörgum risastórum
flutningabílum. Flytja þurfi heil-
mikinn tæknibúnað og um fjörutíu
hross. Þá vinni um 120 manns við
sýninguna, sem farið verður með
milli borga í Evrópu þar til í júní í
sumar, en þá lýkur leikárinu.
SÝNING SEM FER VÍÐA
Hestasýningin
Apassionata fer víða á
næstu mánuðuðum.
Eins og kortið sýnir
eru flestir áfanga-
staðir í Þýskalandi en
nágrannalöndin eru
þó einnig sótt heim.