Fréttablaðið - 04.12.2010, Blaðsíða 62

4 fjölskyldan
afþreying
leikum og lesum …
Frumurnar, lið Grunnskóla Horna-fjarðar, vann hina árlegu FIRST LEGO League keppni sem haldin var í nóvember. Eiríkur Hansson
kennari er þjálfari þeirra.
„Þetta er mjög fjölþætt keppni. Hún er
haldin einu sinni á ári um allan heim en
hér heima heldur Háskóli Íslands utan
um undankeppnina,“ útskýrir Eirík-
ur sem hefur þjálfað lið Hornafjarðar
þau sex skipti sem keppnin hefur farið
fram. „Á hverju ári er nýtt þema og við
fáum uppgefna þrautabraut.
Krakkarnir verða síðan að
hanna, smíða og forrita
vélmenni úr legókubbum
sem leysir þrautirnar í
brautinni,“ segir Eiríkur.
Þema ársins í ár var Body
Forward, eða líkaminn lifi. Urðu
liðin að vinna rannsóknarverkefni
því tengdu en Frumurnar ákváðu
að finna nýja lausn fyrir brunasár.
„Þau hönnuðu nýja tegund af kæli-
poka sem þau kölluðu Kælibindi. Það
er kælipoki með festingum sem tollir
betur á og er þægilegri,“ segir Eiríkur
stoltur og bætir við að keppnin sé fjór-
þætt. Fyrir utan smíðina á vélmenni
og rannsóknarverkefnið verða liðin að
halda dagbók og æfa skemmtiatriði.
Af þeim sex skiptum sem keppn-
in hefur verið haldin hér á landi, hafa
Hornfirðingar unnið í þrjú skipti.
Þar sem liðsmenn eru aldrei þeir
sömu hvert ár liggur beinast við
að álíta að Eiríkur sé drifkraft-
urinn að baki þeim. En hvað-
an kemur hans legóáhugi?
„Þetta er meðfæddur galli
held ég,“ svarar Eiríkur
glettinn. „Mér fannst þessi
keppni bara áhugaverð og
þótti gaman að geta gert
eitthvað nýtt og áhuga-
vert með krökkunum,“ segir Eiríkur
sem hefur starfað sem smíðakennari í
mörg ár og hefur áhuga á öllu sem við-
kemur tækni og rafmagni.
Hann segir samfélagið á Höfn taka
keppninni af áhuga og velvild. „Svo er
keppnin kynnt vel fyrir yngri krökkun-
um þannig að þegar þeir koma í sjöunda
bekk komast færri að en vilja.“
Eiríkur er inntur eftir þeirri stað-
reynd að stúlkur eru í meirihluta liðs-
ins í ár, en átta af tíu í hópnum eru
stelpur. „Þær sýndu þessu bara meiri
áhuga í þetta sinn,“ segir hann og árétt-
ar að stelpur séu ekki síðri í tæknilegu
hliðinni en strákar.
En hvað hefur sigur í keppninni í för
með sér? „Við fengum það í verð-
laun að fá að taka þátt í Evrópu-
mótinu sem fer fram í Delft
í Hollandi í júní,“ segir
Eiríkur sem hefur
farið tvisvar áður
út með lið. „Þetta er
mikil upplifun enda
sextíu tíu manna lið
sem kynna verk-
efni sín. Svona ferð
er ekki síst lærdómsrík fyrir krakk-
ana sem kynnast þarna fólki frá ólík-
um menningarheimum. Í Danmörku
árið 2008 kepptum við til dæmis við
heilt stúlknalið í búrkum,“ segir Eirík-
ur og bætir við að krakkarnir séu mjög
spenntir fyrir ferðinni og séu þegar
byrjaðir að safna fyrir farinu. - sg
Heill heimur af Legó Legoland í Billund í Danmörku er
elsti Legolandgarðurinn í heimi, en til eru þrjú önnur Legolönd. Í
Englandi, Þýskalandi og í Kaliforníu.
Legoland í Danmörku opnaði árið 1968. Garðurinn er við hlið
upprunalegu Legóverksmiðjunnar og rétt hjá flugvellinum í
Billund. 1,6 milljón gesta koma í garðinn á ári. Garðurinn er því
stærsti ferðamannastaður Danmerkur utan Kaupmannahafnar.
Legolandi er skipt í níu heima, allt frá Duplolandi og Ævintýra-
landi, til Sjóræningjalands og Víkingalands. Jólin eru líka sérstök
í Legolandi. Þá má sjá jólatré úr legókubbum, jólalög hljóma og
börnin geta skoðað verkstæði jólasveinsins og fylgst með
hjálparsveinum hans.
Nathan Sawaya er bandarískur listamaður sem býr
til stórar þrívíðar styttur úr hvunndagslegum hlut-
um og legókubbum.
Sawaya er lögfræðimenntaður og
starfaði um tíma sem slíkur. Hann
vakti fyrst athygli árið 2004 þegar
hann vann keppnina um „Lego Mast-
er Model Builder“. Hann starfaði
fyrir Lego í sex mánuði áður en
hann opnaði sitt eigið listastúdíó
í New York.
Hann hélt sína fyrstu
sýningu vorið 2007 sem
hann kallaði „The Art of
the Brick“.
Sawaya hefur frá
árinu 2000 byggt
ótrúlegustu furðu-
verk úr legókubb-
um. Til dæmis 2,1 m
langa eftirmynd af Brook-
lyn-brúnni, risaeðlu í raun-
stærð, 1,8 metra háan Han
Solo og skúlptúra af Alfred
Hitchcock og Lindsay Lohan.
Mótar listaverk úr lit-
ríkum legókubbum
■ Upphaf LEGO má rekja aftur til ársins 1932
þegar Ole Kirk Christiansen, danskur smiður, hóf
að smíða leikföng úr viði í kreppunni.
■ Nafnið LEGO er komið frá danska orðatiltækinu
leg godt, sem þýðir, leikið fallega.
■ Fyrstu legókubbarnir litu dagsins ljós árið 1947.
■ Christiansen byggði hugmyndina að legókubbun-
um á breskum kubbum eftir Hilary Fisher Page.
■ Fyrstu legókarlarnir
komu á markað 1978.
Til að byrja með voru
engar hendur eða fætur
á fígúrunum.
■ Á hverju ári eru
framleiddar 19 millj-
arðar af legókubbum.
Þannig eru framleiddir
36 þúsund kubbar á
hverri mínútu.
■ Legókubbar sem
framleiddir eru á einu
ári gætu náð fimm sinn-
um í kringum jörðina
væri þeim raðað í röð.
■ Um 306 milljón-
ir gúmmídekkja eru
framleiddar af LEGO á
hverju ári.
■ Hæsti legóturn heims er 28,7 metrar á hæð og
byggður úr 465 þúsund kubbum.
■ Lengsta legóbyggingin er 80,8 fermetrar, byggð
úr 1,2 milljonum kubba.
Staðreyndir um LEGO
Heimsmet Hæsti turninn
úr legókubbum er nærri 30
metrar.
TÆKNI-LEGO ÍTR og Mímir standa fyrir Tækni-LEGO námskeiðum í
skólum. Jóhann Breiðfjörð heldur utan um námskeiðin þar sem þátttak-
endur læra að nota mótora, tannhjól og fleira og fá aðstoð við að skapa
sín eigin módel. Sjá www.nyskopun.com.
Frægðarför Frumnanna
Átta stúlkur og tveir strákar úr sjöunda bekk Grunnskóla Hornafjarðar unnu sér inn keppnisrétt í Evrópu-
keppni FIRST LEGO League sem fram fer í Hollandi júní 2011. Þetta er í þriðja sinn sem lið Grunnskóla
Hornafjarðar sigrar í keppninni hér heima.
Frumurnar Auðunn Hafdal, Ingibjörg Valgeirsdóttir, Eiríkur Hansson, Sigrún Salka Hermannsdóttir, Sigrún Birna Steinarsdóttir, Inga
Kristín Kristjánsdóttir, Stefán Reynir Jónsson. Hildur Ósk Hansdóttir, Ingibjörg Lúcía Ragnarsdóttir, Hafdís Lára Sigurðardóttir og Eyjalín
Harpa Eyjólfsdóttir. Á hægri mynd sést vélmennið sem þurfti að leysa vissar þrautir. MYND/SÖLVI LOGASON
tt
a.
Góðar jólagjafir! 5.965 kr.
5.840 kr.
5.911 kr.
5.906 kr.