Fréttablaðið - 04.12.2010, Blaðsíða 134
106 4. desember 2010 LAUGARDAGUR
HANDBOLTI „Það er frábært að fá
Ísland á stórmót í handbolta en
það er ljóst að verkefni íslenska
liðsins verður erfitt,“ segir Þórir
Hergeirsson, þjálfari Evrópu- og
Ólympíumeistara Noregs, um átök-
in sem eru fram undan hjá Íslandi
á EM sem hefst í Danmörku og
Noregi næstkomandi þriðjudag.
Alls komust sextán lið í sjálft
lokamótið og var þeim skipt í
fjóra riðla. Ísland dróst í riðil með
heimsmeisturum Rússa, Svartfell-
ingum og Króötum.
„Það er mikilvægt að líta á þetta
fyrsta mót Íslands sem dýrmæta
reynslu fyrir liðið og finna út úr
því hvar íslenskir leikmenn standa
miðað við þá sterkustu í Evrópu,“
segir Þórir. „Ég hef fylgst með
boltanum heima í gegnum árin
og það hafa verið að koma upp
skemmtilegir árgangar af leik-
mönnum. Bilið í þá bestu hefur
verið að minnka jafnt og þétt og
það var geysilega mikilvægt fyrir
liðið að komast inn á stórmót til að
sjá hvar það stendur í samanburð-
inum.“
Króatía: Í basli á stórmótum
Alls komast þrjú af liðunum fjór-
um áfram í milliriðla. Ísland
mætir fyrst Króatíu og reiknar
Þórir með að mestu möguleikar
Íslands á að ná í sigur séu í þess-
um fyrsta leik. „Króatar hafa átt
einhverja bestu leikmenn í heimi í
sínum félagsliðum og oft verið með
gríðarlega sterk yngri landslið. En
þeir hafa átt erfitt með að byggja
upp almennilegt landslið og veit ég
ekki af hverju það er. Þetta lið ætti
að geta slegist um efstu sætin en
því hafa þær ekki náð og hafa þar
að auki verið í basli á stórmótum
síðustu ára,“ segir Þórir.
Svartfjallaland: Gæti unnið riðilinn
Svartfjallaland er, rétt eins og
Ísland, að keppa á EM í fyrsta
sinn. Þetta er ung þjóð sem bygg-
ir landslið sitt fyrst og fremst á
leikmönnum úr hinu gríðarlega
sterka félagsliði frá höfuðborginni
Podg orica, ZRK Buducnost. „Þetta
er besta félagslið í Evrópu í dag,
miðað við hvernig liðið hefur verið
að spila í Meistaradeildinni í vetur.
Ef landsliðið fer með alla sterk-
ustu leikmenn liðsins með sér til
Danmerkur á ég von á því að þetta
lið gæti jafnvel unnið riðilinn. Þær
eru geysilega sterkar,“ segir Þórir
en Buducnost vann alla sína leiki í
riðlakeppni Meistaradeildarinnar
með þó okkrum yfirburðum. „Það
vill þó oft verða þannig hjá Balk-
anþjóðunum að leikmenn taki mót-
lætinu illa. Það er þeirra
veikleiki og vill oft leiða
til taps.“
Rússland: Geta
hikstað í upphafi
„Þetta er einfald-
lega maskína,“
segir Þórir um
heimsmeistar-
ana. „En sénsinn
á móti Rússum er
oft ágætur snemma
móts. Það er mikið
lagt á leikmenn í
undirbúningn-
um fyrir mótið
og þær hafa oft
lent í basli í fyrstu leikjunum. En
það er engu að síður alveg ljóst að
Rússar eru með gríðarlega sterkt
lið.“
Þórir segir að þrátt
fyrir sterka andstæð-
inga séu möguleikarn-
ir vissulega fyrir hendi
hjá Íslandi. „Það má
aldrei útiloka neitt.
Það verður að fara
í hvern einasta
leik og berjast frá
upphafi til enda og
það geta íslensku
stelpurnar vissu-
lega. Það getur einn-
ig verið gott að vera
litla liðið í riðlinum og
Ísland verður sjálf-
sagt ekki tekið mjög
alvarlega til að byrja
með. Ég hef mikla trú
á því að það sé hægt að
stríða þessum liðum og stela af
þeim einu eða tveimur stigum.“
Þórir bætir við í lokin að það sé
eitt fremur öðru sem Júlíus Jónas-
son landsliðsþjálfari þarf að hafa
í huga. „Það er hægt að hanga í
þessum liðum endalaust með því að
hindra hraðaupphlaupin hjá þeim.
Það er því geysilega mikilvægt að
geta klárað sóknirnar almennilega
og sýna mikinn vinnuvilja með því
að koma sér til baka í vörnina fljótt
og vel. Þetta er fyrst og fremst það
sem fellir veikari liðin úr keppni
sem þessari.“ eirikur@frettabladid.is
Lykilatriði að stöðva hraðaupphlaupin
Fréttablaðið fékk Þóri Hergeirsson, landsliðsþjálfara Noregs, til að spá í andstæðinga Íslands á Evrópu-
meistaramótinu í Noregi og Danmörku sem hefst eftir helgi. „Hægt að stríða þessum liðum,“ segir hann.
HEIMSMEISTARARNIR Rússar hafa átt gríðarlega mikilli velgengni að fagna síðustu ár og hafa unnið þrjár síðustu heimsmeistara-
keppnir. Ísland mætir Rússlandi í lokaleik riðlakeppninnar 11. desember. NORDIC PHOTOS/AFP
B-riðill á EM 2010
Þriðjudagur 7. desember:
Svartfjallaland - Rússland kl. 17.15
Króatía - Ísland kl. 19.15
Fimmtudagur 9. desember:
Ísland - Svartfjallaland kl. 17.15
Rússland - Króatía kl. 19.15
Laugardagur 11. desember:
Rússland - Ísland kl. 17.15
Svartfjallaland - Króatía kl. 19.15
ÞÓRIR
HERGEIRSSON
Andstæðingar Íslands á
EM 2010 í Danmörku
Króatía
Þjálfari: Zdravko Zovko
Besti árangur á stórmóti:
Heimsmeistaramót 6. sæti 1997
Evrópumeistaramót 5. sæti 1994
Ólympíuleikar Aldrei keppt
EM 2008: 9. sæti
HM í fyrra: Keppti ekki
Lykilmaður: Andrea Penezic
Staða: vinstri skytta Aldur: 25
Félag: Krim Mercator, Slóveníu
Svartfjalland
Þjálfari: Nikola Petrovic
Besti árangur á stórmóti*:
Heimsmeistaramót Aldrei keppt
Evrópumeistaramót Aldrei keppt
Ólympíuleikar Aldrei keppt
*Svartfjallaland lýsti yfir sjálfstæði árið
2006 og er að taka þátt í sínu fyrsta
stórmóti sem sjálfstæð þjóð.
Lykilmaður: Bojana Popovic
Staða: leikstjórnandi Aldur: 31 árs
Félag: Buducnost Podorica, Svartfjallalandi
Rússland
Þjálfari: Evgeny Trefilov
Besti árangur á stórmóti:
Heimsmeistaramót
1. sæti 2001, 2005, 2007 og 2009.
Evrópumeistaramót 2. sæti 2005
Ólympíuleikar 2. sæti 2008
EM 2008: 3. sæti
HM í fyrra: 1. sæti
Lykilmaður: Liudmila Postnova
Staða: leikstjórnandi Aldur: 26 ára
Félag: Swesda Swenigorod, Rússlandi
HANDBOLTI Íslendingar ættu að
geta notið þess að vera litla liðið
á EM í Danmörku og komið á
óvart. Svo virðist alltént vera að
andstæðingar Íslands í riðlin-
um reikni ekki með mikilli mót-
spyrnu frá stelpunum okkar.
„Ísland er minnst þekkta liðið
í riðlinum og veikasti andstæð-
ingurinn,“ sagði Miranda Tatari,
landsliðsfyrirliði Króatíu. „Við
ættum því ekki að lenda í of mikl-
um vandræðum með Íslendinga.“
Dragan Adzic, landsliðsþjálfari
Svartfjallalands, tekur í svipaðan
streng. „Rússland man ekki eftir
stórmóti án þess að hafa unnið
til verðlauna. Króatía er samt
líklega með betri leikmanna-
hóp en Rússar. Það er því erf-
itt að fullyrða nokkuð um að við
séum sigurstranglegastir í þess-
um riðli. Við erum þó með betra
lið en Ísland og ég á von á sigri í
þeim leik ef við leggjum okkur
almennilega fram.“ - esá
Andstæðingarnir um Ísland:
Ísland lakasta
liðið í riðlinum
VANMAT? Miranda Tatari í leik með
landsliði Króatíu. NORDIC PHOTOS/AFP
HANDBOLTI Það mun mikið reyna á
markverði íslenska kvennalands-
liðsins á komandi Evrópumóti í
Danmörku og Noregi. Berglind Íris
Hansdóttir og Íris Björk Símonar-
dóttir eru þessa dagana að skoða
myndbönd með skotum væntan-
legra mótherja þeirra í Króatíu,
Svartfjallalandi og Rússlandi.
„Nú fer allt á fullt hjá okkur
markvörðunum að skoða mótherj-
ana. Við fáum klippur með liðun-
um. Við erum þegar búnar að fá
leik með Króatíu. Ég og Íris vinn-
um þetta saman og mun skoða
þessar klippur saman. Við ætlum
að fara vel yfir þetta þannig að við
getum skilað okkar besta leik,“
segir Berglind sem telur þetta
vera mikilvægan þátt í undirbún-
ingnum. „Það er gott að fá að sjá
hvernig hreyfingarnar leikmann-
anna eru. Það er líka þannig að
allir leikmenn eiga sitt uppáhalds-
horn og það er gott að vita af því,“
sagði Berglind.
Berglind spilaði sinn hundrað-
asta leik á æfingamótinu í Noregi
þegar íslenska liðið steinlá fyrir
ólympíu- og Evrópumeisturum
Norðmanna. Berglind ætlar því
ekki að láta hundraðasta leikinn
lifa lengi í minningunni.
„Þetta var lélegur leikur frá A
til Ö og það þýddi ekki að hanga of
lengi yfir honum til þess eins að
brjóta sig niður. Ég má ekki bara
einbeita mér að þessum leik því ég
er búin að spila 99 aðra A-lands-
leiki og það er margt eftirminni-
legt frá þeim öllum leikjum,“ segir
Berglind. Hún segir að samstaða
íslenska liðsins geti skilað liðinu
langt.
„Við ætlum klárlega að komast
upp í milliriðil og við teljum að
mestu möguleikararnir séu á móti
Króatíu og Svartfjallalandi. Okkar
styrkur er að fá vörn, markvörslu
og spila hraðan bolta,“ segir Berg-
lind og markmið liðsins eru skýr.
„Við erum ekki fara þarna til
að vera með því við ætlum að ná
árangri. Við höfum allar mikla
trú á því að við getum það,“ segir
Berglind að lokum. - óój
Berglind Íris Hansdóttir undirbýr sig vel fyrir EM:
Það eiga allar sitt
uppáhaldshorn
BERGLIND ÍRIS HANSDÓTTIR
FRÉTTABLAÐIÐ/VILHELM