Fréttablaðið - 07.12.2010, Blaðsíða 2

2 7. desember 2010 ÞRIÐJUDAGUR
SKIPULAGSMÁL Nýtt götusalerni fyrir
almenning sem framkvæmdasvið
Reykjavíkurborgar leigir af AFA
JCDecaux og stendur í Tryggvagötu
fellur í grýttan jarðveg innandyra í
Tollhúsinu.
Snævar Guðmundsson, fram-
kvæmdastjóri Fasteigna ríkis-
sjóðs, segir að þegar fréttist af því
að koma ætti götusalerninu fyrir
hafi hann eftirlátið Snorra Olsen
tollstjóra, sem notanda hússins, að
gera þær athugasemdir sem hann
vildi. Snorri benti meðal annars á að
salernið yrði við aðalinngang Toll-
hússins og ætti að standa á bílastæði
fyrir fatlaða. Það myndi skerða
útsýni ökumanna og valda slysa-
hættu. Embætti skipulagsstjóra
sagði að stæði fyrir fatlaða á þess-
um stað hefði
jafnvel meiri
áhrif á útsýni
ökumanna en
„salernissílóið“
eins og það var
kallað.
„Síðan hefur
ekkert frést af
þessari fyrir-
ætlan fyrr en í
síðasta mánuði
að „stóreflis ÚFÓ af himnum ofan
datt,“ svo vísað sé í frægan texta
Stuðmanna,“ skrifar Snævar Guð-
mundsson, sem blandaði sér form-
lega í málið og sendi skipulagssviði
borgarinnar athugasemdir. Snævar
segir engan hafa órað fyrir að sal-
ernið yrði á fimmta metra að hæð.
„Í raun er um risavaxinn og upp-
lýstan auglýsingastand að ræða með
innbyggðri salernisaðstöðu,“ segir
Snævar sem kveður salernið því
ekki aðeins vera þjónustu við borg-
arana heldur einnig mannvirki fyrir
atvinnustarfsemi sem þarfnist stað-
festingar byggingarfulltrúa.
Þá segir Snævar salernið inni á
leigulóð Tollhússins og spilli ásýnd
þess. „Hætt er við að mósaíklista-
verk Gerðar Helgadóttur, á suður-
hlið hússins, hverfi í skuggann af
neonljósunum,“ segir í athugasemd-
um Snævars, sem einnig bendir á að
starfsmenn Tollhússins geti orðið
fyrir óþægindum af staðsetningunni
steinsnar frá mötuneyti þeirra.
„Starfsmenn hafa af því miklar
áhyggjur að útöndun úr lofttúðum
mannvirkisins leggi inn um glugga
mötuneytisins og spilli vistinni þar,“
skrifar Snævar sem kveðst eiga von
á því að málið fari nú í eðlilegan far-
veg innan borgarkerfisins. Hann
bendir til dæmis á að betra pláss sé
fyrir salernisturninn austan Toll-
hússins.
Erindi Snævars var tekið fyrir
hjá skipulagsstjóra fyrir ellefu
dögum og sent þaðan til umsagn-
ar hjá framkvæmda- og eignasviði
borgarinnar. „Við vonum að þetta
muni reynist borgarbúum vel,“ segir
Jóhann Christiansen verkefnastjóri
þar sem kveður salernið verða tekið
í notkun fljótlega. gar@frettabladid.is
Í raun er um risavax-
inn og upplýstan aug-
lýsingastand að ræða með
innbyggðri salernisaðstöðu.
SNÆVAR GUÐMUNDSSON,
FRAMKVÆMDASTJÓRI
FASTEIGNA RÍKISSJÓÐS.
Tollstjóri í stríði við
fljúgandi furðuhlut
Götusalerni á Tryggvagötu mætir mótspyrnu innan úr Tollhúsinu. Það er sagt
eins og furðuhlutur af himnum sem sendi óþef inn í mötuneyti starfsmanna.
Það sé risavaxinn auglýsingastandur sem skyggi á mósaíklistaverk Tollhússins.
SNORRI OLSEN
GÖTUSALERNIÐ Fasteignir ríkissjóðs vilja ekki sjá þetta götusalerni við Tryggvagötu.
„Stóreflis ÚFÓ af himnum ofan datt,“ segir framkvæmdastjórinn um tilkomu mann-
virkisins. FRÉTTABLAÐIÐ/STEFÁN
SPURNING DAGSINS
„Óskar, er þetta útrás?“
„Þetta losar allavega um spennu.“
Óskar Hrafn Þorvaldsson er höfundur
spennusögunnar Martröð millanna,
sem kom út nú fyrir jólin og fjallar um
íslenska útrásarvíkinga. Í Fréttablaðinu í
gær kom fram að þrjátíu erlendir bókaút-
gefendur bítist um bókina eftir kynningu
hennar á bókamessunni í Frankfurt í
Þýskalandi á dögunum.
DANMÖRK Stjórnendur þátta í
Danska ríkisútvarpinu (DR)
mega ekki minnast á iPod-tæki á
útsendingartíma.
Frá þessu er greint á vef Berl-
ingske Tidende og er vísað í
úrskurð útvarpsréttarnefndar
þar í landi. Þar var ályktað að
stjórnandi útvarpsþáttar á DR
hafi gert iPod of hátt undir höfði
er hann beindi því til hlustenda
að þeir gætu sótt þáttinn á netið
og hlustað eftir hentugleik „ef
þeir eiga iPod“.
Vörn DR fólst í því að iPod
væri eins konar samnefnari fyrir
Mp3-spilara, en eftir samráð við
málfarsnefnd var þeim rökum
vísað frá og við það sat. - þj
Útvarpsmenn í Danmörku:
Bannað að
nefna iPod
ALÞINGI Jóhanna Sigurðardóttir
forsætisráðherra býst við að það
dragi til tíðinda í samningavið-
ræðum við Breta og Hollendinga
vegna Icesave fljótlega og von-
andi í þessari viku. Tvö til þrjú
atriði standi enn út af í viðræð-
unum.
Bjarni Benediktsson, formaður
Sjálfstæðisflokksins, óskaði form-
lega eftir fundi í utanríkismála-
nefnd til þess að ræða um þau
drög að samkomulagi sem fjallað
hefur verið um í fjölmiðlum und-
anfarna daga.
Þingmenn stjórnarandstöðunn-
ar gagnrýndu harðlega á Alþingi
í gær að verið væri að kynna þau
drög samtökum í atvinnulífinu og
ýmsum hagsmunaaðilum þótt þau
hefðu hvorki verið kynnt í utan-
ríkismálanefnd né fjárlaganefnd
þingsins.
Jóhanna Sigurðardóttir for-
sætisráðherra sagði að formenn
stjórnarandstöðuflokkanna hefðu
fylgst með gangi viðræðnanna og
gætu ef þeir kysu upplýst þing-
flokka sína í trúnaði. Þegar niður-
staða liggi fyrir verði hún kynnt
utanríkismálanefnd og fjárlaga-
nefnd Alþingis. - pg
Tvö til þrjú atriði standa enn út af borði í viðræðum við Breta og Hollendinga:
Vonast eftir tíðindum í þessari viku
ÓLJÓS STAÐA Stjórnarandstaðan
gagnrýnir að drög að samkomulagi um
Icesave séu kynnt fjölmörgum hags-
munaaðilum en ekki þingmönnum.
VARNARMÁL „ Samkvæmt þeim
upplýsingum sem við höfum frá
Varnarmálastofnun þá voru þetta
ekki níu sjómílur heldur níu mín-
útur, en það eru 40 sjómílur,“
segir Urður Gunnarsdóttir, upp-
lýsingafulltrúi utanríkisráðu-
neytisins, um misræmi á full-
yrðingum um flug rússneskra
sprengjuflugvéla við Ísland árið
2007, annars vegar í tilkynn-
ingu frá utanríkisráðuneytinu og
hins vegar í skýrslu frá sendiráði
Bandaríkjanna.
Utanríkisráðuneytið fullyrti
að flugvélarnar hefðu ekki farið
inn í lofthelgi Íslands, sem er 12
sjómílur, en sendiráðið fullyrti að
flugvélarnar hefðu flogið næst í
níu sjómílna fjarlægð frá Kefla-
vík, sem er innan lofthelginnar.
Eftir að frá þessu misræmi var
skýrt í Fréttablaðinu í gær hóf
utanríkisráðuneytið að kanna
hvernig á því stæði, og svo virð-
ist sem skýringin sé sú að starfs-
manni sendiráðsins hafi þarna
orðið á mistök. - gb
Leituðu skýringar á misræmi:
Níu mínútur,
ekki sjómílur
SJÁVARÚTVEGUR Loðnuvertíðin
er hafin og eru skip úr íslenska
flotanum þegar farin að fiska.
Tvö skipa HB Granda, Ingunn
AK og Faxi RE, fóru út á miðin í
síðustu viku en auk þeirra hefur
Börkur NK verið að veiðum.
Guðlaugur Jónsson, skipstjóri
á Ingunni, sagði í frétt á vef HB
Granda í gær að skipin væru
stödd á austanverðum Kolbeins-
eyjarhryggnum, um 70 sjómílur
norðvestur af Melrakkasléttu.
Áður voru þau í loðnuleit norður
af Vestfjörðum. Þokkalegar torf-
ur fundust norður af Kögri en
áður en hægt var að kasta á þær
lagðist rekís yfir svæðið. - jhh
Loðnuveiðar komnar í gang:
Skipin hafa
fundið loðnu
Á LOÐNUSLÓÐ Loðnuskipin hafa orðið
vör við myndarlegar torfur norður af
landi. FRÉTTABLAÐIÐ/ÓSKAR
SVISS, AP Fulltrúar íranskra stjórnvalda ræddu í gær
við fulltrúa sex ríkja um kjarnorkuáætlun lands-
ins. Þetta eru fyrstu viðræðurnar í meira en ár sem
írönsk stjórnvöld samþykkja að taka þátt í. Þær halda
áfram á næstu dögum.
Fulltrúar Íran hittu samningamenn frá Banda-
ríkjunum, Rússlandi, Kína, Bretlandi, Frakklandi
og Þýskalandi í Genf í Sviss í gær, ásamt yfirmanni
utanríkismála hjá Evrópusambandinu.
Þar ítrekuðu fulltrúar ríkjanna sex þá kröfu að
stjórnvöld í Teheran í Íran hættu alfarið við kjarn-
orkuáætlun sína. Því höfnuðu fulltrúar Íran strax, og
sögðust ekki til viðræðu um slíkt.
Stjórnvöld í Teheran fullyrða að þau ætli ekki að
koma sér upp kjarnorkuvopnum, heldur ætli þau
aðeins að framleiða raforku í kjarnorkuverum sínum.
Fulltrúar íranskra stjórnvalda fullyrtu raunar að
tilgangur fundarins væri allt annar en að ræða um
kjarnorkumál, en hátt settir embættismenn hafa
staðfest að rætt hafi verið fátt annað en kjarnorku-
málin á fundinum.
Yfirmaður kjarnorkuáætlunar Írans sagði á sunnu-
dag að vísindamenn í landinu hafi flutt úraníum í
kjarnorkuver í fyrsta skipti. Bannað er að flytja úran
til landsins, og mikilvægt fyrir stjórnvöld þar að
komast hjá þeim viðskiptahindrunum. - bj
Fulltrúar Íran ræddu kjarnorkuáætlun landsins á fundi með fulltrúum sex ríkja:
Ekki til viðræðu um að hætta
FUNDAÐ Manouchehr Mottaki, utanríkisráðherra Írans (til
vinstri), heimsótti Grikkland sama dag og fulltrúar Írans fund-
uðu um kjarnorkumál í Sviss. FRÉTTABLAÐIÐ/AP
ALÞINGI Meðlög í vanskilum nema
tæplega 21 milljarði króna.
Ellefu þúsund karlar greiða
meðlög og nemur skuld þeirra 20
milljörðum. Rúmlega 500 konur
greiða meðlag og skulda tæpar
600 milljónir.
Þetta kemur fram í svari sveit-
arstjórnarráðherra við fyrir-
spurn Birkis Jóns Jónssonar
Framsóknarflokki.
Vanskil hafa aukist ár frá ári.
Á síðasta ári var meðaltalsskuld
hvers karlkyns meðlagsgreiðenda
1,6 milljónir en meðaltalsskuld
kvenkyns meðlagsgreiðanda
rúmar 900 þúsund krónur. - bþs
12.000 meðlagsgreiðendur:
Milljarðameð-
lög í vanskilum
ÁRÓSAR Feðgar fundust látnir í
íbúð í fjölbýlishúsi í Sködstrup,
úthverfi Árósa í gær.
Lögreglan rannsakar málið og
segir það bera þess merki að um
fjölskylduharmleik sé að ræða
Fréttir herma að faðirinn, sem
var 47 ára gamall sé grunaður
um að hafa deytt 8 ára son sinn
og svipt sig lífi eftir það.
Húsvörður í blokkinni kom að
feðgunum en lögregla sagðist í
gær ekki geta gefið frekari upp-
lýsingar um málsatvik.
- þj
Harmleikur í Árósum:
Feðgar fundust
látnir í íbúð