Fréttablaðið - 09.12.2010, Blaðsíða 62

9. desember 2010 FIMMTUDAGUR46
timamot@frettabladid.is
La Fronde var femínískt dagblað sem kom út
í París í fyrsta sinn þann 9. desember 1897.
Ritstjóri þess og eigandi var Marguerite Dur-
and (1864-1936) þekkt leikkona og blaða-
maður. Hún notfærði sér frægð sína til að fá
margar framákonur í París til að birta greinar í
blaðinu sem var stjórnað og skrifað af konum
eingöngu.
Blaðið fjallaði ítarlega um ýmis mál sem
brunnu á konum á þeim tíma og tók virkan
þátt í baráttu Jeanne Chauvin við að fá frönsk
stjórnvöld til að leyfa henni að vinna sem lög-
fræðingur og studdi Madeleine Pelletier sem
barðist fyrir réttinum til að verða geðlæknir.
Upplag La Fronde náði 50.000 eintökum
þegar best lét en í september 1903 ollu
fjárhagsörðugleikar því að blaðið var gert að
mánaðarriti og í mars 1905 var útgáfu þess
hætt.
Heimild: Wikipedia
ÞETTA GERÐIST: 9. DESEMBER 1897
Dagblaðið La Fronde kemur út
MARGUERITE DURAND
Merkisatburðir
1531 Mærin frá Guadalupe birtist Juan Diego í fyrsta sinn í Tep-
eyac í Mexíkóborg.
1749 Skúli Magnússon er skipaður landfógeti, fyrstur Íslend-
inga.
1793 Fyrsta dagblað í New York-borg, The American Minerva,
stofnað af Noah Webster.
1926 Sjö hús brenna á Stokkseyri, eða mestallur miðhluti
þorpsins. Ekkert manntjón verður.
1956 Hamrafell, stærsta skip sem Íslendingar hafa þá eignast,
kemur til landsins. Það er 167 metra langt og getur aðeins
lagst að bryggju á einum stað á landinu, í Hafnarfirði.
1982 Ásmundur Sveinsson myndhöggvari deyr, 89 ára að aldri.
1982 Kvikmyndin E.T. frumsýnd í Laugarásbíói. Það er frumsýn-
ing myndarinnar í Evrópu.
76
Fjórir höfundar lesa úr verkum sínum
í setustofu Bíós Paradísar við Hverf-
isgötu í kvöld klukkan 19.00 og einnig
verður lesið úr tveimur þýddum verk-
um. Viðburðurinn er liður í 16 daga
átaki gegn kynbundnu ofbeldi sem stað-
ið hefur yfir frá 25. nóvember og lýkur
á morgun þann 10. desember.
„Alþjóðlegt 16 daga átak gegn kyn-
bundnu ofbeldi má rekja aftur til árs-
ins 1991,“ segir Steinunn Björk Pieper,
verkefnastjóri Mannréttindaskrifstofu
Íslands. „Dagsetningar átaksins, frá
25. nóvember, alþjóðlegum baráttudegi
gegn kynbundnu ofbeldi, til 10. desem-
ber, hins alþjóðlega mannréttindadags,
voru valdar til að tengja á táknrænan
hátt kynbundið ofbeldi og mannrétt-
indi. Tímasetningin var einnig valin til
að leggja áherslu á mannréttindabrotin
sem felast í slíku ofbeldi.“
Upplesturinn er framlag Mannrétt-
indaskrifstofu til átaksins og að sögn
Steinunnar Bjarkar mun hver kona lesa
upp í um það bil fimm mínútur, þannig
að dagskráin í heild er um þrjátíu mín-
útur. Höfundarnir sem lesa eru Gerður
Kristný Guðjónsdóttir, sem les úr nýrri
ljóðabók sinni Blóðhófni, Halla Gunn-
arsdóttir, sem les úr Slæðusviptingum,
Vilborg Davíðsdóttir, sem les úr Korku-
sögu, og Þórdís Elva Þorvaldsdóttir sem
les úr verðlaunabók sinni Á mannamáli.
Auk þess mun Þóra Karítas Árnadótt-
ir leikkona lesa úr Hreinsun, bók Sofi
Oksanen sem hlaut bókmenntaverðlaun
Norðurlandaráðs 2010, og Lísbet Harð-
ar Ólafardóttir mun lesa upp úr Ég heiti
Nojoud, 10 ára – fráskilin, eftir Delphine
Minoui.
„Alþjóðleg yfirskrift átaksins í ár er
Berjumst gegn ofbeldi gegn konum á
átakasvæðum, og viljum við á Íslandi
leggja áherslu á ábyrgð gerenda í ofbeld-
ismálum,“ segir Steinunn Björk. „Mark-
mið átaksins er að knýja á um afnám
alls kynbundins ofbeldis.“
Á Akureyri verður í dag ljósaganga
í tilefni af átakinu. Það eru Jafnréttis-
stofa, Akureyrarbær og Zontaklúbbarn-
ir í bænum sem standa fyrir ljósagöngu
frá Akureyrarkirkju og samstöðu með
brotaþolum kynbundins ofbeldis á Ráð-
hústorgi klukkan 16.30.
Á Ráðhústorgi verður flutt stutt erindi
og söngur verður í höndum sönghópsins
Ungar raddir. fridrikab@frettabladid.is
SEXTÁN DAGA ÁTAK GEGN KYNBUNDNU OFBELDI: UPPLESTUR Í BÍÓI PARADÍS
Áhersla á mannréttindabrot
GEGN KYNBUNDNU OFBELDI „Markmið átaksins er að knýja á um afnám alls kynbundins ofbeldis,“ segir Steinunn Björk. FRÉTTABLAÐIÐ/ANTON
JUDI DENCH leikkona er 76 ára í dag
„Mér finnst að fólk eigi að taka vinnuna sína
hátíðlega, en ekki sjálft sig.“
Úrval kvikmynda eftir hinn fjölhæfa kvikmyndaleikstjóra
J. Leighton Pierce verður sýnt í Hafnarhúsinu í kvöld klukk-
an 20.00 sem hluti af samstarfsverkefni Kínóklúbbsins og
Listasafns Reykjavíkur.
Í verkum sínum notar Pierce kvikmyndir, myndbönd og
hljóð til að skapa ummyndandi upplifun. Pierce býr jafnt
til hefðbundin kvikmyndaverk sem og fjölrása staðbundnar
innsetningar. Pierce vinnur sjálfur að öllum þáttum verka
sinna allt frá hugmynd, myndatöku og klippingu til þess að
semja og hanna hljóðmyndina.
Margverðlaunaðar stuttmyndir og kvikmyndir Pierce
hafa verið sýndar í helstu listasöfnum og á kvikmyndahátíð-
um um allan heim, þar á meðal Sundance-kvikmyndahátíð-
inni, Whitney-tvíæringnum, San Francisco-, New York-, og
Rotterdam-kvikmyndahátíðunum, Pompidou-miðstöðinni í
París og víðar. Allar kvikmyndir sem hann hefur framleitt
hafa hlotið verðlaun. Aðgangur er ókeypis.
Myndir Pierce
í Hafnarhúsinu
HAFNARHÚSIÐ Kvikmyndir eftir J. Leighton Pierce verða sýndar í kvöld.
Elskulegur faðir okkar, tengdafaðir, afi
og langafi,
Hubert R. Morthens
vélstjóri, til heimilis að Seljahlíð í
Reykjavík,
lést á Landspítalanum í Fossvogi þann 26. nóvember
2010. Útförin hefur farið fram í kyrrþey.
Fyrir hönd aðstandenda,
Edward Morthens.
Ástkær eiginkona mín, móðir okkar,
tengdamóðir, amma og langamma,
Laufey Guðmundsdóttir
Barðavogi 14,
andaðist á dvalarheimilinu Grund aðfaranótt mánu-
dagsins 6. desember. Útför hennar fer fram frá
Langholtskirkju þriðjudaginn 14. desember kl. 13.00.
Ólafur H. Þorbjörnsson
Guðmundur Hall Ólafsson Hrafnhildur Þ. Ingvadóttir
Arndís Ólafsdóttir Ciambra Robert Ciambra
Gunnhildur Ólafsdóttir Yngvi Ólafsson
Benedikt Ólafsson Sólveig Sveinsdóttir
Hilmar Ólafsson Lilja Guðmundsdóttir
Ólafur Ólafsson Linda Ingadóttir
Innilegar þakkir færum við öllum þeim
sem sýndu okkur samúð, hlýhug og vin-
áttu við andlát og útför ástkærs sonar
okkar, bróður, mágs og frænda,
Arnar Egils Pálssonar
lögfræðings.
Sérstakar þakkir viljum við færa séra Rögnu Karítas
Pétursdóttur fyrir ómetanlega hlýju og kærleik.
Páll H. Kristjánsson Rósa Helgadóttir
Bjarnveig Pálsdóttir Hallur Ágústsson
Unnur Lea Pálsdóttir Pétur H. Pétursson
Viktor Stefán Pálsson Margrét Björk Ólafsdóttir
Íris Björk Pálsdóttir Bjarni Arnaldsson
Páll Ágúst, Sigríður Herdís, Andri Berg, Sara Rós, Rósa
Björk, Anton Breki, Brynhildur Sif, Glódís Ólöf og Róbert
Dagur.
Ástkær eiginmaður minn, faðir okkar,
stjúpfaðir, tengdafaðir, afi, langafi
og langalangafi,
Steindór Valberg
Kristfinnsson
Tjarnarlundi 5b, Akureyri,
lést á Dvalarheimilinu Hlíð mánudaginn 6. desember.
Útför hans fer fram frá Akureyrarkirkju þriðjudaginn
14. desember kl. 13.30. Blóm og kransar eru vinsam-
legast afþakkaðir, en þeim sem vilja minnast hans er
bent á að láta Dvalarheimilið Hlíð njóta þess.
Laufey Vilhelmsdóttir
Vilhelm Valberg Steindórsson
Dýrleif Kristín Steindórsdóttir Bjarki Viðar Hjaltason
Gísli Viðar Steindórsson Hólmfríður Einarsdóttir
Steindór Valberg Steindórsson Þóra Gígja Jóhannsdóttir
Auður Hafdís Steindórsdóttir
Ómar Valur Steindórsson Eyrún Níelsdóttir
Eygló Sif Steindórsdóttir Óli Jóhann Daníelsson
Helena Sjöfn Steindórsdóttir
Kolbrún Hilmisdóttir Jón Zophoníasson
afa, langafa og langalangafabörn