Fréttablaðið - 09.12.2010, Blaðsíða 66

50 9. desember 2010 FIMMTUDAGUR
Bækur ★★★
Ég man þig
Yrsa Sigurðardóttir
Yrsa Sigurðardóttir er orðin þekkt
stærð í heimi íslenskra glæpa-
sagna og eins og flestir glæpa-
sagnahöfundar hefur hún komið
sér upp persónugalleríi sem geng-
ur aftur frá bók til bókar og þró-
ast með hverri bók. Í nýjustu sögu
sinni, Ég man þig, gefur hún á
hinn bóginn lögfræðingnum Þóru
og flóknum fjölskylduaðstæðum
hennar frí. Sagan er heldur ekki
glæpasaga þar sem aðaláherslan
er lögð á að upplýsa glæp heldur
hreinræktuð hryllingssaga með til-
heyrandi draugagangi og ofbeldi.
Oftar en einu sinni hvarflaði að
þeim lesanda sem hér skrifar að
sagan væri rakið efni í hryllings-
mynd og hún sækir margt til klass-
ískra hryllingssagna og -mynda.
Í sögunni fylgjum við tveimur
þráðum algerlega til skiptis. Ann-
ars vegar er sögð saga hjónanna
Garðars og Katrínar og
vinkonu þeirra, Lífar
sem er nýorðin ekkja.
Saman halda þau til
Hesteyrar í Jökulfjörð-
um um miðjan vetur til
að vinna að endurbót-
um á húsi sem þau hafa
fest kaup á og ætla að
breyta í gistiheimili.
Hinn þráðurinn er
svo saga geðlæknis-
ins Freys sem starfar
við sjúkrahúsið á Ísa-
firði. Hann er snemma
í sögunni fenginn til að rannsaka
innbrot á leikskóla í bænum þar
sem grunur leikur á að andlega
vanheill einstaklingur hafi verið
að verki. Freyr þarf líka að kljást
við drauga úr eigin fortíð, brostið
hjónaband og fjölskylduharmleik.
Sögurnar tvær fléttast saman
þegar á líður eins og gefur að
skilja en það væri ekki fallega gert
að rekja þær mikið lengra fyrir
væntanlegum lesendum. Látum
nægja að segja að Hesteyri um
miðjan vetur hlýtur að vera með
draugalegri stöðum og
Yrsu tekst vel að magna
þar upp andrúmsloft
spennu og ótta.
Styrkur Yrsu sem
spennusagnahöfundar
hefur alltaf falist í sögu-
þræðinum. Á því verður
engin breyting í þessari
sögu, sagan er vel flétt-
uð og endalokin í senn
óvænt og dularfull. Sagan
er spennandi fram á síð-
ustu síðu, sú spenna er
ekki alveg einföld í snið-
um, eins og í alvöru draugasögu
snýst hún bæði um örlög persón-
anna og um það hvort þau feikn
og furður sem lýst er í sögunni sé
af yfirnáttúrulegum toga eða eigi
sér jarðbundnari skýringar. Eins
og vera ber er þeim spurningum
ekki svarað til fulls og lesandinn
situr uppi með efann.
Jón Yngvi Jóhannsson
Niðurstaða: Ég man þig er spenn-
andi og óhugnanleg hryllingssaga, vel
fléttuð og hrollvekjandi.
Draugasaga að vestan
1
3
5
7
9
2
4
6
8
10
Furðustrandir
Arnaldur Indriðason
Svar við bréfi Helgu
Bergsveinn Birgisson
Eyjafjallajökull
Ari Trausti og Ragnar Th.
Lífsleikni Gillz
Egill Einarsson
Ég man þig
Yrsa Sigurðardóttir
Sumarlandið - Framliðnir lýsa
andláti... Guðmundur Kristins.
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
01.12.10 - 07.12.10
Gunnar Thoroddsen
Guðni Th. Jóhannesson
Stelpur! - Þóra Tómasdóttir
og Kristín Tómasdóttir
Þokan
Þorgrímur Þráinsson
Léttir réttir
Friðrikka Hjördís Geirsdóttir
Auglýsingasími
Evrópumál eru í forgrunni í
smákrimmanum Morð fyrir
luktum dyrum eftir Her-
mann Stefánsson. Hermann
kveðst hafa skipt um skoð-
un í afstöðu sinni til Evr-
ópusambandsins eftir að
hafa ritað söguna.
Morð fyrir luktum dyrum er
annað tveggja nýrra smárita sem
Kind útgáfa gefur út undir heit-
inu Umslag. Sagan er 28 síður. Hér
segir frá því þegar virðulegur lög-
fræðingur og stækur andstæðing-
ur Evrópusambandsaðildar finnst
myrtur á heimili sínu. Rannsóknar-
lögreglumennirnir Aðalsteinn ogt
Reynir standa ráðþrota frammi
fyrir morði sem ekki virðist hafa
verið hægt að fremja.
Hermann kveðst hafa verið að
endurnýja kynni sín við Edgar
Allan Poe og glæpasagnahöfund-
inn Eduardo Mendoza þegar Kind
útgáfa fór þess á leit við hann að
skrifa fyrir Umslags-ritröðina.
„Mendoza er mjög skemmtilegur
höfundur því hann skrifar glæpa-
sögur sem eru líka fyndnar og mig
langaði að ná því fram.“
Hermann ákvað líka að tengja
umræðuna um aðild Íslands að Evr-
ópusambandinu við fléttuna.
„Það kom hins vegar dálítið aftan
að mér því ég endaði með því að
skrifa óvart sögu sem gekk þvert
á mína skoðun. Ég var efasemdar-
maður um aðild Íslands að ESB en
sagan krafðist þess að vera á ann-
arri skoðun og lítið sem ég gat gert
í því. Síðan leið dágóður tími frá
því ég lauk við söguna og þá skipti
ég einfaldlega um skoðun. Ég mæli
eindregið með því að ef fólk á erf-
itt með að gera upp hug sinn í Evr-
ópumálum, að skrifa bara smásögu
til að komast að niðurstöðu,“ segir
Hermann.
Eftir því sem næst verður kom-
ist er Morð fyrir luktum dyrum eini
smákrimminn sem komið hefur út
á Íslandi, sem gerir Hermann
sjálfkrafa að ókrýndum konungi
íslenska smákrimmans.
„Það væri í það minnsta heldur
dapurlegt ef ég væri bara krónprins
íslenska smákrimmans,“ segir hann
og hlær. „Þetta er auðvitað titill sem
maður verður að standa undir. Mig
langar líka að vita meira um þessar
persónur og það er því ekki útilok-
að að þær eigi eftir að öðlast fram-
haldslíf og rata í fleiri umslög.“
bergsteinn@frettabladid.is
Smákrimmakóngur Íslands
Kind útgáfa gefur út smáritaröðina Umslag. Brot
ritanna líkjast umslagi. Hægt er að skrifa nafn
og heimilisfang viðtakanda á kápuna og setja
ritið í póst. Auk sögu Hermanns kom út í vikunni
Umslagið Jólasveinasögur eftir Sigurbjörgu Þrastar-
dóttur. Þar tekur hún upp þráðinn frá jólasveinavís-
um Jóhannesar úr Kötlum og færir sveinana, sem gamla skáldið endurlífgaði,
inn í samtímann þar sem þeir verða að húfulausum her eða eins
konar bílskúrsbandi.
Áður höfðu komið út ritin Réttarríkið eftir Þórodd Bjarnason,
sem fjallar eingöngu um kindur, og ljóðabókin Sjöund eftir
Gunnar Hersvein. Þóroddur og Gunnar eru jafnframt ritstjórar
útgáfunnar ásamt Þresti Helgasyni.
Kind heldur sérstaka kynningu á ritum Hermanns og Sigur-
bjargar í Máli og menningu við Laugaveg 18 klukkan 20 í kvöld.
KINDARLEG SMÁRIT ARÖÐ
HERMANN STEFÁNSSON Mælir með því að þeir sem eiga erfitt með að gera upp hug
sinn í Evrópumálum, skrifi smásögu til að þokast nær niðurstöðu. FRÉTTABLAÐIÐ/GVA
50
menning@frettabladid.is
MELCHIOR Í LANDNÁMSSETRINU Hljómsveitin Melchior mun leika helstu lög sín á tónleikum í Landnámssetrinu í Borgarfirði
annað kvöld klukkan hálfníu. Tónleikarnir verða í matsal Landnámssetursins og verður fiskisúpa á tilboði. Öll helstu lög sveitarinnar verða leikin
í huggulegri jólastemningu í bland við það nýjasta úr smiðju Melchiors og hver veit nema að eitt jólalag eða svo heyrist um kvöldið.