Fréttablaðið - 09.12.2010, Blaðsíða 70

54 9. desember 2010 FIMMTUDAGUR
Myndlist ★★★★
Þar spretta laukar
Listasafn ASÍ
Í nóvember fluttist fimm manna
fjölskylda búferlum, þau Áslaug
Thorlacius, Finnur Arnar og börn
þeirra fjögur: Salvör, Kristján,
Hallgerður og Helga. Nýju híbýl-
in voru harla óvenjuleg, en það er
nokkuð um liðið síðan fjölskylda
hefur búið í húsinu á Freyjugötu
41, þar sem nú er til húsa Listasafn
ASÍ.
Freyjugata 41 var upphaflega
íbúðarhús og vinnustofa Ásmund-
ar Sveinssonar myndhöggvara,
sem hann byggði sjálfur í upphafi
fjórða áratugar síðustu aldar. Hann
reisti síðar Kúluna, þar sem í dag
er Listasafn Ásmundar Jónssonar
og flutti þangað árið 1942.
Áslaug, Finnur og börn bjuggu í
safninu á Freyjugötu 41 í eina viku
núna í nóvember, vikuna fyrir
opnun sýningarinnar. Þau sváfu
á dýnum í Gryfjunni, gerðu sér
eldhús í Arinstofu og á efri hæð, í
Ásmundarsal, komu þau listaverk-
um fjölskyldunnar fyrir. Fjölskyld-
an hefur áður unnið sýningu saman,
en fyrir fjórum árum dvöldu þau
Áslaug og Finnur og börn á gesta-
vinnustofu í Kína og settu þá upp
sýningu þar.
Sýningin samanstendur af hús-
munum fjölskyldunnar, ummerkj-
um búsetunnar, annars vegar og
hins vegar listaverkum. Í Gryfju
má sjá svefnaðstöðuna og í Arin-
stofu borðstofuborð, stóla, mat-
vörur og annað sem þarf til elda-
mennsku. Neðri hæðin hýsir því
mannvistarleifar ef svo má segja,
en efri hæðin listina; vatnslita-
myndir, myndbönd, skúlptúr, ljós-
myndir, hljóðverk, sem renna
saman í heildarinnsetningu með
fjölskyldulíf sem nær sjálfsprott-
ið þema.
Mannvistarleifarnar eru áhuga-
verðar og má skoða frá mörgum
hliðum. Velta má fyrir sér hug-
myndum um sviðsetningu og raun-
veruleika í listum, endurtekið þema
frá síðari hluta tuttugustu aldar.
Ólíkir listamenn koma upp í hug-
ann. Flúxus-hreyfingin, Rússinn
Ilya Kabakov sem gerði innsetn-
ingar unnar út frá rússneskum
búsetuháttum, amerískir poplista-
menn eins og t.d. Claes Oldenburg
sem gerði eftirlíkingu af smávöru-
verslun, Belginn Guillaume Bijl
sem sýndi eftirlíkingar af alvöru
verslunum, t.d. fataverslun, eða
listamenn eins og Tracey Emin sem
sýndi rúm sitt, óumbúið. Tengsl lífs
og listar voru áleitið þema í listum
alla tuttugustu öldina og eru enn.
Sýningin í ASÍ er unnin inn í
íslenskan raunveruleika og birtir
hann að einhverju leyti. Áherslan
á tengslin við frændfólkið og návist
þess í skilaboðum á símsvara í
hljóðverki birtir mikilvægi stór-
fjölskyldunnar. Lífsgleði og listin
að lifa og meta það sem skiptir máli
í lífinu er ríkjandi andrúmsloft á
sýningunni. Hér er þó líka samspil
ljóss og skugga, sem kemur fram
í svarthvítum myndum Áslaugar
á vegg og á ljósmyndum, ekki síst
í verkinu sem minnist Ingileifar
Thorlacius myndlistarmanns, en
hún lést um aldur fram í mars síð-
astliðnum.
List er aldrei sköpuð í tómarúmi,
hún er jafnan í einhvers konar sam-
hengi við líf listamannsins, fjöl-
skyldu hans og nánasta umhverfi,
samtímann og söguna. Þegar vel
tekst upp skapast margbrotinn
samhljómur sem snertir áhorfand-
ann og lifir með honum. Og hér er
það lífsgleðin sem hefur yfirhönd-
ina, húmorinn og sköpunargleðin.
Tannhlífarnar hljóta a.m.k. að vera
milljónahugmynd dagsins.
Ragna Sigurðardóttir
Niðurstaða: Margbrotin og skemmti-
leg sýning með áleitnum undirtónum.
Hér kemur fram hversu gefandi
samband lífs og listar getur verið í
samtímanum. Húmor og lífsgleði
eru ríkjandi og óhætt að mæla með
heimsókn fyrir alla fjölskylduna.
Lífið er sköpunarverk
HVAÐ? HVENÆR? HVAR?
Fimmtudagur 9. desember 2010
➜ Tónleikar
18.00 Aðventu-
tónleikar allra
kóra sönghússins
Domus vox undir
stjórn Margrétar
J. Pálmadóttur í
Hallgrímskirkju
í kvöld kl. 18 og
20.30. Miðaverð
er 4.000 krónur en
uppselt er á seinni
tónleikana.
20.00 Árlegir jólatónleikar Reykjalund-
arkórsins verða í Fella- og Hólakirkju
í kvöld kl. 20. Miðar seldir við inngang
og er aðgangseyrir 1.500 krónur, 1.000
krónur fyrir eldri borgara og frítt fyrir
börn yngri en 12 ára.
20.00 Söngvaskáldin Jón Tryggvi og
Uni halda jólatónleika í Mosfellskirkju
í Mosfellsdal í kvöld kl. 20. Aðgangseyrir
á tónleikana er 1000 krónur.
20.00 Sigga
Beinteins verður
með tónleika í
Digraneskirkju í
kvöld kl. 20. Sér-
stakur gestur Siggu
er Kvennakór
Kópavogs. Miða-
sala við inngang.
20.00 Kvenna-
kórinn Léttsveit
Reykjavíkur verður með jólatónleika í
Bústaðakirkju kl. 20 í kvöld. Einsöngvar-
ar með kórnum eru Sigríður Thorlacius
og Hildigunnur Einarsdóttir. Aðalheiður
Þorsteinsdóttir, Tómas R. Einarsson og
Kjartan Guðnason spila undir. Stjórn-
andi er Jóhanna V. Þórhallsdóttir. Miða-
verð er 3.000 krónur.
21.00 Hljómsveitin Ég verður með
tónleika á Sódóma Reykjavík í kvöld.
Tónleikarnir hefjast kl. 21 og er 1000
króna aðgangseyrir. 18. ára aldurstak-
mark.
21.00 Orgelkvartettinn Apparat leikur
fyrir dansi í kvöld á Nasa í tilefni af
plötunni Pólýfóníu sem kemur út sama
dag. Tónleikarnir hefjast kl. 21 og kostar
1.500 kr. inn. Miðasala fer fram í 12
Tónum, Skólavörðustíg 15, og við dyrnar
á Nasa um kvöldið.
21.30 Hljómsveitirnar Fist Fokkers,
Quadruplos, Markúsi, Ljósvaka og
Loji spila á tónleikum á Faktorý í kvöld.
Tónleikarnir hefjast kl. 21.30 og er
aðgangseyrir enginn.
22.00 Kvartettinn Clinton verður með
jólatónleika á skemmtistaðnum SPOT í
Kópavogi í kvöld. Tónleikarnir hefjast kl.
22 og er miðaverð 1.000 krónur.
➜ Opnanir
10.00 Á Skólavörðustíg 14 hefur
opnað sölusýning undir heitinu „Eitt-
hvað íslenskt” þar sem hönnuðir, list-
iðnaðar- og handverksfólk hver með
sitt sína og bjóða úrval af sínum vörum.
Opið til 15. desember alla daga frá 10-
18 og eftir það frá 10-22 til jóla.
➜ Kvikmyndir
20.00 Úrval kvikmynda eftir kvik-
myndaleikstjórann J. Leighton Pierce
verður sýnt í Hafnarhúsinu í samstarfi
við Kínóklúbbinn og Listasafn Reykjavík
í kvöld kl. 20. Aðgangur ókeypis.
➜ Samkoma
16.30 Í tilefni af alþjóðlegu 16 daga
átaki gegn kynbundnu ofbeldi verður
efnt til ljósagöngu og samstöðu á Ráð-
hústorgi á Akureyri í dag. Gengið verður
með kyndla frá Akureyrarkirkju kl. 16.30.
Upplýsingar um viðburði sendist á
hvar@frettabladid.is
Óperukór Hafnarfjarðar heldur
tónleika í Seljakirkju á laugardag
klukkan fjögur. Tilefnið er útgáfa
disks með kórnum sem er nýkom-
inn út. „Það verður öllu tjaldað til,
eins og alltaf er kórinn galaklædd-
ur þegar við komum fram,“ segir
Elín Ósk Óskarsdóttir, söngkona
og stjórnandi kórsins. „Á tónleik-
unum verður blönduð efnisskrá,
bæði verða flutt verk sem er að
finna á disknum, fyrir óperu- og
óperettukóra, og svo verða jólalög
inn á milli því það er nú einu sinni
aðventan.“
Elín Ósk segir kórinn hafa gefið
út diskinn í tilefni tíu ára afmæl-
isins sem hann fagnar um þessar
mundir. Hún segir efni hans fjöl-
breytt og skemmtilegt. „Á honum
eru óperukórar, vínartónlist og
íslensk verk eftir meðal annars
Verdi, Rossini, Schubert og Jón
Ásgeirsson. Þetta er diskur fyrir
alla unnendur klassískrar tónlistar
og fyrir þá sem vilja kynnast klass-
ískri tónlist,“ segir Elín Ósk, sem
er afar stolt af hljómdisknum.
Auk Elínar Óskar syngja Kjartan
Ólafsson og Björn Björnsson ein-
söng á disknum en um undirleik
sér Peter Maté. Þau koma öll fram
á laugardag á tónleikunum.
Ýmislegt spennandi er á döfinni
hjá kórnum á næsta ári og hvetur
Elín Ósk áhugasama söngvara með
reynslu að hafa samband við hana.
- sbt
Jólastemming á
útgáfutónleikum
ELÍN ÓSK OG ÓPERUKÓRINN Kórinn heldur upp á tíu ára afmæli á þessu ári, hélt
afmælistónleika síðastliðið vor og heldur útgáfutónleika næsta laugardag.
FRÉTTABLAÐIÐ/VILHELM
Mynddiskar ★★★
Source - Iceland
Framleiðandi: Gin-clear Media
Veiðiljóð á
óræðum slóðum
Frábær myndataka á köflum lyftir
veiðimyndinni The Source – Iceland
í hærri hæðir en
vaninn er um slíkar
myndir hérlendis.
Hinir nýsjálensku
framleiðendur hafa
áður sent frá sér
vandaðar veiðimynd-
ir um Tasmaníu
og Nýja-Sjáland.
Í The Source
– Iceland kemur
fram að gestirnir hafi ákveðið að
gefa sér rúman tíma til að kynnast
nýjum slóðum á Íslandi og því
dvalist hér í heilar tíu vikur. Það er
virðingarvert að leggja svo mikið
í gerð einnar myndar um veiði í
framandi landi. Myndasmiðirnir
gerðu sér far um að kynnast öllum
tegundum laxfiskaveiði sem hér er
stunduð og köstuðu því flugu ekki
síður fyrir smáa sjóbleikju í eyðidal
en lax í einni bestu á landsins. Eru
tegundum gerð skil hverri í sínum
kafla myndarinnar.
Óspillt náttúra leikur sitt hlutverk
og eru sumar senurnar hreint magn-
aðar. Þegar á líður verða þó frásagnir
og viðtöl með veggi veiðihúsa að
bakgrunni nokkuð plássfrek fyrir
smekk þeirra sem fremur vilja sjá
hvað um er að vera við árbakkann.
Einn stærsti galli myndarinnar er
skortur á upplýsingum um hvar veitt
er hverju sinni. Það er sjaldnast tekið
fram. Látið er nægja að telja upp
eftir að myndinni er lokið hver helstu
veiðisvæðin voru. Þó að þessar upp-
lýsingar komi ekki fram jafnóðum í
myndinni sjálfri hefði verið upplagt
að nýta tækifærið og bæta því við
þegar myndin var textuð á íslensku.
Garðar Örn Úlfarsson
Niðurstaða Kærkomin og listræn
viðbót við myndir um stangveiði á
Íslandi. Skortur á upplýsingum um
veiðistaði spillir þó fyrir ánægjunni.
Digraneskirkju
9. desember kl. 20.00
Miðaverð: 3200 kr.
Sigga Beinteins heldur nú í annað sinn hugljúfa og einlæga
jólatónleika ásamt góðum gestum. 9. desember nk. syngja
meðlimir Kvennakórs Kópavogs með Siggu í Digraneskirkju.
Sérstakur gestur kvöldsins er Guðrún Gunnarsdóttir.
Tónleikarnir hefjast kl. 20.00.
Miðasala við innganginn.
Aðrir tónleikar Siggu fyrir jólin: Sauðárkrókskirkja 1. desember,
Keflavíkurkirkja 2. desember og Grafarvogskirkja 10. desember.
Allar nánari upplýsingar á siggabeinteins.is