Fréttablaðið - 09.12.2010, Blaðsíða 86

70 9. desember 2010 FIMMTUDAGUR
Fjórða plata söngkonunnar
Avril Lavigne, Goodbye Lullaby,
kemur út í mars. „Ég eyddi mikl-
um kröftum í hana og hélt aldrei
aftur af mér,“ sagði Lavigne um
gerð plötunnar. „Ég leyfði mér
að vera viðkvæmari en áður. Ég
held að fólk tengist best í gegnum
þessar sönnu stundir í lífinu.
Platan snýst um það hvernig við
göngum í gegnum erfiða lífs-
reynslu, hvort sem það eru enda-
lok ástarsambands, starfsmissir
eða að missa einhvern nákominn
sér. Við komumst öll í gegnum
þetta og þroskumst,“ sagði hún.
Fyrsta smáskífulagið af plötunni
nefnist What the Hell og er
væntan legt síðar í mánuðinum.
Viðkvæm á
nýrri plötu
AVRIL LAVIGNE Söngkonan gefur út sína
fjórðu plötu í mars á næsta ári.
„Það veit enginn af þessu, ekki konan mín
né dætur. Ég var nú eiginlega að vona að
ég yrði klipptur út,“ segir Jónas Jónas-
son, útvarpsmaður á Rás 1. Hann leikur
Hannes, ritstjóra Síðdegisblaðsins sem
Einar blaðamaður vinnur á, í sjónvarps-
þáttaröðinni Tíma nornarinnar eftir Frið-
rik Þór Friðriksson. Þáttaröðin er byggð á
samnefndri bók Árna Þórarinssonar, sem
virðist hafa haft Jónas sérstaklega í huga
þegar ljóst var að hún myndi rata í sjón-
varpið, Hannes væri nefnilega reffilegur
fjölmiðlarefur með djúpa og yfirvegaða
rödd.
Jónas var hins vegar ekkert allt of hrif-
inn af því að gera mikið úr sínu hlutverki
og benti á að Þráinn Bertelsson, þing-
maður, rithöfundur og kvikmyndagerðar-
maður, færi til að mynda með hlutverk sér-
fræðings í fornum galdrastöfum. „Ég veit
eiginlega ekki af hverju hann Árni benti
á mig, þetta er ekkert hlutverk, bara ein-
hverjar tvær eða þrjár „replikkur“,“ segir
Jónas og bætir því að hann hafi sagt já við
þessari beiðni „í einhverjum bjánaskap“
eins og hann orðar það sjálfur.
Jónas er hins vegar lærður leikari, lærði
fræðin hjá Ævari Kvaran í fimm ár. Og
var sjálfur kennari í tvö. Hann lék aðal-
hlutverkið í Herakles sem sett var upp í
Tjarnar bíói undir stjórn Gísla Alfreðs-
sonar og hefur leikstýrt og sett upp fjölda
leiksýninga úti á landi og í útvarpi.
- fgg
Jónas og Þráinn Bertelsson í Tíma nornarinnar
GAMLIR REFIR Þráinn Bertelsson og
Jónas Jónasson leika báðir í Tíma
nornarinnar; Þráinn er sérfræðingur í
fornum galdrastöfum en Jónas leikur
Hannes, ritstjóra Síðdegisblaðsins.
Hljómsveitin Vinir Dóra verður
með jólablúsgjörning á Rúbín
fimmtudaginn 16. desember.
Jólablúsinn hefur notið mikilla
vinsælda árum saman og er gott
tækifæri til að hvíla sig á verald-
legu amstri aðventunnar. Vinir
Dóra hafa verið í fararbroddi
blústónlistarinnar á Íslandi síðan
þeir hituðu upp fyrir John Mayall
árið 1989. Vinirnir sem spila á
Rúbín eru Halldór Bragason,
gítar leikari og söngvari, Guð-
mundur Pétursson gítarleikari,
Ásgeir Óskarsson trommuleikari,
Davíð Þór Jónssson á Hammond-
orgel og Jón Ólafsson bassaleik-
ari. Nánari upplýsingar um tón-
leikana má finna á Blues.is.
Vinir Dóra
með jólablús
HALLDÓR BRAGASON Vinir Dóra verða
með jólablúsgjörning á Rúbín 16.
desember. FRÉTTABLAÐIÐ/VALLI