Fréttablaðið - 13.12.2010, Blaðsíða 24

13. DESEMBER 2010 MÁNUDAGUR2 ● fréttablaðið ● híbýli og viðhald
Björn Jóhannsson landslags-
arkitekt hefur sent frá sér
bókina Draumagarður – hönn-
un og útfærslur þar sem hann
fjallar um hönnun garða og
útisvæða, birtir fjölda teikn-
inga og mynda og gefur góð
ráð. Hann segir haustið og
veturinn einmitt vera rétta
tímann til að skipuleggja
garðinn.
„Ég hef sérhæft mig í garð-
hönnun,“ segir Björn. „Ég út-
skrifaðist sem landslags arkitekt
árið 1993 og það greinir mig
kannski mest frá öðrum landslags-
arkitektum að ég legg mikið upp
úr því að teikna á staðnum. Það
fer þá þannig fram að ég sest
niður að morgni dags með eig-
endum garðsins og við spjöllum
saman fram eftir degi, förum út
og mælum og spjöllum meira og
áður en ég kveð þau er teikningin
til og þau geta hringt í verktakann
samdægurs.“
En er einhver að hugsa um
garða á þessum árstíma? „Já,
það hefur verið þannig í gegn-
um tíðina. Fólk kemur úr sumar-
fríi á haustin, búið að upplifa gott
sumar og er strax farið að hugsa
um að gera næsta sumar ennþá
betra. Það er líka mjög sniðugt að
fara í hönnunina á þessum tíma,
klára útfærslur upp úr áramótum
og vera búinn með framkvæmd-
irnar fyrir vorið. Það er hægt að
framkvæma allt árið um kring
og það er líka
mik lu auð -
veldara að ná
í verktaka á
veturna.“
Á my nd-
unum í bók
Björns eru
hellulagðir
stígar og torg
og viðar pallar
mjög áber-
andi, er það vinsælast í garð-
hönnun núna? „Mín sérhæf-
ing liggur dálítið mikið í hell-
unum og timbrinu,“ segir Björn
og hlær. „Þessi efni hafa miklu
meira notagildi og eru auðveld-
ari í viðhaldi en grasflatir. Hér
mikil væta og bleytan situr lengi
í grasinu á meðan pallar og stéttir
þorna nánast strax. Að því sögðu
vil ég taka fram að það eru geysi-
leg tækifæri í að nota grasflatir
miklu meira sem dvalarsvæði.
Ég hef oft bent á það að hægt er
að gera grasflatir mjög sléttar og
fínar og vera með garðhúsgögn
þar allt sumarið.“
Hvernig finnst Birni garðhönn-
un hafa þróast þessi tæpu tuttugu
ár sem hann hefur verið starf-
andi? „Þróun í garðhönnun er
náttúr lega ofsalega hæg. Það sem
ég er að teikna í dag verður fram-
kvæmt eftir tvö ár og ekki orðið
myndatökuhæft fyrr en fjórum
árum síðar, þannig að það sem ég
er að taka myndir af sem því nýj-
asta í dag er orðið fimm til sjö ára
gamalt,“ segir Björn. „En það sem
er að gerast í þjóðfélaginu núna er
að íslensk og skandinavísk hönn-
un er komin í tísku. Ég sé fram á
að miklu meira verði sótt í fyrir-
myndir úr íslenskri náttúru og ís-
lenskum þjóðsögum næstu árin.
Mín vinna mun á næstunni ein-
kennast af því að horfa á eld, ís,
tröll og álfa sem myndgervingar
fyrir grunnhugmyndir í hönnun.
Annað sem fólk er að uppgötva
er að það er ekki hægt að vera
með garð á Íslandi án þess að
búa til skjól, þannig að það sem
við munum sjá á næstu árum eru
nokkurs konar útieldhús þar sem
er með innbyggt grill, þak yfir og
jafnvel vaskur. Ég er sannfærður
um að það muni aukast mikið að
garðurinn verði innréttaður nán-
ast eins og íbúð og fólk verji mun
meiri tíma þar.“ - fsb
Eldur, ís, álfar og tröll í garðinum
„Það er ekki hægt að vera með garð á Íslandi án þess að búa til skjól.“ „Mín sérhæfing liggur dálítið mikið í hellunum og timbrinu,“ segir Björn.
„Hér er mikil væta og bleytan situr lengi í grasinu á meðan pallar og stéttir þorna nánast strax.“
Til að gera málningarvinnuna sem auðveldasta er
best að undirbúa sig vel.
Þú þarft: Málaralímband, pensil, rúllu, bakka,
framlengingarstöng, tuskur, stiga og innimáln-
ingu.
Settu málaralímband alls staðar þar sem
þarf. Við gluggakarma, dyrakarma og kringum
slökkvara. Gott er að þétta límbandið vel með ein-
hverju áhaldi til að koma í veg fyrir að málningin
leki undir það.
Málaðu næst með breiðum pensli í öll horn og
samskeyti þar sem rúllan nær ekki til. Notaðu
langar strokur.
Settu málningu í bakkann (passaðu að málning-
in sé vel hrærð). Rúllaðu rúllunni í málningunni
og berðu á vegginn. Gott er að byrja að mála við
samskeyti og rúlla beint upp og niður. Á hvítum
stórum veggjum er gott að mála í eins konar W.
Þar sem erfitt er að ná til er gott að nota framleng-
ingu á rúlluna.
Taktu reglulega stöðuna. Bakkaðu nokkra metra
frá veggnum og skoðaðu hvort málningin er jöfn.
Láttu þorna í sólarhring og bættu þá við annarri
umferð bæði í samskeyti og á veggi. Endaðu á að
taka límbandið af.
Veggurinn fær nýjan lit
Undirbúningsvinnan skiptir miklu þegar ætlunin er að mála
herbergi eða heila íbúð.
Björn Jóhannsson,
landslagsarkitekt
JÓLAGJÖF
VEIÐIMANNSINS
Meira í leiðinniWWW.N1.IS / SÍMI 440 1000
Veiðikortið fæst á N1