Fréttablaðið - 13.12.2010, Blaðsíða 33

híbýli og viðhald ● fréttablaðið ●MÁNUDAGUR 13. DESEMBER 2010 3
Sumir leiða nú hugann að
því hvernig bæta megi kynd-
inguna á heimilinu. Arinn er
einn fjölmargra möguleika
en nú eru hefðbundnir og
nýrri gerðir viðarbrennsluarna
eftirsóttastir.
Gas- og etanól-arnar hafa notið vin-
sælda á Íslandi síðustu ár en nú eru
viðarbrennsluarnar aftur að sækja
í sig veðrið að sögn Sigtryggs Sig-
tryggssonar, eiganda verslunarinn-
ar Blikkáss-Funa sem meðal ann-
ars flytur arna og kamínur inn til
landsins. „Helsta ástæðan er ein-
faldlega hækkandi verð á gasi
og olíu, viðurinn er bara ódýrari
kostur og Íslendingar horfa miklu
meira í aurana en áður.“
Sigtryggur bætir við að þessar
endurnýjuðu vinsældir viðar-
brennsluarna haldist í hendur við
þróun mála úti í heimi. Þar fari
eftir spurn eftir þeim af sömu
ástæðu sívaxandi á kostnað gas-
og etanól-arna. „Viðurinn er al-
mennt ódýrari í Evrópu, rétt eins
og hérna á Íslandi,“ segir Sig-
tryggur. Örn Sigurðsson, eigandi
Arinbúðar innar, samsinnir því og
bætir við að nýjungar og flott útlit
hafi líka sitt að segja um vinsæld-
ir slíkra ofna.
„Fólk er svolítið að sækjast eftir
þessu klassíska útliti og svo eru
líka komnar á markað alls konar
sniðugar útfærslur á örnunum
sem hægt er að fá frístandandi,
í horn eða hengda upp á vegg, en
svo hefur mikil þróun átt sér stað
í innbyggðum og opnanlegum og
lyftanlegum hurðum,“ segir hann
og getur þess að tiltölulega einfalt
sé að setja upp slíkan arinn. „Fólk
getur einfaldlega komið við í búð-
inni og ef skorstein vantar teiknum
við hann upp í samvinnu við íbúðar-
eiganda og getum svo útvegað fag-
mann sem setur allt saman upp.
Yfir leitt tekur ekki meira en einn
dag að setja upp frístandandi arin
og skorstein.“
En er ekki ókosturinn við viðar-
brennsluarna að þeir valda meiri
óhreinindum en gasarnar? Þeir
Sigtryggur og Örn viðurkenna
það en bæta við að til séu ýmis ráð
við því. „Í flestum viðarbrennslu-
örnum er innbyggður öskubakki
eða annað þvíumlíkt sem er þá
losað reglulega. Svo er hægt að fá
sérstaka framlengingu og ösku-
dunk í ryksugur og nota mótor-
inn til að hreinsa það sem fellur út
fyrir. Annars finnst fólki nú ekki
tiltökumál að þrífa þetta svona ef
það er á annað borð spennt fyrir
örnum,“ segir Örn.
- rve
Viðareldur í uppsveiflu
Margir sækjast ekki síður eftir notalegri stund en góðri kyndingu þegar þeir festa
kaup á arni. NORDICPHOTOS/GETTY
ÁBENDINGAR FRÁ SIGTRYGGI OG ERNI UM BYGGINGU ARINS:
● Reikna þarf út hve stórt eldstæði eða kamínu þarf til að hita upp rými.
Leitið ráða hjá fagmönnum.
● Fáið fagmenn til að hanna og útfæra skorsteina.
● Best er að brenna þurrum við. Óþurrkaður viður eykur sótmyndun í
skorsteininum, sem dregur úr virkni hans og veldur meiri mengun.
● Viðarbrennsluarnar krefjast ekki mikils viðhalds. Yfirleitt þarf að hreinsa
þá reglulega og fer það eftir notkun. Hérlendis er algengt að þeir séu
sóthreinsaðir á tveggja til þriggja ára fresti, en oftar erlendis þar sem
stundum er kynt allan veturinn.
● Nauðsynlegt er að verða sér úti um gott burstasett, það er bursta, töng,
skörung og skóflu.
Sigtryggur Sigtryggsson, hjá Blikkási-Funa, segir viðarbrennsluarna vinsæla á ný
eftir nokkura ára skeið. FRÉTTABLAÐIÐ/ANTON
●FRAMKVÆMDUM VIÐ FÉLAGSHEIMILI BOLUNGAR-
VÍKUR AÐ LJÚKA Áætlað er að framkvæmdum við Félagsheimili
Bolungarvíkur ljúki um miðjan janúar næstkomandi og verður haldið
upp á daginn með opnu húsi 15. janúar. Frá þessu er greint á fréttavefn-
um www.bb.is.
Húsið, sem er frá 1952, hefur tekið stakkaskiptum við framkvæmdirnar
jafnt að innan sem utan. Vonir standa til að húsið verði fullbúið tækja-
búnaði síðar í vetur en þá verður blásið til formlegrar opnunarhátíðar.
Enn fremur leitar bæjarstjórn eftir húsverði í húsið, en um hálft starf er að
ræða frá 1. janúar.
Framkvæmdir við félagsheimilið hafa tekið um tvö ár. MYND/BALDUR SMÁRI EINARSSON
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
ÍÞRÓTTIR Á ÞÍNUM
HEIMAVELLI
Úrval afþreyingar, frétta og myndskeiða í margfalt betri upplausn en áður og með góðu
að- gengi fyrir allar tölvur og farsíma. Horfðu, hlustaðu og fylgstu með öllu því sem
gerist, hvar og hvenær sem er á Vísi.
Meira sjónvarp, meira útvarp, meiri fréttir, meiri upplýsingar, meiri umræða, meira líf,
meiri íþróttir, meiri virkni, meira úrval. Þú færð meira af öllu á nýjum Vísi.
Má bjóða ykkur meiri Vísi?
Deildu Vísi með öðrum. Þeir sem setja „like“ við Vísi
á Facebook geta unnið óvænta vinninga í hverri viku.
m.visir.is
Fáðu Vísi í símannog iPad!