Fréttablaðið - 14.12.2010, Blaðsíða 10
14. desember 2010 ÞRIÐJUDAGUR
HJÁLPARSTARF HEIMA OG HEIMAN
HELMINGUR FRAMLAGA RENNUR TIL AÐSTOÐAR INNANLANDS
vodafone.is
Meiri jól,
meiri jól,
meiri jól
Einn ódýrasti Android snjallsíminn
á Íslandi í dag.Frábær snertiskjásími
með 3.2 megapixla myndavél og
tónlistarspilarara.
Vodafone 845
0 kr. útborgun
og 2.083 kr. á mán. í 12 mán.
Netið í símann, 100 MB,
fylgir með í 1 mánuð.
Staðgreitt: 24.990 kr.
Partý Alias
spilið fylgir á
meðan birgðir
endast
Við afborgunarverð á farsímum bætist við 250 kr. greiðslugjald á mánuði.
STJÓRNMÁL Stjórnarráðið, ráðuneyti,
stofnanir og ríkisstjórn geta unnið
betur saman og það er lykillinn að
framtíðinni. Þetta kom fram í máli
Arnars Þórs Ólafssonar, skrif-
stofustjóra í forsætisráðuneytinu.
Hann er formaður nefndar um
endurskoðun laga um Stjórnarráð
Íslands, en skýrsla nefndarinnar
var kynnt í gær.
Meðal þess sem kemur fram í
skýrslunni er að tryggja eigi pól-
itíska samábyrgð ríkisstjórna í
ákveðnum málum og koma betra
lagi á ríkisstjórnarfundi. Þá er
æskilegt að fjölga pólitískum
aðstoðarmönnum og fjarlægja heiti
ráðuneyta úr lögum. Jóhanna Sig-
urðardóttir forsætisráðherra seg-
ist fylgjandi tillögum nefndarinn-
ar og ætlar að beita sér fyrir því
að þær verði að lögum. Hún von-
ast til þess að hægt verði að mæla
fyrir frumvarpinu eftir áramót.
Í nefndinni sátu einnig Gunnar
Helgi Kristinsson prófessor, Sigur-
björg Sigurgeirsdóttir stjórn-
sýslufræðingur, Páll Þórhallsson
og Hafdís Ólafsdóttir, skrifstofu-
stjórar í forsætis- og fjármála-
ráðuneytum.
Nefndin telur að enn sé þörf fyrir
sérstök lög um Stjórnarráð Íslands,
en að fella eigi niður ákvæði lag-
anna þar sem heiti ráðuneytanna
eru tilgreind. Með þessum hætti
geti hver ríkisstjórn ákveðið fjölda
ráðuneyta og heiti þeirra, einkum
við stjórnarmyndun.
Skilgreina á hlutverk ráðherra
og ráðuneytisstjóra með skýrum
hætti. Einnig telur nefndin æski-
legt að tryggja með einhverjum
hætti pólitíska samábyrgð ríkis-
stjórna í ákveðnum málum, en þó á
hún ekki að verða fjölskipað stjórn-
vald. Ríkisstjórnin eigi þó að hafa
meira að segja, til dæmis um veit-
ingu æðstu embætta í ráðuneyt-
um og stofnunum, stefnumótandi
yfirlýsingar, fjárhagslega skuld-
bindandi ákvarðanir og þýðingar-
miklar reglugerðarbreytingar.
Skýra þarf betur hlutverk ráðu-
neyta gagnvart sjálfstæðum stofn-
unum, en bæði Jóhanna og Arnar
Þór nefndu í máli sínu að þetta
hlutverk væri óskýrt í núverandi
lögum. Ráðherrar hefðu jafnvel
talið að þeir mættu varla tala við
forstöðumenn slíkra stofnana.
Koma á mannauðseiningu á
fót innan Stjórnarráðsins. Þá á
að setja á fót annaðhvort hæfn-
ismatsnefnd eða ráðningarnefnd
þegar ráðuneytisstjórar, skrifstofu-
stjórar og forstöðumenn ríkis-
stofnana eru ráðnir.
thorunn@frettabladid.is
Lög um Stjórnarráð
breytast talsvert
Í tillögum um breytingar á Stjórnarráðinu er mælst til samábyrgðar ríkis-
stjórna, hæfnisnefnda í ráðningum og skýrari laga um hlutverk ráðherra. For-
sætisráðherra vonast til að frumvarp um málið verði lagt fram á vorþingi.
Í ÞJÓÐMENNINGARHÚSINU Nefndin kynnti niðurstöður skýrslu sinnar ásamt forsætis-
ráðherra í Þjóðmenningarhúsinu í gær. FRÉTTABLAÐIÐ/GVA