Fréttablaðið - 14.12.2010, Blaðsíða 22

14. desember 2010 ÞRIÐJUDAGUR22
timamot@frettabladid.is
Roald Amundsen komst á suðurpólinn hinn
14. desember 1911, ásamt fimm manna liði
með sextán hunda. Þetta var önnur tilraun
Amundsens til að komast á pólinn, sú fyrri
fór út um þúfur vegna kulda og óeiningar í
liðinu.
Amundsen og menn hans fóru í annarri
tilraun áður óþekkta leið eftir Axel Heiberg-
jöklinum og náðu á suðurpólinn 35 dögum
á undan leiðangri Roberts Scott. Amundsen
nefndi búðir þeirra Polheim; heimili á póln-
um og þar skildu þeir eftir lítið tjald og bréf
til merkis um veru sína, ef þeir skyldu ekki
komast lifandi aftur til byggða. Heimferðin
gekk þó áfallalaust og þeir komu til búðanna
í Framheim hinn 25. janúar 1912.
Árangur Amundsens var tilkynntur opin-
berlega þegar hann kom til Hobart í Ástralíu
hinn 7. mars 1912. Við það tækifæri sagði
Amundsen: „Sá sem undirbýr sig vandlega á
sigurinn vísan og fólk kallar það heppni!“
Heimild: wikipedia.org
ÞETTA GERÐIST: 14. DESEMBER 1911
Roald Amundsen kemst á suðurpólinn
Bróðir okkar og mágur,
Ólafur Ágústsson
Skaftahlíð 13, Reykjavík,
sem lést á hjúkrunarheimilinu Mörkinni Suðurlands-
braut 66 þriðjudaginn 7. desember, verður jarðsunginn
frá Háteigskirkju fimmtudaginn 16. desember kl. 13.00.
Erla Eyjólfsdóttir
Loftur Andri Ágústsson Kristjana Petrína Jensdóttir
Ingibjörg Ágústsdóttir Árni Sigurjónsson
Svanhildur Ágústsdóttir
Eiginkona mín, móðir, tengdamóðir
og amma,
Cornelía Ingólfsdóttir
Hrísmóum 1, Garðabæ, áður Háholti
15, Keflavík,
verður jarðsungin frá Vídalínskirkju fimmtudaginn
16. desember klukkan 13.
Þór Helgason
Karl Jóhann Ásgeirsson Ragnheiður Helga Gústafsdóttir
Þórólfur Ingi Þórsson Eva Margrét Einarsdóttir
Jóhannes, Gabríel og Lilja.
Elskulegur faðir, tengdafaðir og afi,
Jóhannes R.
Bergsteinsson
múrarameistari, Hrafnistu í Reykjavík,
lést föstudaginn 10. desember. Jarðarförin auglýst
síðar.
Fyrir hönd aðstandenda
Sigurbjörg Jóhannesdóttir Örlygur Geirsson
Ragnhildur Jóhannesdóttir Sveinn Sigurkarlsson
Guðbjörg Jóhannesdóttir
Sjöfn Jóhannesdóttir Gunnlaugur Stefánsson
Elskulegur faðir okkar, tengdafaðir, afi
og langafi,
Guðbjartur Gestur
Andrésson
sem lést á Heilbrigðisstofnun Suðurlands
þann 8. desember síðastliðinn, verður jarðsunginn frá
Selfosskirkju föstudaginn 17. desember kl. 13.30.
Börnin.
Okkar heittelskaði
Friðrik Helgi Jónsson
prófessor í sálfræði,
Meistaravöllum 11,
lést að heimili sínu sunnudaginn 12. desember. Útförin
fer fram frá Dómkirkjunni í Reykjavík mánudaginn
20. desember klukkan 16.00. Þeim sem vilja minnast
hans er bent á Styrk, hjá Krabbameinsfélaginu, í síma
5401990.
Guðný Ágústa Steinsdóttir
Hildur Friðriksdóttir
Steinn Friðriksson Marta Guðrún Blöndal
Steinunn Friðriksdóttir.
Bróðir okkar,
Jón S. Hallgrímsson
Sæviðarsundi 11, Reykjavík,
andaðist á líknardeild Landspítalans, Landakoti, föstu-
daginn 10. desember. Útförin verður auglýst síðar.
Þórarinn Hallgrímsson, Helgi Hallgrímsson og fjölskyldur.
Eyrarbakkakirkja var vígð 14. desem-
ber 1890, en fram að því áttu Eyr-
bekkingar kirkjusókn í nágranna-
þorpið Stokkseyri. Ekki verða þó nein
hátíðarhöld í tilefni dagsins en stefnt
að því að halda veglega upp á 125 ára
afmæli kirkjunnar í staðinn. „Við
verðum ekki með nein hátíðarhöld
núna,“ segir sr. Sveinn Valgeirsson,
núverandi sóknarprestur á Eyrar-
bakka. „Við höfum undanfarið staðið í
miklum breytingum á kirkjunni, sem
er auðvitað fjárfrekt, svo við ákváð-
um að fresta hátíðarhöldum þangað til
á 125 ára afmælinu.“
Breytingarnar sem séra Sveinn
talar um fólust í því að skipta um þak
kirkjunnar og rúður í gluggum. Hann
segir kirkjuna þurfa mikið viðhald
og hafi það komið í ljós fljótlega eftir
byggingu hennar. „Aðalforgöngumað-
urinn um kirkjubygginguna var sókn-
arpresturinn, séra Jón Björnsson, og
höguðu örlögin því svo að hann var
fyrsti maðurinn sem kvaddur var frá
Eyrarbakkakirkju en það var árið
1892, segir séra Sveinn.
Sögufrægasti gripur kirkjunnar er
altaristaflan. Er það mynd af Jesú á
tali við Samversku konuna við Jakobs-
brunninn (Jóh. 4, 13-14) og stendur
undir töflunni: „Hver sem drekkur
af því vatni, sem ég mun gefa honum,
hann mun aldrei að eilífu þyrsta.“ Til-
urð hennar á sér sérstaka sögu. Séra
Jón Björnsson sigldi til Kaupmanna-
hafnar til þess að útvega kirkjuviðinn
og freista þess að afla fjár til bygg-
ingarinnar. Gekk hann þá einnig á
fund Kristjáns konungs IX og Louise
drottningar. Hlaut hann þar góðar
viðtökur en ekki treystist kóngur þó
til að leggja fram fé. Louise gaf þó
kirkjunni altaristöflu, sem hún hafði
sjálf málað og er nafn drottningar á
töflunni og ártalið 1891. „Kóngur vildi
ekki styðja við byggingu kirkjunn-
ar með fjárframlögum, en gaukaði
þessari mynd eftir konu sína að Jóni í
staðinn. Það má því segja að hann hafi
fengið töfluna í nokkurs konar sára-
bætur,“ segir séra Sveinn og hlær.
Séra Sveinn segir mannlíf á Eyrar-
bakka gott, þar ríki gömul sönghefð
og fólk sé mjög meðvitað um sög-
una og arfinn. „Hér hefur alltaf ríkt
öflug sönghefð og það var rifjað upp
fyrir mér um daginn að hátíðarsöngv-
ar Bjarna Þorsteinssonar, sem allt-
af eru sungnir á jólum, voru fyrst
sungnir á Eyrarbakka, áður en þeir
voru sungnir í Dómkirkjunni. Hér
er líka elsta jólatré landsins og mikil
rækt lögð við að varðveita minjar um
fyrri tíma. Það er einmitt eitt af því
skemmtilega við Bakkann hve hér er
mikil saga og hvað fólk hefur sterka
tilfinningu fyrir henni.“
fridrikab@frettabladid.is
EYRARBAKKAKIRKJA 120 ÁRA: HÁTÍÐARHÖLD EFTIR FIMM ÁR
Fékk altaristöfluna í sárabætur
SAGAN LIFIR „Hér er mikil saga og fólk hefur
sterka tilfinningu fyrir henni,“ segir sr. Sveinn
Valgeirsson, sóknarprestur á Eyrarbakka.
MYND/ÁRNI SVANUR DANÍELSSON
DROTTNINGARMYND Altaristaflan í Eyrar-
bakkakirkju eftir Louise Danadrottningu er frá
árinu 1891.
GEORGE WASHINGTON (1732-1799) fyrsti forseti Banda-
ríkjanna, lést þennan dag 66 ára að aldri.
„Fáir eru svo dyggðugir að þeir standist hæsta tilboð.“
Merkisatburðir
1542 María Skotadrottning tekur við völdum.
1903 Wright-bræðurnir gera fyrstu tilraun sína til að fljúga í Kitty
Hawk í Norður-Karólínu.
1908 Coot, fyrsti íslenski togarinn strandar við Keilisnes. Hann
kom til landsins 1905.
1910 Útgáfa „Vísis til dagblaðs í Reykjavík“ hefst. Vísir er síðan
sameinaður Dagblaðinu 26. nóvember 1981.
1935 Ofviðri um mest allt land. Tuttugu og fimm manns farast,
flestir drukknuðu. Í Reykjavík slitna símalínur og reykháfar
fjúka af húsum.
1977 Stórflóð og ofviðri valda tjóni á suðurströndinni, meðal
annars á Stokkseyri. Þetta eru ein mestu flóð á 20. öld.