Fréttablaðið - 15.12.2010, Side 10

10 15. desember 2010 MIÐVIKUDAGUR
ALÞINGI Ekki er brýnt að óska eftir fríverslun-
arsamningi við Bandaríkin, að mati Samtaka
atvinnulífsins (SA).
Sex þingmenn hafa lagt til að stofnað verði
til viðræðna um slíkan samning. Í greinar-
gerð segir að sóknarhagsmunir Íslands liggi
í að tryggja greiðan aðgang að Bandaríkja-
markaði fyrir útflutningsvörur.
Í umsögn SA um tillöguna segir að ekki sé
mikill þrýstingur frá útflutningsfyrirtækjum
um gerð slíks samnings. Upplýsingar þar um
eru fengnar úr utanríkisráðuneytinu. Þá hafi
Íslandsstofa ekki fundið fyrir óánægju með
viðskiptakjör á Bandaríkjamarkaði.
Bent er á að á grundvelli tollasamninga
Heimsviðskiptastofnunarinnar (WTO) njóti
íslensk útflutningsfyrirtæki ágætis kjara á
Bandaríkjamarkaði. Það gildi til dæmis um
fiskafurðir.
SA segja líklegt að í fríverslunarsamningi
myndu Bandaríkin leggja áherslu á gagn-
kvæm frjáls viðskipti með landbúnaðarafurð-
ir, einkum mjólkurafurðir. Segjast samtökin
ekki treysta sér til að leggja mat á hvernig
íslenskur landbúnaður sé í stakk búinn til að
standast þá samkeppni.
Að þessu og öðru sögðu telja SA ekki að
brýn ástæða sé til að óska eftir gerð tvíhliða
fríverslunarsamnings milli Íslands og Banda-
ríkjanna. - bþs
Samtök atvinnulífsins telja ekki brýnt að óska eftir fríverslunarsamningi við Bandaríkin:
Njótum nú þegar góðra kjara vestra
HVÍTA HÚSIÐ Samtök atvinnulífsins telja í raun óþarft
að hefja viðræður um fríverslunarsamning við Banda-
ríkin.
Með því að kaupa
FRIÐARLJÓSIÐ
styrkir þú hjálparstarf
og um leið verndaðan
vinnustað.
P
IP
A
R
\T
B
W
A
-
1
02
97
5
LÁTUM
FRIÐARLJÓSIÐ
LÝSA UPP AÐVENTUNA
STJÓRNMÁL Kristján Þór Júlíusson,
þingmaður Sjálfstæðisflokks,
ætlar ekki að gefa upp hvaða lög-
aðili styrkti hann um hálfa millj-
ón í prófkjöri sem hann tók þátt
í vegna alþingiskosninganna
2007.
Hann segir að framlagið hafi
verið veitt samkvæmt þáverandi
viðmiðum, meðal annars um
nafnleysi.
„Þannig var framlagið fengið
og ég geng ekki á bak orða minna
í því,“ segir hann. Þingmaðurinn
er hins vegar feginn því að nú
gildi aðrar reglur.
„Sem betur fer. Ég er ánægður
með að menn vilji stemma stigu
við þessum gegndarlausa fjár-
austri. Stuðningur við stjórn-
málaflokka á að vera opinber,
það er bara þannig,“ segir hann.
Kristján Þór fékk alls tæpar
2,7 milljónir í styrki frá ónafn-
greindum lögaðilum fyrir
kosningarnar, þar af einn
styrk sem nam 500.000
krónum.
Með því hefur blaðið
rætt við alla sitjandi þing-
menn sem tóku þátt
í kosningunum
2007 en veittu
ekki Ríkisend-
urskoðun upp-
lýsingar um
kostnað eða
gáfu ekki upp
nöfn þeirra
sem styrktu
þá um hálfa
milljón eða
meira.
Flestir þing-
mannanna
h a fa ve i t t
blaðinu upp-
lýsingarnar en
fimm sjálfstæðismenn ekki,
þar á meðal Kristján Þór.
Sumir þessara hafa þó til-
greint ýmislegt nánar, til
dæmis hvernig tengslum
þeirra við styrkveitendur er
háttað, og hefur það verið
birt jafnóðum í blaðinu.
- kóþ
Kristján Þór Júlíusson þingmaður segist ekki ganga á bak orða sinna:
Greinir ekki frá styrkveitanda
KRISTJÁN ÞÓR JÚLÍUSSON
Var eini þingmaðurinn
sem átti eftir að svara
blaðinu hvort hann gæfi
upp styrkveitendur sína
vegna kosninga árið 2007.
Þá fékk hann 500.000
krónur frá lögaðila sem
er í gögnum Ríkisendur-
skoðunar sagður óska
nafnleyndar.
AKUREYRI Stækka á húsnæði Vín-
búðarinnar á Akureyri. Tilboða
í verkið hefur verið leitað en því
skal vera lokið ekki seinna en 1.
júní á næsta ári.
Viðbyggingin verður rúmlega
120 fermetrar að grunnfleti, á
tveimur hæðum. Í henni verða
lager, tóbaksafgreiðsla, salerni
og skápar fyrir starfsfólk, sem
og skrifstofa verslunarstjóra.
Áform voru uppi um flutning
verslunarinnar og fyrir ári var
auglýst eftir hentugu húsnæði.
Eftir mat á tilboðum varð nið-
urstaðan sú að ekki næðist fram
það hagræði sem að var stefnt.
Var í framhaldinu ákveðið að
stækka núverandi húsakynni.
- bþs
Hætt við að leigja nýtt hús:
Vínbúðin á Ak-
ureyri stækkuð
DÓMSMÁL Athugun Ríkissaksókn-
ara á því hvort íslensk lög hafa
verið brotin með starfsemi eft-
irlitshóps bandaríska sendiráðs-
ins getur einungis beinst að því
hvort íslenskir ríkisborgarar
sem starfa eða störfuðu fyrir
sendiráðið brutu lög, segir Valtýr
Sigurðsson ríkissaksóknari.
Ögmundur Jónasson dómsmála-
ráðherra tilkynnti í gær að hann
hefði í kjölfar könnunar Ríkislög-
reglustjóra á starfsemi eftirlits-
sveitarinnar vísað málinu til Rík-
issaksóknara til að kanna hvort
lög hefðu verið brotin af starfs-
mönnum sendiráðsins.
„Þetta var að koma í hús í dag,
við munum kanna hvort lög hafa
verið brotin á íslenskum aðilum
af Íslendingum,“ segir Valtýr.
„Rannsóknin getur ekki beinst
að bandarískum starfsmönnum
sendiráðsins, þeir eru undan-
þegnir því.“
Fram kemur í skýrslu Rík-
islögreglustjóra, sem gerð var
opinber í gær, að embættið hafi
sent sendiráðinu spurningalista
með 28 spurningum um eftirlitið.
Þeim spurningum hafi verið svar-
að með minnisblaði frá sendiráð-
inu, en fjölmörgum spurningum
sé ýmist ekki svarað eða aðeins
svarað að hluta.
Eins og fram hefur komið
ákváðu bandarísk stjórnvöld að
koma upp eftirlitshópum við öll
sendiráð landsins eftir hryðju-
verkaárásir á sendiráð í Kenía
og Tansaníu árið 1998.
Í svari sendiráðsins til Ríkis-
lögreglustjóra kemur fram að
eftir litssveitin skrái niður manna-
ferðir við sendiráðið, telji hún
þær grunsamlegar, og taki ljós-
myndir. Þá séu tekin niður skrán-
ingarnúmer grunsamlegra bíla og
send lögreglu þegar ástæða þyki
til. Spurningum um hversu lengi
slík gögn séu geymd var ekki
svarað.
„Það er mat Ríkislögreglustjóra
að því fari fjarri að spurningum
hans hafi verið svarað með full-
nægjandi hætti,“ sagði Ögmundur
á fundi með fjölmiðlafólki í gær.
Vegna þessa hafi könnun Ríkis-
lögreglustjóra ekki skilað nið-
urstöðu um hvort lög hafi verið
brotin.
Í skýrslu Ríkislögreglustjóra
segir að dómsmálaráðherra verði
að meta hvort ástæða sé til að
vísa málinu til ríkissaksóknara,
eins og gert hefur verið í sam-
bærilegu máli í Noregi.
„Ég ætla ekki að vera með
neinar vangaveltur um hvað sé
rétt eða rangt í þessu máli, það
er Ríkissaksóknara að taka málið
til sjálfstæðrar skoðunar,“ sagði
Ögmundur.
Talsmaður sendiráðsins vildi í
gær ekki tjá sig um málið.
brjann@frettabladid.is
Ríkissaksóknari kannar brot
Íslendinga gegn Íslendingum
Svör bandaríska sendiráðsins við fyrirspurn lögreglu um eftirlit starfsmanna þess hér á landi eru ófull-
nægjandi að mati ríkislögreglustjóra og dómsmálaráðherra. Ráðherrann hefur farið að fordæmi norsks
starfsbróður og vísað málinu á ríkissaksóknara, sem metur hvort íslenskir starfsmenn hafi brotið lög.
RANNSÓKN Ögmundur Jónasson kynnti niðurstöður könnunar Ríkislögreglustjóra á
eftirlitshópi bandaríska sendiráðsins á fundi með fjölmiðlafólki í dómsmálaráðuneyt-
inu í gær. FRÉTTABLAÐIÐ/VILHELM
Kannast ekki við samráð við lögregluna
„Staðhæfingar bandaríska sendiráðsins um að í tíu ár hafi sendiráðið haft
víðtækt samráð við íslensku lögregluna hvað varðar öryggismál sendiráðsins
þykir mönnum hjá Ríkislögreglustjóra orka tvímælis. Menn kannast ekki við
þetta víðtæka samráð,“ segir Ögmundur Jónason dómsmálaráðherra.
Í skýrslu Ríkislögreglustjóra segir að greiningardeild embættisins hafi
verið kunnugt um að sendiráðið hafi ákveðið að efla öryggisviðbúnað við
sendiráðið við Laufásveg. Greiningardeildinni hafi ekki verið fullkunnugt um
í hverju öryggisráðstafanir þessar væru fólgnar né með hvaða hætti öryggis-
eftirlit væri innt af hendi.
Rannsóknin getur
ekki beinst að banda-
rískum starfsmönnum sendi-
ráðsins, þeir eru undanþegnir
því.
VALTÝR SIGURÐSSON
RÍKISSAKSÓKNARI
FROST Í FLÓRÍDA Aldrei þessu vant
má sjá grýlukerti hanga innan um
appelsínur á trjánum í vetrarhörkunum
í Flórída þessa dagana. FRÉTTABLAÐIÐ/AP