Fréttablaðið - 15.12.2010, Síða 26

„Í mínum huga er lýsing á leiðum
ástvina fólki mikið hjartans mál.
Það þarf að sýna því virðingu og
vanda til verka,“ segir Sigurður
Vilhjálmsson en hann rekur JS
ljósasmiðjuna ehf., vélaverkstæði
og sláttuvélaþjónustu, ásamt
félaga sínum Jóni Guðbjörnssyni.
Sigurður og Jón hafa meðal ann-
ars séð um lýsingu leiða í Kópa-
vogskirkjugarði síðastliðin þrjú
ár.
„Við kveikjum alltaf á ljósa-
krossunum hinn fyrsta í aðventu
og látum loga út allan janúar,
meðan í mörgum görðum er gjarn-
an bara kveikt viku fyrir jól og
slökkt strax eftir þrettándann.
Ég þori alveg að fullyrða það að
þetta er fallegasti kirkjugarðurinn
á Íslandi þegar kemur að leiðalýs-
ingu,“ segir Sigurður.
Þeir félagar hófu smíði ljósa-
krossa á leiði fyrir nokkrum árum
en þá vantaði verkefni á haustin.
Þeir leigðu báðir lýsingu á leiði
ástvina sinna í kirkjugörðum borg-
arinnar og það kom fyrir að þeir
komu að ljósinu slökktu. Þeir tóku
því til eigin ráða.
„Það gat verið allur gangur á
því hvernig um þetta var hugs-
að. Við Jón höfðum heyrt af díóðu
sem notar aðeins einn tíunda af
rafmagni á við venjulega peru og
ætluðum til að byrja með að smíða
þetta bara fyrir sjálfa okkur. Það
vatt upp á sig og nú höfum við
framleitt leiðiskrossa með díóðu í
nokkur ár.“
Framleiðsla ljósakrossanna hjá
Sigurði og Jóni hefst strax í sept-
emberbyrjun og stendur til jóla.
Hægt er að fá krossana drifna með
rafgeymi þar sem ekki er aðgang-
ur að rafmagni í kirkjugörðum og
ýmist 24 eða 32 volta. Sigurður
og Jón sjá um að koma krossinum
fyrir og halda alfarið utan um lýs-
inguna. Þeir framleiða einnig ýmis
konar skreytingar til dæmis fyrir
bæjarfélög úti á landi.
„Díóðan hefur gefið sérstak-
lega góða raun. Endingartíminn er
góður og bilanatíðni lág. Við bjóð-
um til dæmis þriggja ára ábyrgð
á okkar smíði og stöndum við það.
Við erum tveir karlar af „gamla
skólanum“ og viljum vanda til
verka.“ heida@frettabladid.is
Jólatónleikar Sinfóníuhljómsveitar Íslands njóta ávallt mikilla vin-
sælda. Uppselt er á tvenna tónleika 18. desember og því hefur tón-
leikum verið bætt við á föstudag klukkan 17. Nánari upplýsingar á
heimasíðu Sinfóníuhljómsveitarinnar, www.sinfonia.is.
Tveir af gamla skólanum
Sigurður Vilhjálmsson og Jón Guðbjörnsson hafa smíðað ljósakrossa á leiði í nokkur ár og segja ljósin á
leiðum ástvina skipta fólk máli. Þeir vilji vanda til verka enda séu þeir tveir karlar af „gamla skólanum“.
Jón og Sigurður á verkstæðinu en þeir smíða ýmiss konar skreytingar og leiðiskrossa
með díóðulýsingu. FRÉTTABLAÐIÐ/GVA
Mjúka jólagjöfin
Lín Design Laugavegi 176 Sími 533 2220 www.lindesign.is
Sendum
frítt
úr vefver
slun
lindesign
.is
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
Mosfellska hljómsveitin
Impró heldur jólatónleika í
Lágafellskirkju í kvöld.
Tónleikar hljómsveitarinnar
Impró hefjast klukkan 20 í kvöld
í Lágafellskirkju og mun hljóm-
sveitin spila jólalög í djössuðum
útsetningum.
Hljómsveitin er skipuð nem-
endum úr Listaskóla Mosfells-
bæjar, þeim Ásbjörgu Jóns-
dóttur, Davíð Snæ Sveinssyni,
Arnóri Sigurðarsyni og Þorsteini
Gunnari Friðrikssyni. Gesta-
leikari með þeim á tónleikunum
verður Tobias Erich Helmer á
saxófón en hann er kennari við
Listaskóla Mosfellsbæjar.
Aðgangseyrir er 1.000 krónur.
- rat
Jóladjass í
Lágafellskirkju
Ljúfir tónar munu leika um Lágafells-
kirkju í kvöld.