Fréttablaðið - 15.12.2010, Qupperneq 50

42 15. desember 2010 MIÐVIKUDAGUR
FÓTBOLTI Carlos Tevez vill losna
frá Manchester City. Þegar horft
er til baka er ekki furðulegt að
forráðamenn City hugsi sig tvisv-
ar um áður en þeir verða við hans
óskum og setja hann á sölulista.
Mörg ummæli hans í gegnum tíð-
ina hafa verið ansi misvísandi og
í raun veit enginn af hverju hann
vill fara núna.
Stjórn City telur að óhreint mjöl
sé í pokahorninu og vill ekki leysa
Tevez undan samningi sínum.
Oft og mörgum sinnum hefur
Tevez lýst því yfir að hann sé með
heimþrá enda eru kona hans og
börn búsett í Argentínu, heima-
landi hans. Ef það er ástæðan
fyrir óánægju hans væri furðulegt
ef hann myndi yfirgefa City fyrir
eitthvert stórlið í Evrópu eins og
margir reikna með.
Fer alltaf í illu
Umboðsmaður leikmannsins,
kaupsýslumaðurinn Kia Joorab-
chian, hefur á síðustu mánuðum
farið fram á það við City að félagið
bjóði skjólstæðingi sínum lengri og
endurbættan samning með fram-
lengingu um eitt ár. Sú staðreynd
vekur upp spurningar um hvern-
ig tegund af heimþrá það sé sem
Tevez sé að glíma við.
Hvert sem Tevez kemur kann
hann að daðra við stuðningsmenn
og fá þá á sitt band. Reglulega lýsir
hann því yfir hversu vænt honum
þyki um stuðningsmennina og vilji
allt fyrir þá gera. En þegar saga
leikmannsins er skoðuð sést að
stuðningsmenn City gátu reiknað
með að einn daginn myndi tíma-
sprengjan springa.
Það var í ágúst 2006 sem Carlos
Tevez tilkynnti á heimasíðu sinni
að hann væri að yfirgefa brasil-
íska félagið Corinthians og ganga
til liðs við West Ham á Englandi.
Hann yfirgaf brasilíska félagið í
leiðindum og hafði neitað að spila
fyrir liðið vikurnar á undan.
Hjá West Ham fór Tevez ham-
förum og sá til þess að liðið náði að
halda sér í úrvalsdeildinni. Hann
var valinn leikmaður ársins hjá
félaginu en lenti þó í einhverjum
agavandamálum. Meðal annars
brást hann ókvæða við að vera
skipt af velli í leik gegn Sheffield
United og rauk beint heim.
Eftir tímabilið hófst ein ævin-
týralegasta félagaskiptasaga seinni
ára sem í fór mikil skrifstofuvinna
og deilur í dómssölum. Manchest-
er United vildi fá Tevez, sem var í
raun í eigu umboðsmanns síns. Á
skrifstofum West Ham var mönn-
um ekki skemmt enda vildu þeir fá
sinn hlut fyrir leikmanninn.
Skin og skúrir á Old Trafford
Á endanum varð Tevez leikmaður
Manchester United og var mikils
metinn meðal stuðningsmanna.
Árið 2009 gaf hann þó út að honum
þætti illa komið fram við sig af
stjórn félagsins og þá væri hann
að fá of lítinn leiktíma miðað við
frammistöðu. Forráðamenn United
reyndu að halda Tevez innan sinna
raða og voru tilbúnir að gera hann
að einum launahæsta leikmanni
félagsins.
Tevez vildi ekki vera áfram á
Old Trafford og samdi við erki-
fjendurna í Manchester City. Koma
hans átti að vera tákn nýrra tíma
hjá félaginu. Eins og hjá öðrum
félögum hefur Tevez komið með
mörg furðuleg ummæli í fjölmiðl-
um og virðist sveiflast til og frá í
skoðunum sínum.
Það neitar því enginn að Tevez er
einn allra mikilvægasti leikmaður
City og kemur þessi sprengja frá
honum núna á versta tíma fyrir
liðið, sem er með í baráttunni um
enska meistaratitilinn. Sá órói sem
skapast í herbúðum liðsins með
óanægju Tevez gæti gert því illt í
komandi leikjum en fram undan er
hin fræga jólatörn.
Tevez mætti á æfingu hjá City í
gær en hefur gefið það út að hann
sé ákveðinn í að fara.
Forráðamenn City telja að eitt-
hvað meira liggi að baki en Tevez
sé að gefa upp og skiljanlegt er
að spurningar vakni um hvort
umboðsmaður hans hafi skrifað
handritið að þeirri atburðarás sem
nú er í gangi.
elvargeir@frettabladid.is
Sífellt vesen kringum Carlos Tevez
Það er sjaldan lognmolla kringum Argentínumanninn Carlos Tevez. Hann getur varla yfirgefið lið án þess
að gera það í leiðindum og persónuleg vandamál hans gegnum árin hafa verið mýmörg. Nú vill hann yfir-
gefa herbúðir Manchester City en forráðamenn félagsins grunar að eitthvað meira búi að baki.
RÓT VANDANS? Carlos Tevez hefur margsinnis lýst því yfir að hann sé með heimþrá
og sakni barnanna sinna sem búa í Argentínu. FRÉTTABLAÐIÐ/AP
NFL Árið 1992 komst Brett Favre
í byrjunarlið Green Bay Packers.
Allt frá þeim leik hefur hann ekki
misst úr leik og honum tókst að
spila 297 deildarleiki í röð.
Þetta er algjörlega einstakt
met í íþróttasögunni. Favre er
leikstjórnandi í harðri íþrótt þar
sem varnarmenn reyna ítrekað að
meiða menn í stöðu Favre svo þeir
geti ekki spilað.
Hinn 41 árs gamli Favre hefur
allan sinn feril leikið í misjöfnu
ástandi. Hann hefur oft leikið
meiddur og jafnvel brotinn. Hann
var einnig mættur á völlinn dag-
inn eftir að faðir hans féll frá og
átti stórleik. Konan hans greindist
með brjóstakrabbamein en samt
missti Favre ekki úr leik.
Í ár hefur hann spilað ökkla-
brotinn, meiddur á olnboga og
með stórt sár á hökunni þar sem
þurfti að sauma tíu spor. Að lokum
meiddist hann svo illa á öxlinni að
þessi ótrúlega leikjahrina tók enda.
Kasthandleggurinn var fjólublár
og hann fann ekki fyrir fingrun-
um. Það var meira en harðhausinn
Favre réð við. - hbg
Eftir tæp 19 ár í byrjunarliðinu fór Favre á bekkinn:
Einstakur harðjaxl
FÚLL Á BEKKNUM Það var erfitt fyrir Favre að sitja á bekknum og fylgjast með.
NORDIC PHOTOS/AP
FÓTBOLTI Samkvæmt veðbönkum
á Englandi er Hollendingurinn
Martin Jol líklegastur til að
verða næsti knattspyrnustjóri
Blackburn. Stóri Sam Allardyce
var rekinn í gær og leitar Black-
burn nú að nýjum stjóra.
Jol er 54 ára og stýrði Totten-
ham á sínum tíma en hann hætti
á dögunum sem þjálfari Ajax.
Alan Shearer er annar á lista veð-
banka en sem leikmaður vann
hann enska meistaratitilinn í
búningi Blackburn. Þá hefur U21-
landsliðsþjálfari Englands, Stuart
Pearce, einnig verið nefndur.
Sú ákvörðun stjórnar Black-
burn að reka Stóra Sam hefur
fallið í grýttan jarðveg hjá leik-
mönnum liðsins. „Þetta er áfall
fyrir leikmenn. Ef við hefðum
unnið Bolton um helgina værum
við í fínum málum í sjöunda sæti.
Ég er enn að ná mér eftir þessi
tíðindi,“ sagði fyrirliðinn Ryan
Nelsen.
Þá var Sir Alex Ferguson, stjóri
Manchester United, reiður þegar
hann frétti af brottrekstrinum
og sagði þetta eina fáránlegustu
ákvörðun sem hann hefði heyrt
af.
Steve Kean, yfirþjálfari Black-
burn, stýrir æfingum liðsins á
meðan leitað er að nýjum stjóra.
- egm
Blackburn leitar að stjóra:
Jol talinn
líklegastur
MARTIN JOL Stýrði Tottenham á sínum
tíma. NORDIC PHOTOS/GETTY IMAGES
FÓTBOLTI Pep Guardiola, þjálfari
Barcelona, segir að liðið sé að
spila sinn besta fótbolta síðan
hann tók við stjórnartaumunum.
Guardiola vann þrennuna með
Börsungum á sínu fyrsta tímabili
og varði svo deildarmeistaratitil-
inn á síðasta tímabili.
„Liðið er að spila sinn besta
bolta síðan ég tók við. Hluti af
ástæðunni fyrir því er að leik-
menn hafa eytt meiri tíma
saman. Ég dái þessa leikmenn
því þeir þróast áfram og áhorf-
endur geta bókað hágæða-
skemmtun á leikjum hjá okkur,“
segir Guardiola. - egm
Guardiola ánægður:
Liðið að spila
sinn besta bolta
HANDBOLTI Dagur Sigurðsson held-
ur áfram að gera frábæra hluti
með Füchse Berlin en í gær komst
liðið í átta liða úrslit þýsku bik-
arkeppninnar er það lagði topplið
deildarinnar, Hamburg, af velli,
31-27.
Leikur liðanna í gær var bráð-
skemmtilegur. Berlin leiddi
lengstum í fyrri hálfleik þökk
sé stórleiks Alexanders Peters-
sonar sem var markahæstur
allra á vellinum í fyrri hálfleik.
Hamburg átti aftur á móti góðan
endasprett í hálfleiknum og leiddi
þá með einu marki, 15-16.
Hamburg hélt þessu forskoti
sínu lengi vel í síðari hálfleik en
um hann miðjan skellti Berlin
í lás í vörninni. Liðið breytti þá
stöðunni úr 22-22 í 26-22. Alex-
ander var einnig öflugur á þeim
kafla en hann skoraði sjö mörk í
leiknum. Hamburg náði ekki að
koma til baka og leikmenn Berlin
fögnuðu hreint ógurlega í leiks-
lok.
Lið Arons Kristjánssonar,
Hannover-Burgdorf, er aftur á
móti úr leik eftir tap gegn Flens-
burg, 21-27, þar sem Vignir Svav-
arsson og Hannes Jón Jónsson
skoruðu báðir fjögur mörk fyrir
Hannover. - hbg
Hannover úr leik í bikarnum en Füchse Berlin vann magnaðan sigur á HSV:
Berlin skellti stórliði Hamburg
STERKUR Alexander Petersson átti magnaðan leik í gær. NORDIC PHOTOS/GETTY IMAGES