Fréttablaðið - 17.12.2010, Blaðsíða 16

16 17. desember 2010 FÖSTUDAGUR
ALÞINGI Framlögum á fjárlögum sem ætluð
eru til varnarmála hefur nú verið deilt milli
utanríkisráðuneytisins og undirstofnana
þeirra ráðuneyta sem munu sameinast í nýju
innanríkisráðuneyti.
Í fjárlögum ársins 2011, sem samþykkt
voru á Alþingi í gær, renna 862,7 milljónir
króna til varnarmála, um 100 milljónum
krónum minna en í ár.
Össur Skarphéðinsson utanríkisráðherra
sagði við atkvæðagreiðslu á Alþingi í gær að
þær breytingar sem þar voru gerðar þegar
framlög voru færð frá Varnarmálastofnun
til annarra stofnana væru í rökréttu fram-
haldi af samþykkt Alþingis í júní. Þá sam-
þykkti Alþingi að leggja niður Varnarmála-
stofnun.
„Hér er verið að ljúka þeim breytingum,
og þetta er liður í því sparnaðar- og hagræð-
ingarátaki sem þegar hefur fært skattborg-
unum 500 milljónir án þess að með nokkru
móti sé framkvæmd alþjóðlegra skuldbind-
inga Íslands veikt,“ sagði Össur.
Varnarmálastofnun tók til starfa 1. júní
2008. Hún fékk 533,8 milljónir af fjárlögum
þess árs. Árið 2009 fékk hún 1.227 milljónir
á fjárlögum. Á þessum árum var stofnunin
rekin fyrir mun minna fé, samtals um
400 milljónum undir fjárheimildum.
Ríkisstjórnin ákvað að leggja
stofnunina niður í desember í fyrra
og var það lögfest í júní síðastliðn-
um. Árið 2010 fékk Varnarmála-
stofnun 963 milljónir króna á fjár-
lögum og fær 862,7 á næsta ári.
Nánast allur sá sparnaður og
hagræði sem utanríkisráð-
herra vísaði til náðist
áður en ákveðið var
að leggja stofnun-
ina niður.
brjann@frettabladid.is
Liður í hagræðingu
Utanríkisráðherra segir hagræðingarátak í fjárútlátum til varnarmála hafa
sparað 500 milljónir. Samkvæmt fjárlögum renna hins vegar aðeins um það bil
100 milljónum minna til málaflokksins eftir lokun Varnarmálastofnunar.
Stjórnarandstæðingar gagnrýndu vinnubrögð stjórnvalda við nið-
urlagningu Varnarmálastofnunar og skiptingu verkefna hennar
við atkvæðagreiðslu um fjárlögin á Alþingi í gær.
„Það eru ekki nema nokkur misseri síðan ráðherrar Samfylk-
ingarinnar töldu það algerlega óviðunandi að blanda saman
varnartengdum verkefnum og borgaralegri starfsemi,“ sagði
Bjarni Benediktsson, formaður Sjálfstæðisflokksins. „Þess vegna
var komið á sérstakri stofnun, Varnarmálastofnun, að tillögu
ráðherra Samfylkingarinnar, sem nú berjast fyrir því að sú sama
stofnun verði lögð niður og varnartengdum verkefnum og
borgaralegum verði hrært saman í eina og sömu skálina,“ sagði
hann.
„Þessi stjórnsýsla er algerlega óboðleg,“ sagði Bjarni. Ótækt
væri að veita fjárheimildir þegar breytingar á þessum málaflokki
væru enn óútfærðar.
„Þessi breytingartillaga endurspeglar svo sannarlega hin
mjög svo óvönduðu vinnubrögð sem hafa verið viðhöfð við
niðurlagningu Varnarmálastofnunar, og meðferð öryggis- og
varnarmála Íslendinga á þessu ári,“ sagði Eygló Harðardóttir,
þingmaður Framsóknarflokks.
Hún lýsti eftir því samráði við Alþingi sem utanríkisráðherra
hefði lofað síðastliðið haust. Þar hefði átt að móta skýra öryggis-
og varnarstefnu fyrir Ísland. Ekkert hefði sést til þeirrar vinnu.
Vinnubrögðin óboðleg og óvönduð
EYGLÓ
HARÐARDÓTTIR
BJARNI
BENEDIKTSSON
ÖSSUR
SKARPHÉÐINSSON
Strandgata 11, Hafnarfjörður l Sími 512 3777 l www.kailash.is
Kailash er ný verslun á
Strandgötu 11 í Hafnarf
sem sérhæfir sig í andle
vörum frá Tíbet og Nep
Verslunin selur meðal a
Buddhastyttur, talnabön
skartgripi, reykelsi, pon
og margt fleira.
Verið velkomin og að
sjálfsögðu er alltaf heit
á tekatlinum.
Full búð af nýjum vörum
Verslunin verður opin a
daga til jóla frá kl. 11-2
SPEGLAST Í POLLI Tvær mörgæsir á
vappi í dýragarði í Leipzig í Þýskalandi.
NORDICPHOTOS/AFP
JERÚSALEM, AP Veisla til heiðurs
palestínskum slökkviliðsmönnum
snerist upp í pólitískt klúður í
gær þegar ísraelskir hermenn
neituðu heiðursgestunum um
aðgang.
Fyrr í mánuðinum höfðu 43
manns farist í mestu skógareld-
um í sögu Ísraels. Um 20 Palest-
ínumenn hjálpuðu við slökkvi-
störfin og var haft eftir þeim að
þeir vildu sýna að þjóðirnar gætu
unnið saman.
Ellefu af slökkviliðsmönnunum
hugðust mæta í veisluna en sneru
frá þegar þrír þeirra voru stöðv-
aðir. Talsmaður þeirra sagði það
alvanalegt að Palestínumönnum
væri bannaður aðgangur að
ástæðulausu. Engin yfirlýsing
fékkst frá ísraelska hernum. - mt
Börðust við skógarelda:
Fengu ekki að
koma í veisluna
ÚGANDA Samkynhneigðir í fjölda
Afríkuríkja þurfa að sæta
ofsóknum vegna kynhneigðar
sinnar. Stjórnvöld í Úganda hafa
fest dauðarefsingar í lög yfir
þeim sem stunda kynlíf með
aðila af sama kyni. Samkvæmt
nýrri samantekt Washington Post
er ástandið engu betra í löndum
á borð við Simbabve, Senegal og
Kamerún.
Í síðastnefnda landinu hafa
samkynhneigðir þurft að þola
ofbeldisárásir af hendi lögreglu-
manna auk þess sem þeir hafa
verið gagnrýndir í fjölmiðlum.
- sm
Dauðarefsing í Úganda:
Samkynhneigðir
ofsóttir í Afríku
BRETLAND Mikil fagnaðarlæti brutust út
meðal stuðningsmanna Julians Assange,
stofnanda Wikileaks, þegar dómari í
London kvað upp þann úrskurð að honum
skyldi sleppt gegn tryggingu.
„Ég er ekki sammála því að Assange
telji sig hafa ástæðu til að mæta ekki,“
sagði Duncan Ousley, dómari áfrýjunar-
réttar. „Hann hefur greinilega einhvern
vilja til þess að hreinsa nafn sitt.“
Ousley staðfesti þar með úrskurð undir-
réttar frá því á þriðjudag.
Greiða þurfti tryggingafé að upphæð
200 þúsund pund, en sú fjárhæð samsvar-
ar rúmlega 36 milljónum króna. Auk þess
þarf Assange að bera á sér staðsetningar-
búnað, gefa sig daglega fram við lögreglu
og má ekki fara út að kvöld- eða nætur-
lagi.
Hann þarf að búa á sveitasetri í austan-
verðu Englandi, sem er í eigu Vaughans
Smith, eins stuðningsmanna Wikileaks.
Assange hefur verið í fangelsi síðan 7.
desember vegna framsalskröfu frá Sví-
þjóð, þar sem hann er sakaður um kyn-
ferðisbrot gegn tveimur konum. Búast
má við því að nokkrar vikur líði áður
en breska dómskerfið tekur ákvörðun
um það hvort hann verði framseldur til
Svíþjóðar. - gb
Stofnandi Wikileaks var látinn laus úr fangelsi í London í gær gegn 200 þúsund punda tryggingu:
Assange sett ströng skilyrði um ferðir
JULIAN ASSANGE Mættur í dómsal í London. NORDICPHOTOS/AFP
SJÁVARÚTVEGUR Afli íslenskra
skipa í nóvember nam alls 83.811
tonnum samanborið við 85.698
tonn í sama mánuði í fyrra.
Botnfiskafli stóð nánast í
stað frá nóvember 2009, var um
37.500 tonn. Hlutur þorskafla þar
af nam rúmum 17 þúsund tonn-
um og jókst um rúm 900 tonn frá
fyrra ári. Afli uppsjávartegunda
var rúmlega 44 þúsund tonn, nær
eingöngu síld. - shá
Afli í nóvember:
Botnfiskafli sá
sami á milli ára
ÞORSKUR Á ÞURRU LANDI Þorskafli jókst
um 900 tonn frá 2009.
HESTAMENNSKA Matvælastofnun
hefur ákveðið að aflétta hinni
formlegu heimasóttkví útflutn-
ingshrossa frá áramótum, þar
sem lítið hefur borið á sjúk-
dómnum að undanförnu. Þetta
er gert með þeim fyrirvara að
sjúkdómurinn blossi ekki upp
á ný.
Útflutningur hrossa hefur
gengið vel í haust og hafa ríflega
1.000 hross farið utan nú í byrj-
un desember, samkvæmt upplýs-
ingum frá MAST.
Eins og kunnugt er gera lönd
í Evrópusambandinu þær kröf-
ur að hross sem þau taka við
séu án sjúkdómseinkenna og
það sama eigi við um öll hross
sem þau hafi umgengist undan-
gengna þrjátíu daga svo og sex-
tíu daga við flutning til Banda-
ríkjanna. Vegna smitandi hósta
var nauðsynlegt að setja tíma-
bundið reglur um heimasótt-
kví útflutningshrossa til að
uppfylla framangreind skil-
yrði. Það fyrirkomulag hefur
reynst afar vel og engar fregn-
ir hafa borist um að veikin hafi
komið upp í útfluttum hrossum.
Aðeins örfá hross hafa ekki stað-
ist heilbrigðis skoðanir og hefur
útflutningi á þeim verið frestað.
Það verður áfram á ábyrgð
seljenda að útflutningshross hafi
ekki verið í samneyti við hross
með einkenni smitandi hrossa
í að minnsta kosti einn mánuð
fyrir útflutning. - jss
DÝRALÆKNISSKOÐUN Hross gangast undir ítarlega heilbrigðisskoðun dýralæknis
áður en þau fá útflutningsleyfi.
Lítið hefur borið á smitandi hósta hjá hrossum undanfarið:
Heimasóttkví hrossa er aflétt
DANMÖRK Danski þjóðarflokkur-
inn hefur hvatt þingmenn á þjóð-
arþinginu þar í landi til að senda
heimilissorp sitt á skrifstofur
Ekstrablaðsins.
Ástæðan er meint grúsk
útsendara blaðsins í sorptunnum
Karen Elleman umhverfisráð-
herra sem afhjúpaði í kjölfarið
meinta misbresti í sorpflokkun
ráðherrans. Uppátækið hefur
mætt hörðum viðbrögðum og
hefur Elleman kært blaðið til lög-
reglu. Þjóðarflokkurinn segir að
rusl frá 179 þingmönnum verði
örugglega vel þegið á ritstjórnar-
fundum Ekstrablaðsins. - þj
Danskt sorpblað í bobba:
Rótaði í rusli
ráðherrans