Fréttablaðið - 17.12.2010, Blaðsíða 61

FÖSTUDAGUR 17. desember 2010 37
Hann ætlar að verða lífseigur draugurinn, sem einhverjir
galdramenn hafa vakið upp, að líf-
eyrissjóðirnir á Íslandi hafi tapað
800 milljörðum króna í hruninu.
Ítrekað er þessi tala notuð og lepur
hver upp eftir öðrum og gildir einu
hvort á ferðinni eru háskólakenn-
arar, leikmenn eða fjölmiðlafólk.
Hið rétta er að áætlað að tap
lífeyrissjóðanna í hruninu hafi
numið um 350 milljörðum króna.
Ég hygg að flestum þyki það ærið
áfall og því ástæðulaust með öllu
að ýkja frásögnina með því að klifa
á þeirri rangfærslu að tapið hafi
numið 800 milljörðum. Unnt er að
reikna þetta út með því að skoða
upplýsingar á heimasíðum Seðla-
banka Íslands og Fjármálaeftirlits-
ins. Þeim sem vilja fara með rétt
mál varðandi þetta er því enginn
vandi á höndum.
Starfsfólk og stjórnarmenn
íslenskra lífeyrissjóða hafa fengið
nóg af ómaklegri gagnrýni á
lífeyris sjóðina að undanförnu.
Við gerum kröfu um það að rétt
sé farið með staðreyndir vegna
sjóðanna áður en fólk leyfir sér
að draga víðtækar ályktanir með
gagnrýnum hætti.
Gleymum því ekki að flest fjár-
málafyrirtæki landsins hrundu
nánast til grunna í hruninu.
Lífeyris sjóðirnir fengu högg en
þeir eru á góðri leið með að ná
fyrri styrk meðan flestir aðrir hafa
horfið af sviðinu. Íslenskir lífeyris-
sjóðir eru nú einhverjar mikilvæg-
ustu fjármálastofnanir landsins
og sú kjölfesta í almannaeigu sem
unnt er að byggja á til framtíðar.
Ekki er gert lítið úr því áfalli að
tapa 350 milljörðum króna en stærð
íslensku lífeyrissjóðanna er nú að
nálgast 1.900 milljarða króna, þar
af tæplega þriðjungur í erlendum
eignum sem leiðir til nauðsynlegrar
áhættudreifingar. Íslendingar búa
nú að einu öflugasta lífeyrissjóða-
kerfi heimsins. Einungis Holland
og Sviss státa af álíka öflugum líf-
eyrissjóðakerfum. Sparnaður í líf-
eyrissjóðum þessara þriggja ríkja
nemur 120-130% af landsfram-
leiðslu þeirra en önnur ríki koma
þar langt á eftir. Íslenskir lífeyris-
sjóðir eru vel reknir og standa t.d.
einkar vel að vígi í samanburði
OECD-ríkja hvað rekstrarkostnað
varðar. Þrátt fyrir hrunið standa
þeir sterkir og eflast hratt. Þeir
munu geta gegnt lykilhlutverki
við endurreisn íslensks atvinnulífs
og þjóðlífs ef vel verður haldið á
málum og vinnufriður fæst.
Við förum fram á að umræða um
málefni lífeyrissjóðanna sé vönd-
uð, sanngjörn og studd rökum. Þeir
sem vilja gera mikið úr áfalli líf-
eyrissjóðanna í hruninu verða að
láta sér 350 milljarða áfall nægja
því 800 milljarða tap varð sem
betur fer ekki. Vonandi er sá upp-
vakningur senn dauður.
AF NETINU
Atvinnulaus með grunn-
skólanám
Atvinnuleysi hefur
minnkað úr 9,3% í
7,7% frá ársbyrjun
2009 en vandinn
er ennþá mikill
og stærsti einstaki
hópur þeirra sem eru á atvinnu-
leysisskrá er ungt fólk á aldrinum
16-25 ára. Þar er kynslóðin sem á
að erfa landið, 2300 einstaklingar
með hæfileika og getu sem þjóðin
er ekki að virkja. Það er sláandi að
76% þeirra hafa eingöngu grunn-
skólanám að baki. Lausnin liggur
á borðinu. Við þurfum að bjóða
þessum verðmæta hópi nám við
hæfi og leggja sérstaka áherslu á
verk- og tæknimenntun, því það
er á þeim sviðum sem eftirspurnin
eftir nýju starfsfólki verður mest á
komandi árum.
Pressan.is
Skúli Helgason
Hagnaður en ekki tap
Íbúðalánasjóður
hefur hagnast um
10 til 15 milljarða
á því að hafa
fjárfest tugmilljarða
uppgreiðslur lána
2004 og 2005 í þegar lánuðum
fasteignalánasöfnum Landsbank-
ans og sparisjóðanna í stað þess
að leggja féð inn í Seðlabankann
eins og sumir snillingar í stjórn-
málastétt töldu rétt að gera á
sínum tíma.
Þessari staðreynd hefur lítt
verið haldið á lofti í sérkennilegri
umræðu um Íbúðalánasjóð að
undanförnu. Þvert á móti hafa
sumir gagnrýnt Íbúðalánasjóð fyrir
að hafa beitt þessari vel heppnuðu
fjárstýringu á tímabilinu desember
2004 og fyrstu mánuði ársins
2005 og þannig bjargað sjóðnum
frá gjaldþroti í kjölfar áhlaups
Kaupþings og annarra banka á
sjóðinn.
[...]
Þannig skipti það engu máli
efnahagslega á sínum tíma hvort
peningarnir hefðu verið lagðir inn
í Seðlabankann og þeir færðir
þaðan inn í bankakerfið eða
hvort peningarnir fóru beint inn í
bankakerfið með kaupum Íbúða-
lánasjóðs á þegar lánuðum, verð-
tryggðum, fasteignatryggðum lang-
tímalánum bankanna. Hins vegar
hefði það kostað Íbúðalánasjóð
10 til 15 milljarða tap að leggja
fjármunina inn í Seðlabankann.
blog.eyjan.is/hallurm
Hallur Magnússon
Lífeyrissjóðirnir
fengu högg en
þeir eru á góðri leið með
að ná fyrri styrk.
800 milljarða uppvakningur
Lífeyrismál
Helgi
Magnússon
formaður Lífeyrissjóðs
verslunarmanna
SEND IÐ OKK UR LÍNU
Fréttablaðið og Vísir hvetja lesendur til
að senda línu og leggja orð í belg um
málefni líðandi stundar. Greinar og
bréf skulu vera stutt og gagnorð. Tekið
er á móti efni á netfanginu greinar@
frettabladid.is eða á vefsíðu Vísis, þar
sem finna má nánari leiðbeiningar.
Ritstjórn ákveður hvort efni birtist í
Fréttablaðinu eða Vísi eða í báðum
miðlunum að hluta eða í heild.
Áskilinn er réttur til leiðréttinga og til
að stytta efni.
www.heilaspuni.is & www.facebook.com/heilaspuni
Verðlaunaspilið Heilaspuni
er nú loksins komið aftur!
5.9
90
kr
.