Fréttablaðið - 17.12.2010, Blaðsíða 74
50 17. desember 2010 FÖSTUDAGUR
Söngvarinn Jónsi er kominn
heim eftir langa tónleika-
ferð en hann var að kynna
fyrstu sólóplötuna sína, Go.
Jónsi og hljómsveit hans
spiluðu á 100 tónleikum um
heim allan og ljúka frábæru
ferðalagi með tónleikum í
Laugardalshöllinni
29. desember.
Söngvarinn Jón Þór Birgisson,
betur þekktur sem Jónsi úr Sigur
Rós, er kominn heim eftir langa
tónleikaferð en hann var að fylgja
eftir sinni fyrstu sólóplötu. Platan
ber nafnið Go og kom út í apríl en
hún hefur fengið frábæra dóma hjá
gagnrýnendum. Í gær var tilkynnt
að lag Jónsa, Sticks and Stones,
kemur til greina fyrir tilnefningu
til Óskarsverðlaunanna en lagið er
titillag kvikmyndarinnar How to
Train Your Dragon.
Japan stendur upp úr
„Viðtökurnar voru eiginlega ótrú-
lega góðar. Það vissu samt ekki
margir af mér til að byrja með,
enda er ég í fyrsta skipti að koma
fram undir nafninu Jónsi. Það
þekkja miklu fleiri Sigur Rós,
svo ég þurfti að fara í aðeins
fleiri viðtöl og kynna mig,“ segir
söngvarinn.
Ferðalagið hefur staðið síðan
í febrúar en spilað var á 100 tón-
leikum í flestum heimsálfum. Jónsi
segir að það hafi verið gaman að
spila alls staðar, en Japan hafi stað-
ið upp úr og uppselt hafi verið á
alla tónleikana. „Japanar eru svo
kurteisir. Við spiluðum fyrir þá
á einhverri hátíð og eftir fyrsta
lagið var dauðaþögn. Þeir vissu
ekki hvort það ætti að klappa eða
ekki, eða hvort það væri yfirhöfuð
kurteisi.“
Fann píanóleikarann í karókí
Jónsi þurfti að setja saman hljóm-
sveit fyrir ferðalagið með stuttum
fyrirvara, en hann segir það hafa
gengið vonum framar. „Ég vissi af
Úlfi Hanssyni bassaleikara og mig
langaði að fá hann með mér. Ég fann
svo píanóleikarann minn á barnum,
en ég gaf mig á tal við hann eftir
að við tókum sama lagið í karókí,“
segir Jónsi, en lagið umrædda var
Africa með Toto og píanóleikarinn
Ólafur Björn Ólafsson. Þorvaldur
Þór Þorvaldsson trommuleikari
komu svo inn á síðustu stundu.
Kærasti Jónsa, Alex Somers,
kemur líka við sögu í hljómsveit-
inni en hann hjálpaði til við útsetn-
ingu Go og spilaði með bandinu á
ferðalaginu. Hvernig er að hafa
kærastann stöðugt með þér? „Það
er bara frábært, enda gerum við
allt saman og erum bestu vinir. Það
kemur fyrir að við verðum þreytt-
ir hvor á öðrum en það er bara eins
og það er.“
Latur að eðlisfari
Hljómsveitin lagði af stað í ferða-
lagið í febrúar. „Við fengum ekki
marga daga til að æfa okkur áður
en lagt var af stað. En þeir voru
alveg rosalega duglegir, sem var
frekar fínt fyrir mig því ég er
ótrúlega latur að eðlisfari og nenni
sjaldan að æfa mikið,“ segir Jónsi.
Ferðalögin tóku oft langan tíma
og flakkað var á milli heimsálfa og
tímabelta. „Þetta tekur svolítið á.
Maður er á endalausum ferðalög-
um og getur hvergi skotið rótum.
Það eru ákveðin viðbrigði að ferð-
ast með ókunnugu fólki í eitt ár, en
það voru allir þolinmóðir og við
sýndum hver öðrum skilning. En
mér finnst rosalega gott að vera
kominn heim.“
Sigur Rós í sautján ár
Jónsi spilaði síðast hér á landi með
Sigur Rós fyrir tveimur árum en
29. desember ætlar hann að ljúka
tónleikaferðalaginu með tónleik-
um í Laugardalshöllinni. „Ég er
orðinn mjög spenntur að spila hér
aftur. Það er gaman að koma fram
alls staðar, en það er langmesta
pressan að spila fyrir framan vini
mína og fjölskyldu,“ segir Jónsi,
og bætir við að fjölskyldan verði í
fremstu röð í Höllinni. „Þau koma
og styðja son sinn,“ segir hann og
hlær.
Jónsi gefur ekki mikið fyrir þá
rándýru tónleika sem tónlistar-
menn á Íslandi bjóða landanum
upp á nú fyrir jólin. „Ég skil ekk-
ert í þeim Íslendingum sem kaupa
sig inn á þessa jólatónleika þar
sem miðinn kostar hátt upp í tíu
þúsund krónur. Það á frekar að
koma á alvöru tónleika þar sem
þú færð miklu meira fyrir pening-
inn,“ segir Jónsi og hlær, en hann
lofar frábærum tónleikum.
Spurður um plön fyrir nýja árið,
segir Jónsi að hann ætli að samein-
ast strákunum í Sigur Rós en band-
ið mun fagna sautján ára afmæli
sínu 4. janúar. „Við erum ekki
búnir að gera neitt saman í tvö ár,
svo við komum alveg ferskir til
leiks,“ segir Jónsi, en hann lofar
einhverju glænýju frá bandinu.
kristjana@frettabladid.is
Rosalega gott að vera kominn heim
HLAKKAR TIL AÐ SPILA FYRIR ÍSLENDINGA Jónsi lýkur tónleikaferðalagi sínu 29. desember í Laugardalshöllinni, en hann hefur
spilað á 100 tónleikum um allan heim. FRÉTTABLAÐIÐ/STEFÁN
Það vissu samt ekki
margir af mér til að
byrja með, enda er ég í fyrsta
skipti að koma fram undir
nafninu Jónsi. Það þekkja
miklu fleiri Sigur Rós, svo ég
þurfti að fara í aðeins fleiri
viðtöl og kynna mig.
JÓN ÞÓR BIRGISSON
TÓNLISTARMAÐUR
Viðburðaríkt ár
100
Jónsi og hljómsveit hans hafa
spilað á 100 tónleikum í kjölfar
útgáfu breiðskífunnar Go. Tón-
leikarnir í Höllinni 29. desember
verða númer 101 í röðinni.
300
Yfir 300 þúsund manns hafa séð
bandið á tónleikum í hinum ýmsu
heimsálfum.
3
Lag Jónsa, Sticks and Stones, er í
forvali fyrir Óskarsverðlaunin. Þrír
Íslendingar hafa verið tilnefndir til
Óskarsverðlauna: Björk Guð-
mundsdóttir, Friðrik Þór Friðriks-
son og Rúnar Rúnarsson.
20
Hópurinn sem unnið hefur að
tónleikum Jónsa um allan heim
telur tuttugu manns. Með hópn-
um eru jafnan nokkur tonn af
sviðsbúnaði.
300
Í kringum 300 þúsund eintök
hafa selst af breiðskífunni Go.
FRÁBÆR TÓNLEIKASVEIT Jónsi á Coa-
chella-hátíðinni fyrr á árinu.
NORDICPHOTOS/GETTY
ÞORLÁKSMESSUTÓNLEIKAR 2010
Í HÁSKÓLABÍÓIBUBBI
MORTHENS UPPSEL
T
BYLGJAN KYNNIR:
ÁRLEGIR ÞORLÁKSMESSUTÓNLEIKAR BUBBA MORTHENS VERÐA Í HÁSKÓLABÍÓI ÞANN 23. DESEMBER OG HEFJAST KL. 22.00.
SÉRSTAKUR GESTUR BUBBA ER JÓNAS SIGURÐSSON.
ALLAR NÁNARI UPPLÝSINGAR Á PRIME.IS.