Fréttablaðið - 17.12.2010, Blaðsíða 80
56 17. desember 2010 FÖSTUDAGUR
Hin ofurskakka poppstjarna George Michael
verður einn af þremur dómurum í amerísku
útgáfunni af X-Factor. Keppnin um hæfileika-
ríkasta Ameríkanann verður því hörð á næsta
ári.
Samkvæmt breska götublaðinu The Sun verður George
Michael einn af þremur aðaldómurum í bandaríska X-
Factor en keppnin hefur notið gríðarlegra vinsælda í Bret-
landi. The Sun greinir jafnframt frá því að Michael þurfi
núna að útvega sér réttu pappírana og það gæti tekið ein-
hvern tíma þar sem hann hefur ítrekað verið handtekinn
fyrir gáleysislegan akstur undir áhrifum kannabisefna.
Og skemmst er að minnast þess þegar Michael var hand-
tekinn á almenningsklósetti í Los Angeles fyrir tólf árum.
X-Factor er hugarfóstur hins skelegga Simons Cowell
sem hefur yfirgefið bandaríska Idol-skipið og stjórnar
nýrri stjörnuleit. Eins og einhverjir Íslendingar kunna
að muna þá er X-Factor-leikurinn eilítið öðruvísi en
Idol-ið, engin aldurstakmörk eru og keppnin er opin
einstaklingum sem söngflokkum.
Cowell hefur þegar fengið söngfuglinn Cheryl Cole úr
Girls Aloud til að fylgja honum vestur um haf en hún er
kannski þekkust hér á landi fyrir að vera fyrrverandi
eiginkona landsliðsbakvarðarins Ashley Cole. Samkvæmt
The Sun hefur Cowell í hyggju að hafa þungavigtarmenn
í dómnefndinni hverju sinni og hefur meðal annars rætt
við Mick Jagger, forsprakka The Rolling Stones, og Noel
Gallagher, höfuðsmið Oasis. Cowell hyggst vinna sjón-
varpsstríðið sem búast má við að ríki milli Idol og X-Fact-
or þótt þættirnir verði sýndir á sömu sjónvarpsstöðinni.
Framleiðendur Idol hafa hins vegar ekki lagt árar í bát
þótt Cowell hafi horfið á braut. Leitin hefur enda verið
vinsælasta sjónvarpsefni Bandaríkjanna undanfarin
ár þótt hæfileikar keppenda séu, að margra mati, ekki
eins miklir og í fyrri keppnum. Til að reyna að sporna
við hruni fengu aðstandendurnir Steven Tyler, for-
sprakka Aerosmith, til að setjast í dómnefndina með
Randy Jackson og bættu síðan um betur með Jennifer
Lopez.
Íslenskir áhugamenn um ameríska stjörnuleit
mega því eiga von á góðu á næsta ári því Stöð 2 hefur
tryggt sér sýningarrétinn á X-Factor að sögn Pálma
Guðmundssonar, framkvæmdastjóra Stöðvar 2, en stöð-
in hefur undanfarin ár sýnt frá Idol og mun halda því
áfram. freyrgigja@frettabladid.is
George Michael í ameríska X-Factor
SAFNAR LIÐI
Simon Cowell safnar liði
fyrir útrás sína til Ameríku
og hefur fengið George
Michael til að sitja í dóm-
nefnd X-Factor, segir
í breska blaðinu
The Sun. Cowell
mun etja kappi við
stjörnumprýdda
dómnefnd Idolsins
en þar hafa tekið sér
sæti þau Steven Tyler
og Jennifer Lopez auk
þess sem Randy Jack-
son verður á sínum
stað.
Leikarinn David Arquette viður-
kennir að hafa drekkt sorgum
sínum í áfengi eftir að hann
skildi við eiginkonu sína og leik-
konuna Courtney Cox. Þetta kom
fram í viðtali við hinn þekkta
útvarpsmann Howard Stern en
Arquette vildi ekki fara út í smá-
atriði en sagði að hann hefði
þurft að leita sér hjálpar vegna
áfengisnotkunar.
„Ég er búinn að missa tökin
á drykkjunni og hef ákveðið að
hætta að drekka um tíma,“ segir
Arquette en hann hefur sést oft
úti að skemmta sér eftir að hann
skildi. Cox hefur aftur á móti
verið heima og sinnt sex ára
dóttur þeirra.
Hallar sér að
flöskunni
HÆTTUR AÐ DREKKA David Arquette
missti tök á áfengisneyslunni eftir
skilnaðinn. NORDICPHOTOS/GETTY
977 KR. INN OG ALLUR AÐGANGSEYRIR RENNUR TIL STÍGAMÓTA.
MIÐASALA HEFST KL. 20 Á SÓDÓMA.
59´S AGENT FRESCO BÁRUJÁRN BLOODGROUP
CLIFF CLAVIN DIKTA ENDLESS DARK ENSÍMI
HIGH CLASS MONKEY HOFFMAN
JÓNAS SIGURÐSSON OG RITVÉLAR FRAMTÍÐARINNAR
KRÓNA NOISE SING FOR ME SANDRA XIII
ÁRLEGIR GÓÐGERÐATÓNLEIKAR
X-INS 977 Í KVÖLD Á SÓDÓMA