Fréttablaðið - 18.12.2010, Blaðsíða 10

18. desember 2010 LAUGARDAGUR
KJÖRIÐ ATVINNUTÆKIFÆRI
Verslunin Rangá er til sölu, sömu eigendur hafa rekið og átt verslunina í 39 ár og þar
áður var hún rekinn af fyrrum eiganda síðan 1931. Rangá er ein elsta matvöruverslun
rekin undir sama nafni á höfuðborgarsvæðinu. Gamall og rótgróinn
rekstur. Góður stígandi í veltu síðastliðin ár.
Allar upplýsingar fást í síma 858-4293 eða arnar@atlanta.is

vodafone.is
Meiri jól,
meiri jól,
meiri jól
Öflugur sími frá Nokia sem hefur allt.
Farsíminn er með 12 megapixla
myndavél þar sem þú getur t.d. tekið
upp HD myndskeið og tengt við HDMI
tengi í sjónvarpinu. Besti myndavéla-
síminn á markaðnum í dag, einkar
öflugur netsími og leikjatölva ásamt
því að bjóða upp á fullkomið Ovi Maps
GPS leiðsögukerfi.
Nokia N8
0 kr. útborgun
og 7.499 kr. á mán. í 12 mán.
Netið í símann, 100 MB,
fylgir með í 1 mánuð.
Staðgreitt: 89.990 kr.
Partý Alias
spilið fylgir á
meðan birgðir
endast
Við afborgunarverð á farsímum bætist 250 kr. greiðslugjald á mánuði.
FÉLAGSMÁL Þrjátíu milljónum króna
var veitt í verkefni vegna Evrópuárs
gegn fátækt og félagslegri einangr-
un á árinu sem er að líða. Þetta kom
fram á lokaráðstefnu átaksins, sem
fram fór í gær.
Á ráðstefnunni voru meðal ann-
ars kynntar niðurstöður þjóðfund-
ar sem haldinn var í maí og fjallaði
um fátækt og félagslega einangr-
un. Á fundinum sat fólk sem upp-
lifir fátækt og félagslega einangr-
un ásamt stjórnmálamönnum og
þeim sem vinna að málefnum tengd-
um fátækt. Helstu niðurstöðurnar
voru þær að setja þurfi framfærslu-
viðmið, auka upplýsingaflæði og
aðgengi fólks að frekari menntun.
„Þetta eru allt mikilvæg atriði
sem við þurfum að vinna að,“ sagði
Guðbjartur Hannesson félags- og
tryggingamálaráðherra. Hann sagði
þegar unnið að því að skilgreina
neysluviðmiðin og vonast sé til þess
að hægt verði að kynna þær niður-
stöður von bráðar. Hann sagði sam-
stöðu lykilatriði í baráttunni gegn
þessu þjóðfélagsmeini. „Við munum
fara vandlega yfir þessar niðurstöð-
ur og taka mið af þeim þegar kemur
að stefnumótun ráðuneytisins.“ Þá
sagði ráðherrann grunn hafa verið
lagðan með átakinu „en baráttunni
gegn fátækt og félagslegri einangr-
un er síður en svo lokið“. - þeb
Fjölmenn lokaráðstefna Evrópuárs gegn fátækt og einangrun fór fram í gær:
Baráttunni síður en svo lokið
FRÁ FUNDINUM Fjölmenni var á ráð-
stefnunni gegn fátækt í gær.
FRÉTTABLAÐIÐ/STEFÁN
FJARSKIPTI Tíðnisvið fyrir fjar-
skipti eru takmörkuð heimild
sem ber að greiða auðlindagjald
af. Þetta segir Björn Valur Gísla-
son, formaður samgöngunefndar
Alþingis, um frumvarp sem liggur
á borði nefndarinnar um breyting-
ar á fjarskiptalögum og gæti það
orðið að lögum á morgun.
Í ákvæði til bráðabirgða er mis-
munandi gjald lagt á tíðnisviðin
og hleypur það frá hálfri milljón
króna til 1,5 milljóna króna.
Gjaldið fellur á Símann og Voda-
fone sem þurfa að endurnýja tíðni-
heimildir sínar á næstu tveimur
árum.
Samgöngunefnd reiknast til að
Síminn og Vodafone gætu þurft að
greiða rúmar 120 milljónir króna
fyrir tíðniheimildir frá 2012 til tíu
ára.
Síminn bendir á í athugasemdum
við frumvarpið að neysluverðsvísi-
tala sé lögð til grundvallar útreikn-
ingunum. Bent er á að samræmd
vísitala neysluverðs hafi hækk-
að um 48 prósent á síðastliðnum
fimm árum. Símakostnaður í vísi-
tölunni hefur hins vegar hækkað
um sautján prósent á sama tíma.
Því geti gjaldið leitt til hækkunar
á neysluverðsvísitölu.
„Hér er um að ræða sértækan
skatt sem beinist eingöngu að völd-
um fyrirtækjum og felur í sér brot
á jafnræðisreglu,“ segir Hrannar
Pétursson, upplýsingafulltrúi
Vodafone. „Við munum kanna
réttarstöðu okkar ef þetta verður
samþykkt. Okkur verður gert að
greiða sextíu milljónir og teljum á
okkur brotið,” segir hann.
Björn Valur segir frumvarpið
fela í sér að hvorugt fyrirtækjanna
greiði meira en áður.
„Tíðnisvið eru takmörkuð auð-
lind. Síminn og Vodafone þurfa því
að greiða fullt gjald fyrir hana,“
segir Björn Valur.
jonab@frettabladid.is
Tíðnisvið gæti kostað
120 milljónir króna
Samgöngunefnd skilgreinir fjarskiptatíðnir sem auðlindir og vill taka sérstakt
gjald af þeim sem sækja um þær. Þetta gæti kostað Símann og Vodafone rúmar
hundrað milljónir króna. Kostnaðurinn gæti endað í símreikningi neytenda.
BJÖRN VALUR Tíðnisvið fjarskiptafyrirtækja eru takmarkaðar auðlindir, segir formaður
samgöngunefndar Alþingis. FRÉTTABLAÐIÐ/GVA