Fréttablaðið - 18.12.2010, Blaðsíða 89
matur 7
Auglýsingasími
FORSÍÐA VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
MEIRI
GLAMÚR
Deildu Vísi með öðrum. Þeir sem
setja „like“ við Vísi á Facebook
geta unnið óvænta vinninga í
hverri viku.
m.visir.is
Fáðu Vísi í símannog iPad!
Verð 7.990,-
Lækjargata 2a 101 R.sími 5115001 opiða alla daga 9 til 22
GRANATEPLA-VINAGRETTE
1 granatepli
50 ml Extra Virgin ólífuolía
10 ml sojasósa
salt
pipar
Skerið granatepli í tvennt og
kreistið yfir skál. Reynið að ná
fræjum og safa án þess
að börkur fljóti með.
Bætið ólífuolíu og sojasósu við
og smakkið til með salti og pipar.
RÚGBRAUÐSTENINGAR
2 brauðsneiðar rúgbrauð
20 ml Extra Virgin ólífuolía
pipar
Skerið rúgbrauð í litla ten-
inga, setjið í pott með ólífuolíu
og hitið við vægan hita til að velgja
upp á rúg brauðinu. Smakkið svo til
með pipar.
Í lokin: Stráið aðeins af rifnum
gráðaosti yfir kjötið, bætið við
„doppum“ af sellerírótar sósu,
ristuðum pekanhnetum og rúg-
brauðsteningum og stráið
vinaigrett inu yfir. Setjið smá salat
með í restina.
GÆSASALAT með mangói,
salthnetum og kóríander
Fyrir 4
GÆSASALAT
400 g gæs
50 g sykur
50 g salt
1 sítróna
5 greinar timjan
Setjið gæs í eldfast form; sykur,
salt, timjan og sítrónu í mortél og
merjið saman og stráið yfir gæsina.
Látið liggja í um sólarhring. Síðan
er gæsin léttbrúnuð og sett í ofn
við 130 gráða hita í 5 mínútur.
Leyfið henni svo að kólna á bretti
og skerið niður í sneiðar.
MANGÓ-CHUTNEY
1 mangó
1 tómatur
1 grænt epli
1 skalottulaukur
1 tsk. five spice
½ tsk. cayenne-pipar
½ tsk. engifer
180 g sykur
150 g vatn
20 ml Extra Virgin ólífuolía
Skrælið mangó og epli og skerið
í teninga. Skerið tómat í tvennt
og kjarnhreinsið. Skerið laukinn
fínt niður. Setjið svo allt í pott og
sjóðið þar til það hefur þykknað
eins og sulta.
MANGÓTENINGAR
½ stk. mangó
5 ml kampavínsedik
5 ml ólífuolía
salt
pipar
Skrælið mangó og skerið í ten-
inga, setjið í skál ásamt ediki og
olíu. Smakkið loks til með salti
og pipar.
Setjið allt í skál og hristið saman.
Bætið svo salthnetum og búnti af
kóríander við. Líka gott að bæta
við klettasalati.
Bon appétit!
Eyjólfi Gesti Ingólfssyni kokki finnst best að gæða sér á hamborgarhrygg, karamell-
uðum kartöflum og heimagerðu
rauðkáli um jólin. Honum þykir
þó ekkert síðra að bregða út af
vana endrum og eins, prófa eitt-
hvað alveg nýtt og öðruvísi yfir
hátíðarnar og mælir sterklega
með að fólk reyni þá til dæmis
fyrir sér í franskri matseld. Enda
Frakkar leiðandi í matargerð eins
og hann orðar það sjálfur.
„Nauta-ribeye með kartöflu-
mauki, rauðrófum og timjans-
ósu er til að mynda algjör herra-
mannsmatur og hentar vel í
aðalrétt,“ segir Eyjólfur og finnst
alls ekki skrítið að bjóða upp á
nautakjöt á jólunum þegar blaða-
maður spyr. „Alls ekki, enda í
raun enginn munur á nautalund-
um og til dæmis lambi.“
Til að kjötið bragðist sem best
kveðst Eyjólfur krydda það með
jurtum og rista vel upp úr smjöri
á pönnu. „Kjötið er síðan sett í 65
gráðu heitan ofn í minnst fjóra
tíma. Hann er svo hækkaður í 160
gráður rétt í lokin.“
En hvað færi vel að hafa í
forrétt með svona frönskum
fínheitum? Kokkurinn er ekki
lengi að hugsa sig um. „Þá væri
gott að bjóða upp á annaðhvort
dádýra-carpaccio nú eða þá gæsa-
salat, en hvort tveggja bragðast
alveg svakalega vel,“ segir hann
og afhendir í lokin uppskriftir að
herlegheitunum. Getur þess svo
að þeir sem leggi ekki í að útbúa
matinn sjálfir geti svo alltaf milli
jóla og nýárs kíkt á hlaðborðið á
veitingastaðnum Square, þar sem
hann heldur utan um eldamennsk-
una. - rve
Franskar krásir
Frakkar hafa löngum verið leiðandi í matargerð. Eyjólfur Gestur Ingólfsson, kokkur
á veitingastaðnum Square, veit allt um það og leggur til að landsmenn kynni sér
franska matargerð betur fyrir þessi jól og áramót. Hér gefur hann þrjú sýnishorn.
Eyjólfur sækir gjarnan í franska matseld og finnst gaman að blanda henni við aðrar
stefnur, eins og nýnorrænt eldhús. FRÉTTABLAÐIÐ/ANTON
Dádýra-carpaccio með sellerírótarkremi, gráðaosti og granatepla-vinaigrette.