Fréttablaðið - 18.12.2010, Blaðsíða 143
LAUGARDAGUR 18. desember 2010
Stærsti draumur Evu Mendes
sem barn var að verða nunna svo
hún gæti keypt hús handa móður
sinni. Leikkonan vildi helga líf sitt
kaþólsku kirkjunni en henni sner-
ist hugur þegar hún komst að því
að nunnur fengu ekki greitt fyrir
starf sitt. „Það voru ekki til mikl-
ir peningar þegar ég var að alast
upp en ég sagði við mömmu að ég
ætlaði að kaupa handa henni hús
og bíl þegar ég yrði eldri. Systir
mín spurði mig svo einn daginn,
„Hvernig ætlarðu að fara að því
að kaupa þessa hluti? Þú ætlar þér
að verða nunna og þær fá ekkert
borgað,“ og það var til þess að ég
gaf drauminn upp á bátinn.“
Eva Mendes vildi
verða nunna
GAF DRAUMINN UPP Á BÁTINN Eva
Mendes vildi verða nunna sem barn en
hætti við þegar hún komst að því að
nunnur fá engin laun.
Matt Lucas, stjarnan úr Little
Britain, gat loksins leyft sér að
fagna eftir að hafa unnið mál
gegn bresku götublaði fyrir dóm-
stólum.
Dómstóll í Bretlandi úrskurð-
aði á miðvikudag að Daily Mail
skyldi birta afsökunarbeiðni til
Lucas, stjörnu Little Britain, og
greiða honum skaðabætur fyrir
grein sem birtist í mars. Þetta
er í annað sinn á þessu ári sem
Lucas vinnur mál gegn fjölmiðl-
um því í mars var Daily Star gert
að greiða honum skaðabætur og
birta afsökunarbeiðni.
Málið snýr að grein sem birtist
í blaðinu undir fyrirsögninni
„How Matt Lucas learned to
Laugh Again“ eða Hvernig Matt
lærði að hlæja aftur. Matt hafði
þá þurft að horfa á eftir fyrrver-
andi sambýlismanni sínum, Kevin
McGee, yfir móðuna miklu en
hann tók sitt eigið líf 2009, nokkr-
um mánuðum eftir að þeir tveir
skildu. Samkvæmt lögmannsstof-
unni Schillings, sem rak málið
fyrir Lucas, var greinin full af
rangfærslum og var sömuleiðis
innrás inn á helgustu staði einka-
lífsins. „Greinin olli Lucas miklu
uppnámi og vanlíðan,“ segir í
greinagerð frá fyrirtækinu.
Lucas vildi lítið tjá sig um
niðurstöðuna, sagðist ekki finna
fyrir neinni sigurtilfinningu. „Ég
er bara feginn að þessu máli skuli
vera lokið. Þessi grein var það
röng og svo mikil innrás í líf mitt
að ég hafði ekkert val, ég varð að
leita réttar míns.“
Little Britain-stjarna
vinnur meiðyrðarmál
FEGINN Matt Lucas kveðst vera feginn yfir því að máli hans gegn Daily Mail hafi lokið
með hóflegum skaðabótum og afsökunarbeiðni. Hér er Lucas ásamt David, fyrrver-
andi eiginmanni sínum, sem framdi sjálfsmorð í fyrra. NORDIC PHOTOS/GETTY
Trommar í stað Dýra
Dave Grohl úr hljómsveitinni Foo
Fighters verður í með í nýrri
kvikmynd um Prúðuleikarana.
Þar bætist hann í hóp með Jack
Black, Ricky Gervais og Lady
Gaga. Grohl hleypur í skarðið
fyrir trommarann Dýra þegar
hann þarf að fara á reiði-
stjórnunarnámskeið.
Grohl hefur áður komið
fram í kvikmynd, eða í
The Pick of Destiny með
Tenacious D árið 2006.
Grohl er þessa dagana
að undirbúa nýja plötu
með Foo Fighters, auk
þess sem hann spil-
aði á trommur í einu
lagi á nýjustu plötu
Michaels Jackson,
Michael.
DAVE GROHL
Trommarinn
hleypur í skarðið
fyrir Dýra í nýrri
kvikmynd um
Prúðu leikar-
ana.