Fréttablaðið - 18.12.2010, Blaðsíða 150

122 18. desember 2010 LAUGARDAGUR
HANDBOLTI Óhætt er að segja að
Dagur Sigurðsson hafi átt gott ár
í handboltanum. Árangur aust-
urríska landsliðsins undir stjórn
hans á EM í handbolta þar í landi í
upphafi ársins kom flestum í opna
skjöldu og nú í haust hefur hann
aftur vakið mikla eftirtekt. Í þetta
sinn er það með lið Füchse Berlin
sem er nú í öðru sæti þýsku úrvals-
deildarinnar og nýbúið að slá topp-
liðið, Hamburg, úr leik í þýsku bik-
arkeppninni. Fréttablaðið tók Dag
tali um þetta ótrúlega ár.
„Ég held að eftir þetta ár sé ég
búinn að koma mér á kortið sem
þjálfari. Svo verður bara að koma
í ljós hvað gerist á næstu árum,“
segir Dagur en óhætt er að segja
að hann haldi sig á jörðinni þrátt
fyrir velgengnina. Hann verður
seint sakaður um digurbarkaleg-
ar yfirlýsingar um árangur næstu
ára – þvert á móti virðist alveg
eins koma til greina hjá honum að
kúpla sig úr handboltanum.
„Ég er búinn að binda mig hér í
Berlín næstu 2-3 árin og það getur
vel verið að maður láti það bara
duga. Ég veit ekkert hvernig fram-
tíðin verður hjá mér.“
Raunhæfar væntingar
Árangur Füchse Berlin hefur verið
ótrúlegur. Liðið er í öðru sæti
deildarinnar með lið á borð við
Kiel og Rhein-Neckar Löwen fyrir
neðan sig í stigatöflunni. „Árangur
liðsins hefur komið flestum á óvart
– okkur líka. Það er mjög óvana-
legt að það sé komið fram í miðjan
desember og við í öðru sæti. Það er
í raun ekki hægt að ætlast til þess
að liðið endi tímabilið á þessum
stað,“ segir Dagur.
„Füchse varð í níunda sæti á
síðasta tímabili og við stefndum
á 7.-8. sætið í ár. Eftir þessa góða
byrjun tel ég raunhæft að stefna
á 5.-6. sætið og þar með þátttöku
í Evrópukeppni á næstu leiktíð.
Vonandi tekst það hjá okkur.“
Einhverjum kunna að þykja
þetta óvenjuleg ummæli hjá þjálf-
ara sem er í toppbaráttu í sterk-
ustu handboltadeild heims. En
staðreyndin er einfaldlega sú að
Füchse Berlin hefur úr miklu
minna að spila en stærstu liðin í
deildinni. „Við erum töluvert á
eftir stóru liðunum hvað fjármuni
varðar og þau eru með mun stærri
og betri leikmannahópa, sum hver
með 2-3 sterka leikmenn í hverri
einustu stöðu.“
Tekur Redknapp á þetta
Füchse Berlin er ekki nema sex
ára gamalt félag og hefur upp-
gangur liðsins verið mikill og
góður. Stefnt er að því að gera enn
meira á næstu árum.
„Það er gaman að fara á slóðir
þar sem ekkert hefur gerst í mörg
ár. Liðið komst upp fyrir fjórum
árum og náði sínum besta árangri
á síðasta tímabili. En með þess-
um góða árangri í haust hefur allt
verið að springa út í bæði umfjöll-
un fjölmiðla og áhuga almenn-
ings í borginni. Ég tel að það séu
miklir möguleikar á þessum vett-
vangi fyrir liðið. Ég vona bara að
fjárhagslegur styrkur muni auk-
ast með velgengninni, sem muni
færa okkur nær stóru liðunum,“
segir Dagur, en unglingastarfið í
félaginu er öflugt.
„Við urðum Þýskalandsmeist-
arar í þriðja flokki á síðasta ári
og erum nú með mjög öflugt lið í
öðrum flokki. Við erum svo með
B-lið sem spilar í B-deildinni.
Vonandi getum við haldið áfram á
þessari braut og við getum farið að
nota okkar eigin handboltamenn.“
Liðið mun þó alltaf þurfa að
kaupa sterka leikmenn og þar er
hlutverk Dags mikilvægt. „Maður
þarf að taka léttan Redknapp á
þetta og finna góðu bitana,“ segir
hann í léttum dúr og á þar við
Harry Redknapp, stjóra Totten-
ham í ensku úrvalsdeildinni sem
oft hefur verið þekktur fyrir góð
kaup á leikmannamarkaðnum.
Komst ekki fram úr rúminu
Einn af þeim leikmönnum sem
Dagur hefur keypt og hafa gert
frábæra hluti með Füchse Berl-
in er landsliðsmaðurinn Alexand-
er Petersson. „Ég vissi vissulega
hvað ég var að fá með honum en
samt var viss áhætta fólgin í því.
Hann hafði ekki spilað mikið með
Flensburg í heilt tímabil og oftast
spilað sem hornamaður í íslenska
landsliðinu. Það var því ekki hægt
að búast við því að hann myndi
standa sig jafn vel í skyttunni og
hann hefur gert með okkur. Alex-
ander gefur sig allan í hvern ein-
asta leik og við erum með nokkra
þannig leikmenn í liðinu í dag.
Við erum með afar góða liðsheild,
sem er einn af okkar stærstu
kostum.“
En Dagur segir að mikið sé á þá
lagt. „Alexander spilaði um dag-
inn fimm leiki á tíu dögum. Það
var um það leyti sem hann spilaði
með landsliðinu í Svíþjóð. Hann
fékk einn frídag og eyddi honum
á flugvellinum í Kaupmannahöfn.
Ég fékk símtal nú rétt áðan þar
sem Alexander var á hinum end-
anum og sagðist ekki komast fram
úr rúminu vegna bakverkja,“ segir
Dagur en útilokar þó ekki að Alex-
ander muni spila með liðinu þegar
það mætir Wetzlar á morgun. „Það
má segja svipaða sögu af fleiri
leikmönnum. Það hefur mikið
gengið á hjá okkur.“
Hefur verið að í tvö ár
Dagur var í rúm tvö ár landsliðs-
þjálfari Austurríkis og hann er
nú á sínu öðru tímabili hjá Füch-
se Berlin í Þýskalandi. Það hefur
líka verið mikið á hann lagt.
„Þetta hefur verið frábært ár
og toppar allt sem ég hef gert á
mínum stutta þjálfaraferli,” segir
Dagur, sem var einnig spilandi
þjálfari A1 Bregenz í Austurríki
í fjögur ár, frá 2003 til 2007. „Ég
var líka það heppinn að eiga góð
ár sem leikmaður en það var bara
allt öðruvísi og erfitt að bera það
saman við hitt,“ segir Dagur, sem
bíður spenntur eftir því að deildin
í Þýskalandi fari í frí vegna HM í
Svíþjóð sem fer fram í janúar. „Ég
er búinn að vera að linnulaust í tvö
ár. Ég er því orðinn nokkuð spennt-
ur fyrir fríinu.“ eirikur@frettabladid.is
BÁÐAR HENDUR UPPI Dagur Sigurðsson fagnar á hliðarlínunni í einum leikja Füchse Berlin í þýsku úrvalsdeildinni í haust.
NORDIC PHOTOS/GETTY
Dagur Sigurðsson naut þess að
þjálfa austurríska landsliðið sem
náði glæsilegum árangri á EM.
Austurríki var þá að taka þátt í sínu
fyrsta stórmóti til fjölda ára og var
ekki búist við miklu af því fyrir fram.
En það endaði í níunda sæti, einu
ofar en stóri bróðir í Þýskalandi.
„Þetta var ævintýri,“ segir Dagur.
„Þeir voru með skituna í buxunum
þegar ég tók við þeim og voru mjög
hræddir um að liðið myndi ekki
standa sig á EM á heimavelli. Það var gaman að hjálpa þeim á lappir og
koma þeim svo líka á HM,“ bætir hann við en síðasta verkefni Dags var að
tryggja Austurríki farseðililnn á HM í Svíþjóð í janúar. Þangað ætlar Dagur að
fara sem áhorfandi en styðja Ísland.
„Ég sagði þeim að um leið og ég væri búinn að sleppa af þeim hendinni
myndi ég halda með Íslandi. Þessi lið verða saman í riðli og reyndar einnig
Japan líka,“ segir hann en Dagur lék í Japan um árabil á sínum tíma. „Gamli
þjálfarinn minn þar er nú landsliðsþjálfari Japana og ég hlakka mikið til að
kíkja á þessa leiki og hitta gamla vini – án þess að vera í stressinu.“
Held núna aftur með Íslandi
„Það er nokkuð skrýtið að hoppa
í þennan bransa og vera alveg
gegnsýrður af handbolta. Ég vil
því gjarnan hafa eitthvað annað
að hugsa um líka,“ segir Dagur
Sigurðsson, sem nú vinnur að því
a opna farfuglaheimili með Pétri
Marteinssyni, fyrrverandi knatt-
spyrnumanni.
„Við erum reyndar gamlir félagar
úr 16 ára landsliðinu í fótbolta og
svo vorum við saman í Versló,“
útskýrir Dagur. „Það er allt á fullu
núna og við stefnum á að opna í
apríl.“
Dagur gerir reyndar lítið af
handavinnunni sjálfur enda ekki
á staðnum til þess. „Nei, enda er
hann Pétur búinn að vera í táfýlu-
sportinu svo lengi að hann kann
auðvitað ekkert að lyfta hamri.
Þetta máttu endilega hafa eftir
mér,“ sagði hann og hló.
Opnar farfugla-
heimili í Skúlagötu
Besta árið á mínum stutta þjálfaraferli
Árið 2010 hefur verið ótrúlegt hjá Degi Sigurðssyni handboltaþjálfara. Hann gerði frábæra hluti með landslið Austurríkis á EM í janúar
og lið hans í þýsku úrvalsdeildinni, Füchse Berlin, er nú í öðru sæti deildarinnar fyrir ofan lið á borð við Kiel og Rhein-Neckar Löwen.
Þar að auki sló liðið topplið Hamburg úr leik í þýsku bikarkeppninni á dögunum. Dagur fór yfir árið í samtali við Fréttablaðið.
ungbarna húfa og vettlingar barna húfa, trefill og vettlingar
Verð: 7.800 kr.
Stærðir: 62- 86
Verð: 2.900 kr./ stk.
Stærðir: 1- 2
Verð: 3.800 kr./ stk.
Stærðir: 1- 2 - 3
KJÓI KJÓI IÐUNN
ungbarna peysa
Hlý og notaleg hneppt peysa fyrir þau yngstu úr
sérstaklega fíngerðri 100% Merino ull. Kláðafrí ull.
Hlýir og mjúkir aukahlutir fyrir ungabörn úr sérlega
fíngerðri 100% Merino ull. Kláðafrí ull.
Hlýir og mjúkir aukahlutir fyrir börn úr sérlega
fíngerðri 100% Merino ull. Kláðafrí ull.
100%
Extrafi ne
Merino ull
100%
Extrafi ne
Merino ull
100%
Extrafi ne
Merino ull