Fréttablaðið - 20.12.2010, Blaðsíða 64

48 20. desember 2010 MÁNUDAGUR
3 2fyrir
af öllum
nærfötum
frá PUMA
Þú kaupir tvær pakkningar
og færð þá þriðju frítt
Ódýrasta pakkningin fylgir frítt
FÓTBOLTI Gylfi Þór Sigurðsson skor-
aði sitt sjötta mark í þýsku úrvals-
deildinni á laugardaginn þegar lið
hans, Hoffenheim, gerði 2-2 jafn-
tefli við Wolfsburg á útivelli.
Hoffenheim komst 2-0 yfir strax
í fyrri hálfleik og skoraði Gylfi
síðara markið með skoti af stuttu
færi. En þetta var fjórða jafntefli
Hoffenheim í röð og ekki í fyrsta
sinn sem liðið missir niður for-
ystu.
„Þetta er skelfilegt. Í síðustu
leikjum höfum við verið að missa
leiki í jafntefli og það er orðið frek-
ar þreytt,“ sagði Gylfi í samtali við
Fréttablaðið.
„Í síðasta leik [gegn Nürnberg,
innsk. blm.] spiluðum við vel en
þeir jöfnuðu fjórum mínútum fyrir
leikslok. Í þessum leik vorum við
tveimur mörkum yfir en klúðruð-
um honum á síðasta korterinu. Ég
veit ekki hvort megi skrifa þetta á
reynsluleysi hjá okkur en þetta er
hlutur sem við þurfum að laga.“
Þýska úrvalsdeildin er nú komin
í vetrarfrí og hefst ekki aftur fyrr
en um miðjan janúar. Hoffenheim
er í áttunda sæti deildarinnar með
25 stig en liðið byrjaði mjög vel í
haust en hefur síðan gefið eftir.
Gylfi er á sínu fyrsta tíma-
bili hjá liðinu eftir að hann var
keyptur þangað fyrir 6,5 milljónir
punda í sumar. Hann hefur sleg-
ið í gegn – skorað sex mörk þrátt
fyrir að hafa verið í byrjunar liðinu
í aðeins fjórum deildarleikjum.
Hann hefur alls komið við sögu í
þrettán af sautján leikjum Hoffen-
heim í haust en oftast sem vara-
maður.
„Ég er ánægður með leikinn hjá
mér og spilaði nokkuð vel. Ég hefði
þó gjarnan viljað fá þrjú stig í dag
í staðinn fyrir markið,“ segir Gylfi,
sem var einnig í byrjunar liðinu
um síðustu helgi. Árangur hans
hefur vakið eftirtekt en miðað
við þann fjölda mínútna sem hann
hefur spilað skorar hann að meðal-
tali mark á 90 mínútna fresti. Það
telst afar gott, sérstaklega fyrir
miðjumann í einni sterkustu deild
heims.
„Ég spilaði fyrir aftan framherj-
ann í dag, sem sóknar tengiliður.
Ég gerði það líka um síðustu helgi
og þetta er mín staða. Ég er auð-
vitað ánægður með að þjálfarinn
skuli nota mig í henni,“ segir Gylfi,
sem átti aldrei von á því að hann
myndi labba beint í byrjunarliðið
þegar hann kom til Þýskalands í
haust.
„Liðinu gekk mjög vel í upphafi
tímabilsins og því kom það mér
svo sem ekki á óvart að ég hafi
ekki fengið fleiri tækifæri. Auk
þess vill þjálfarinn að við spilum
á ákveðinn hátt og að við pressum
til að mynda mikið á andstæðing-
inn. Það hefur tekið sinn tíma að
venjast því,“ segir Gylfi.
„En það var vissulega erfitt að
fara frá Reading þar sem ég spil-
aði alla leiki og að vera svo hent á
bekkinn hér. Sérstaklega þar sem
mér virtist ganga ágætlega. Ég
skoraði kannski en var svo aftur
kominn á bekkinn í næsta leik. En
ég vona að þetta sé allt á réttri leið
og ég held að ég fái enn meira að
spila eftir jól.“
Gylfi segir að sér gengi vel að
aðlagast aðstæðum í Þýskalandi.
„Ég hef verið hér í þrjá mánuði og
hef æft mjög vel – bætt hraðann
og styrkinn. Ég held að þetta verði
orðið enn betra eftir nokkra mán-
uði,“ segir hann.
„Ég vissi að þetta myndi taka
sinn tíma. Þetta er miklu sterkara
lið en Reading en það er jákvætt
að fá mikla samkeppni um stöðu
í byrjunarliðinu. En þetta er allt
að koma, ég er byrjaður að tala
meiri þýsku við félagana og þeir
eru farnir að kynnast mér betur.
Ég held að það sé jákvætt.“
Gylfi hefur verið orðaður við
nokkur stórlið í Evrópu í fjölmiðl-
um í haust, til að mynda Manchest-
er United. „Jú, það er auðvitað
gaman að því en ég er lítið að spá í
það. Ég er að spila í einni sterkustu
deild heims og hér eru útsendarar
annarra liða á öllum leikjum. Það
gerist ekkert nema að það sé tilboð
á borðinu og ef maður væri mikið
að velta sér upp úr sögusögnum
yrði maður fljótt klikkaður.“
Hann er því ánægður hjá Hoffen-
heim – eins og er. „Þetta var mjög
erfitt fyrir 2-3 vikum þegar ég
fékk lítið að spila og ég veit ekki
hvort ég hefði svarað þessari
spurningu játandi þá. En innst inni
veit ég að það er verið að koma
mér inn í málin hægt og rólega og
því er ég nokkuð sáttur. Ég er líka
ánægður með að fá jólafrí í fyrsta
sinn í 5-6 ár og hlakka mikið til að
koma heim í snjóleysið á Íslandi.“
eirikur@frettabladid.is
Fæ meira að spila eftir vetrarfríið
Gylfi Þór Sigurðsson hefur átt frábæru gengi að fagna í þýsku úrvalsdeildinni í haust og skoraði um helg-
ina sitt sjötta mark á tímabilinu – þrátt fyrir að hafa verið í byrjunarliði Hoffenheim í aðeins fjórða sinn.
ÓGNANDI Gylfi er hér í strangri gæslu þeirra Alexander Madlung og Makoto Hasebe, leikmanna Wolfsburg, í leiknum um helgina.
Gylfi náði þó að skora eitt mark í leiknum. NORDIC PHOTOS/BONGARTS
Það var vissulega
erfitt að fara frá
Reading þar sem ég spilaði
alla leiki og að vera svo hent
á bekkinn hér.
GYLFI ÞÓR SIGURÐSSON
LEIKMAÐUR HOFFENHEIM
Enska úrvalsdeildin
Sunderland - Bolton 1-0
1-0 Danny Welbeck (32.).
Blackburn - West Ham 1-1
1-0 Ryan Nelsen (51.), 1-1 Junior Stanislas (78.).
Enska B-deildin
Leeds - QPR 2-0
Heiðar Helguson lék sem varamaður hjá QPR.
Coventry - Norwich 1-2
Aron Einar Gunnarsson var í byrjunarliði Coventry
en fékk að líta beint rautt spjald á 35. mínútu.
Derby - Reading 1-2
Brynjar Björn Gunnarsson og Ívar Ingimarsson
voru ekki í liði Reading.
Hull City - Bristol City 2-0
Ipswich - Leicester 3-0
Nottingham Forest - Crystal Palace 3-0
Sheffield United - Swansea 1-0
Þýska úrvalsdeildin
Wolfsburg - Hoffenheim 2-2
Gylfi Þór Sigurðsson lék allan leikinn með Hoff-
enheim og skoraði síðara mark liðsins.
Frankfurt - Dortmund 1-0
Bremen - Kaiserslautern 1-2
Nürnberg - Hannover 3-1
Schalke - Köln 3-0
St. Pauli - Mainz 2-4
Leverkusen - Freiburg 2-2
Stuttgart - Bayern 3-5
Spænska úrvalsdeildin
Villarreal - Mallorca 3-1
Deportivo - Sporting 1-1
Levante - Athletic 1-2
Espanyol - Barcelona 1-5
Real Sociedad 1-2
Osasuna - Zaragoza 0-0
Almeria - Getafe 2-3
Malata - Atletico 0-3
Real Madrid - Sevilla 1-0
Þýska úrvalsdeildin
Hannover-Burgdorf - Lübbecke 29-26
Ásgeir Örn Hallgrímsson 5, Vignir Svavarsson 3,
Hannes Jón Jónsson 2 – Þórir Ólafsson 0. Aron
Kristjánsson er þjálfari Hannover-Burgdorf.
Magdeburg - Rheinland 34-24
Sigurbergur Sveinsson skoraði 1 mark fyrir Rheinl.
Balingen - Grosswallstadt 23-27
Sverre Andreas Jakobsson lék í vörn Grosswallst.
Friesenheim - Rhein-Neckar Löwen 26-30
Róbert Gunnarsson 3, Ólafur Stefánsson 2,
Guðjón Valur Sigurðsson 2 fyrir Löwen. Guð-
mundur Guðmundsson er þjálfari liðsins.
Ahlen-Hamm - Melsungen 33-33
Einar Hólmgeirsson skoraði 5 mörk fyrir Ahlen-H.
Kiel - Gummersbach 26-26
Aron Pálmarsson skoraði 1 mark fyrir Kiel. Alfreð
Gíslason er þjálfari liðsins.
Wetzlar - Füchse Berlin 19-28
Alexander Petersson skoraði x mörk fyrir Füchse.
Dagur Sigurðsson er þjálfari liðsins.
Lemgo - Hamburg 27-29
Göppingen - Flensburg 25-21
ÚRSLIT
FÓTBOLTI Þegar leik Racing og
Hercules lýkur í kvöld verður
spænska úrvalsdeildin komin
í jólafrí. Óhætt er að segja að
Barcelona og Real Madrid ljúki
árinu á jákvæðum nótum, þá sér-
staklega fyrrnefnda liðið.
Börsungar hafa haft fádæma
yfirburði í spænsku úrvalsdeild-
inni undanfarnar vikur. Um helg-
ina unnu þeir 5-1 sigur á grönnum
sínum í Espanyol en það var fyrsta
deildarmarkið sem Barcelona fékk
á sig í rúman mánuð. Á þessu tíma-
bili vann liðið alla fimm leiki sína
með markatölunni 26-1. Þar með er
talinn 5-0 sigur á Real Madrid í lok
nóvember.
Þetta er þó eini tapleikur Real á
tímabilinu til þessa en liðið hefur
unnið tíu af síðustu ellefu leikjum
sínum. Í gær lagði liðið Sevilla á
heimavelli, 1-0, þrátt fyrir að vera
manni færri lengi vel í síðari hálf-
leik. Angel di Maria skoraði sigur-
markið um stundarfjórðungi fyrir
leikslok. Liðið hefur þar að auki
ekki byrjað betur í deildinni í heil
nítján ár.
Maður ársins í Real Madrid er
þó án nokkurs vafa Cristiano Ron-
aldo. Hann gerði sér lítið fyrir og
skoraði 41 mark í öllum keppnum
á árinu 2010 (36 í deildinni, fjögur
í Meistaradeildinni og eitt í bik-
arnum).
Madrídingar eru þó sjálfsagt
ekki ánægðir með að vera tveim-
ur stigum á eftir Barcelona, sem
trónir á toppi deildarinnar um jólin
með 43 stig af 48 mögu legum.
- esá
Real Madrid og Barcelona komin í jólafrí:
Ótrúlegir Börsungar
DAVID VILLA Skoraði tvö gegn Espanyol um helgina. NORDIC PHOTOS/AFP