Fréttablaðið - 22.12.2010, Blaðsíða 32
32 22. desember 2010 MIÐVIKUDAGUR
Dómsmálaráðuneytið er fag-ráðuneyti sem alltaf hefur
haft talsverða sérstöðu vegna þess
að málefni lögreglu, ákæruvalds
og dómstóla heyra undir það. Því
hefur verið talið æskilegt að starfi
dómsmálaráðherra gegni maður
sem skilning og þekkingu hefur
á helstu málaflokkum sem undir
hann heyra. Ef því verður ekki við
komið er mjög mikilvægt að hinn
pólitíski aðstoðarmaður ráðherra
hafi þekkingu á þessum mála-
flokkum. Nú um stundir er hvor-
ugu að heilsa.
Fljótlega þegar þessir nýju pól-
itísku herrar tóku við dómsmála-
ráðuneytinu var boðað til sam-
ráðsfundar á vegum ráðuneytisins
um nauðgunarmál. Fulltrúum
lögreglu, ákæruvalds, dómstóla,
Hæstaréttar, Lögmannafélags-
ins og ýmissa baráttu- og þrýsti-
hópa fyrir fleiri sakfellingum
og þyngri refsingum í þessum
málaflokki var boðið til samráðs-
fundarins. Þegar formaður Lög-
mannafélagsins sá dagskrá fund-
arins treysti hann sér ekki til að
mæta enda var hún uppfull af
röngum og villandi staðhæfing-
um að hætti framangreindra bar-
áttu- og þrýstihópa.
Í kjölfar samráðsfundarins rit-
aði dómsmálaráðherra og aðstoðar-
maður hans makalausa grein sem
birtist í Fréttablaðinu 19. nóvem-
ber sl. Þar segir að árið 2009 hafi
233 nauðgunarmál komið á borð
Neyðarmóttöku og Stígamóta. Lög-
reglu hafi hins vegar aðeins borist
65 kærur, 42 þeirra farið áfram til
ríkissaksóknara, sem hafi ákært
í 14 og af þeim hafi verið sakfellt
í 8 málum. Í niðurlagi greinar-
innar segir síðan: „Ætlum við að
sætta okkur við 230 nauðganir á
ári á Íslandi? Svar okkar í dóms-
mála- og mannréttindaráðuneyt-
inu er nei.“
Hvað eiga ráðherrann og
aðstoðar maðurinn við? Er verið
að krefjast þess að ákært og sak-
fellt verði í fleiri málum þótt sönn-
un um brot sé ekki fyrir hendi og
þar með stuðlað að því að sak-
lausir menn sæti refsivist? Er það
framlag dóms- og mannréttinda-
ráðherrans og aðstoðar mannsins
til að treysta undirstöður réttar-
ríkisins? Greinin ber með sér að
slíkar hugmyndir séu uppi enda
hafa báðir bréf ritarar í sinni pól-
itísku baráttu talið að of miklar
sönnunarkröfur séu gerðar í þess-
um málaflokki. Hafa meðal ann-
ars komið fram fullyrðingar hjá
aðstoðarmanninum um að konum
sé ekki trúað í dómskerfinu,
ábyrgðinni sé varpað af geranda
yfir á þolanda og að réttarvörslu-
kerfið byggi ekki á andlegum
afleiðingum nauðgana og þurfi
því endurmenntunar við. Allt eru
þetta rangar fullyrðingar eins og
allir vita sem starfa við meðferð
þessara mála hjá lögreglu, ákæru-
valdi og dómstólum.
Grein ráðherrans og aðstoð-
armannsins gefur mjög villandi
mynd af stöðu nauðgunarmála
hér á landi. Af henni má ætla að
lögregla og ákæruvald hafi aðeins
tekið hluta af þeim til rannsókn-
ar og meðferðar vegna sinnu-
leysis eða að meðferð þessara
mála í dómskerfinu sé ábótavant.
Það eru ýmsar skýringar á því að
þessar 230 nauðgunartilkynning-
ar berast ekki allar til lögreglu.
Í fyrsta lagi eru sumar tilkynn-
ingar þar sem brotaþoli veit ekki
í raun hvað gerðist eða lýsingar
með þeim hætti að ekki er um brot
að ræða. Í öðru lagi er gerand-
inn óþekktur og engin lýsing til á
honum. Í þriðja lagi er ekki vilji til
að kæra, sem gerir lögreglu erfitt
um vik því sönnunarfærslan bygg-
ist á framburði þolandans. Þessar
skýringar eru ráðherranum og
aðstoðarmanninum kunnugar en
þeir láta vera að minnast á þær í
grein sinni. Tölfræðin er því ekki
marktæk en er engu að síður notuð
til að villa um fyrir lesandanum.
Ég held að ráðherrann og
aðstoðarmaðurinn ættu að spyrja
sig að því hvernig í ósköpunum
standi á því að tilkynntar eru 230
nauðganir, sem eru hlutfallslega
margfalt fleiri en í nágranna-
löndum okkar. Kann skýringin að
vera sú að Stígamót og sambæri-
leg samtök miði við rýmri skil-
greiningar á nauðgunar hugtakinu
í tilkynningum sínum? Eða getur
verið að allir þessir pólitísku bar-
áttu- og þrýstihópar hafi hag af
því að blása vandann upp í því
skyni að ná pólitískri vígstöðu og
fjármagni frá hinu opinbera og
einkaaðilum?
AF NETINU
Ögmundur: Mogginn skapar illindi
Flokksfélagi minn – starfandi þingflokksformaður í fjarveru
Guðfríðar Lilju Grétarsdóttur, sem er í fæðingarorlofi – segist
vart trúa Morgunblaðsfrétt um að hjásetumenn hafi átt
spjallfund með tveimur ráðherrum, Jóni Bjarnasyni og
Ögmundi Jónassyni ásamt þingflokksformanni í fæðingar-
orlofi. Honum er alveg óhætt að trúa fréttinni – enda var ég
búinn að staðfesta spjallið í viðtali við fréttamiðil. [...]
Eitt er þarna ofsagt, að ég hafi fyrst frétt af hjásetunni við atkvæðagreiðsl-
una, það var ég búinn að gera áður. Ekki útiloka ég að ég kunni að þessu
leyti að hafa verið óljós eða misvísandi við fréttamann. En rétt er haft eftir
mér í beinni tilvitnun að á þessum fundi hafði engin ákvörðun verið tekin
af hálfu viðkomandi einstaklinga. Þá vil ég nefna að ráðgerðir um að fella
ríkisstjórnina voru engar uppi nema síður væri þótt eftirá langi marga til að
gera því skóna.
Hitt má Árni Þór Sigurðsson vita að á forsíðu Morgunblaðsins birtist
„fréttin” undir stríðsfyrirsögn, ekki vegna þess að hún væri merkileg heldur
til þess eins að gera þessar samræður tortryggilegar og skapa illindi. Nú
vill svo til að ég talaði við marga fleiri í aðdraganda afgreiðslu fjárlagafrum-
varpsins og þar á meðal formann flokksins, Steingrím J. Sigfússon – og
fleiri. Og það hafa aðrir án efa gert líka.
ogmundur.is Ögmundur Jónasson
Björn Bjarnason: Jóhanna lítt fær forsætisráðherra
Ég tel Jóhönnu lítt færa um að gegna embætti forsætisráð-
herra. Skapgerð hennar eða skapbrestir birtust strax á fyrstu
forsætisráðherradögum hennar, þegar hún beitti Davíð
Oddsson og aðra bankastjóra Seðlabanka Íslands ótrúlegu
ofríki fyrir utan að sýna þeim dónaskap. Þvermóðska hennar
birtist auk þess vel á vorþinginu 2009 þegar hún skildi ekki
fyrr en í fulla hnefana að hún næði ekki frumvarpi sínu um breytingu á
stjórnarskránni í gegn vegna andstöðu okkar sjálfstæðismanna.
Það ber vott um skammsýni ef ekki beinlínis skemmdarfýsn hvernig
unnið hefur verið að því undanfarna mánuði að umbylta stjórnarráði
Íslands. Nýleg skýrsla nefndar á vegum Jóhönnu um frekari breytingar á
stjórnarráðinu og starfsháttum ríkisstjórnar gengur til sömu átta.
Bjorn.is Björn Bjarnason
Ég held að ráðherrann og aðstoðar-
maðurinn ættu að spyrja sig að því
hvernig í ósköpunum standi á því að
tilkynntar eru 230 nauðganir, sem eru hlutfallslega
margfalt fleiri en í nágrannalöndum okkar.
„Margur heldur mig sig“ –
skrif Þorsteins Pálssonar
Þorsteinn Pálsson fjallar um nýjustu atburði á Alþingi
af kögunarhóli sínum þann 18.
desember 2010 í Fréttablaðinu.
Þar veltir hann, meðal annars,
fyrir sér hversu veik stjórnin
sé orðin eftir að þrír þingmenn
VG sátu hjá við atkvæðagreiðslu
um fjárlagafrumvarpið. Og í
framhaldinu að forystumenn
ríkisstjórnarinnar hafi aldrei
úti lokað „að taka Framsóknar-
flokkinn upp í“. Taka flokkinn
með í ríkis stjórn. Þorsteinn
heldur því fram að framsókn-
armenn verði tilbúnir að sam-
þykkja Icesave umhugsunar-
laust ef ráðherrastólar eru í
boði.
Hvers konar skrif eru þetta af
hálfu Þorsteins? Að gera fram-
sóknarmönnum það upp að þeir
séu tilbúnir að selja sálu sína
fyrir stóla er forkastanlegt og
í raun argasti dónaskapur af
Þorsteins hálfu. Það getur vel
verið að Þorsteinn hafi ástund-
að slík vinnubrögð þegar hann
var í stjórnmálum og raunar
líklegt, ef miðað er við þessi
skrif hans.
Framsóknarflokkurinn er
sá flokkur sem harðast hefur
barist á móti þeim afarkost-
um sem ríkisstjórn Samfylk-
ingar og Vinstri grænna hefur
boðið íslenskri þjóð í tvígang,
með fyrri Icesave-samningum.
Formaður Framsóknarflokks-
ins, Sigmundur Davíð Gunn-
laugsson, hefur ásamt öðrum
ítrekað bent á að engin lagaleg
skylda er fyrir þeim greiðslum
sem Bretar og Hollendingar
fara fram á.
Hitt er svo annað mál hvort
það þjónar heildarhagsmunum
þjóðarinnar að samþykkja nýj-
asta Icesave-samkomulagið.
Ýmis rök mæla með því. Samn-
ingurinn er umtalsvert betri en
síðasti samningur, sem þjóðin
hafnaði á eftirminnilegan hátt.
Þessi samningur er unninn af
fagmennsku og alls ólíkur fyrri
samningum sem báru vott um
undirlægjuhátt, sérstaklega
Samfylkingarinnar, gagnvart
Evrópusambandsríkjunum Bret-
landi og Hollandi. Kratarnir
innan Samfylkingarinnar vildu,
og vilja, allt til vinna til þess að
ná samningum svo þeir gætu
sem fyrst komist undir handar-
jaðar Evrópusambandsins. Allt
var til vinnandi, jafnvel að setja
á þjóðina alvarlegan skuldaklafa
til framtíðar.
Ég treysti þingmönnum Fram-
sóknarflokksins vel til þess að
fara ítarlega yfir þann Icesave-
samning sem nú liggur fyrir og
greiða síðan atkvæði um hann
eftir málefnalega umræðu. Sú
aðdróttun af hálfu Þorsteins
Pálssonar að forysta og þing-
menn flokksins séu tilbúnir að
samþykkja samninginn fyrir
ráðherrastóla er ámælisverð og
honum til álitshnekkis.
En stundum kemur það fyrir
að menn falla í þá gryfju að
halda að aðrir hugsi eins og þeir,
samanber máltækið „margur
heldur mig sig“.
Stjórnmál
Kristinn Dagur
Gissurarson
atvinnuleitandi og
viðskiptafræðinemi
við HR
Hvers konar skrif
eru þetta af hálfu
Þorsteins?
Ráðherrann og aðstoðarmaðurinn
Dómsmál
Brynjar Níelsson
hæstaréttarlögmaður
VA LHÖL L BÁSAR
Mjúk kláðafrí ullarnærföt úr 100% Merino ull.
100% Merino ull sem heldur vel hita á
líkamanum og dregur raka frá húðinni.
fyrir börn fyrir fullorðna
Verð bolur: 5.900 kr.
Verð buxur: 4.700 kr.
Verð bolur: 10.800 kr.
Verð buxur: 9.500 kr.
SPÓI
Góð 100% Merino ullarnærföt sem halda
barninu þurru og hlýju.
fyrir ungbörn
Verð bolur: 3.800 kr.
Verð buxur: 3.500 kr.
Kláð
afrí
ull
Kláð
afrí
ull
Kláð
afrí
ull