Fréttablaðið - 22.12.2010, Blaðsíða 90

74 22. desember 2010 MIÐVIKUDAGUR
FÓTBOLTI Hólmfríður Magnúsdótt-
ir, nýkjörin knattspyrnukona árs-
ins í leikmannavali KSÍ, átti frá-
bært ár, hvort sem það var að fara
á kostum sem vinstri bakvörður
með silfurliði Philadelphia Ind-
ependence í bandarísku atvinnu-
mannadeildinni eða með því að
vera aðalstjarna íslenska kvenna-
landsliðsins á árinu 2010. Hólm-
fríður rauf líka á þessu ári fjög-
urra ára einokun Margrétar Láru
Viðarsdóttur og varð í fyrsta sinn
á ferlinum markahæsti leikmað-
ur stelpnanna okkar.
Hólmfríður hefur verið
annar markahæsti leik-
maður kvennalands-
liðsins undanfarin þrjú
ár en á þessu ári tók hún
markadrottningartitilinn
af Margréti Láru sem hafði verið
markahæsti leikmaður liðsins
allar götur frá árinu 2006.
Margrét Lára hafði skor-
að fimm (2007) og tíu mörk-
um (2008) meira en Hólmfríður
fyrstu tvö árin en það munaði
aðeins tveimur mörkum á þeim
stöllum í fyrra. Margrét Lára var
þá með átta mörk en Hólmfríður
skoraði sex mörk. Hólmfríður
hefur því verið að sækja á Mar-
gréti Láru og tókst nú að komast
upp fyrir hana.
Þetta er enn fremur aðeins í
annað skiptið á síðustu átta árum
þar sem Margrét Lára skorar
ekki flest mörk fyrir kvenna-
landsliðið á einu ári því hún varð
einnig markahæsti leikmaður
liðsins árin 2003 og 2004.
Hólmfríður skoraði mörkin sín
sjö í fimm leikjum, þar af kom
hún Íslandi í 1-0 í fjórum þeirra
og skoraði síðan tvennu í tveimur
leikjanna. Tvö af fjórum mörkum
Margrétar Láru komu í 5-0 sigri
á Eistlandi í lokaleik liðsins í und-
ankeppni EM en Hólmfríður tók
út leikbann í þeim leik.
Fyrsta mark Hólmfríðar á
árinu kom í 1-5 tapi á móti Svíum
í Algarve-bikarnum. Hólmfríð-
ur kom þá Íslandi í 1-0 á 17. mín-
útu leiksins eftir að hafa fengið
stungusendingu inn fyrir vörn-
ina frá Berglindi Björgu Þor-
valdsdóttur.
Hólmfríður minnkaði muninn
í 2-3 í tapi á móti Noregi í næsta
leik liðsins í Algarve-bikarnum
en hún skoraði þá beint úr horn-
spyrnu á 76. mínútu leiksins.
Hólmfríður skoraði síðan
fyrsta markið í 3-0 sigri á Portú-
gal í lokaleik liðsins í Algarve-
bikarnum. Hólmfríður skoraði
markið á 49. mínútu eftir að hafa
fengið langa sendingu markvarð-
arins Þóru Bjargar Helgadóttur
inn fyrir vörnina.
Hólmfríður skoraði síðan tvö
mörk í 2-0 sigri í Serbíu í fyrsta
leik ársins í undankeppni HM.
Bæði mörkin hennar komu þá í
seinni hálfeik, það fyrsta á 52.
mínútu eftir fyrirgjöf frá Sif
Atladóttur og það seinna á 84.
mínútu eftir góða samvinnu við
Rakel Hönnudóttur.
Hólmfríður skoraði að lokum
tvö mörk í 3-0 sigri á Króatíu
á Laugardalsvellinum og kom
þá Íslandi í 2-0 í fyrri hálfleik.
Fyrra markið skoraði hún á
20. mínútu eftir sendingu Söru
Bjarkar Gunnarsdóttur inn fyrir
vörnina og það seinna skoraði
hún þremur mínútum fyrir hálf-
eik eftir langa sendingu Sifjar
Atladóttur inn fyrir vörnina.
Margrét Lára skoraði 4 mörk
í sínum 8 leikjum á þessu ári og
er áfram með yfirburðaforystu á
listanum yfir markahæstu leik-
menn kvennalandsliðsins frá
upphafi. Margrét Lára hefur
skorað 55 mörk í sínum 68 lands-
leikjum eða 32 mörkum meira
en Ásthildur Helgadóttir sem
er í öðru sæti. Hólmfríður er nú
komin upp í 3. sætið á listanum
og vantar nú aðeins eitt mark
til að jafna Ásthildi Helgadótt-
ur sem átti markametið á undan
Margréti Láru.
ooj@frettabladid.is
Markadrottningar 2003-10
2010
Hólmfríður Magnúsdóttir 9/7 mörk
Margrét Lára Viðarsdóttir 8 leikir/4
Sara Björk Gunnarsdóttir 10/3
Katrín Jónsdóttir 10/3
2009
Margrét Lára Viðarsdóttir 14/8
Hólmfríður Magnúsdóttir 14/6
Sara Björk Gunnarsdóttir 11/3
Katrín Jónsdóttir 14/3
2008
Margrét Lára Viðarsdóttir 11/14
Hólmfríður Magnúsdóttir 8/4
Sara Björk Gunnarsdóttir 12/3
Katrín Jónsdóttir 12/3
Katrín Ómarsdóttir 10/3
2007
Margrét Lára Viðarsdóttir 9/8
Hólmfríður Magnúsdóttir 7/3
Dóra María Lárusdóttir 9/2
Greta Mjöll Samúelsdóttir 7/2
Katrín Jónsdóttir 9/2
2006
Margrét Lára Viðarsdóttir 8/8
Katrín Jónsdóttir 6/3
Ásthildur Helgadóttir 5/2
2005
Dóra María Lárusdóttir 4/4
Margrét Lára Viðarsdóttir 4/2
Ásthildur Helgadóttir 4/1
2004
Margrét Lára Viðarsdóttir 9/6
Olga Færseth 9/3
2003
Margrét Lára Viðarsdóttir 5/5
Ásthildur Helgadóttir 6/3
Hrefna Huld Jóhannesdóttir 6/3
Fríða rauf einokun Margrétar Láru
Hólmfríður Magnúsdóttir varð markahæsti leikmaður kvennalandsliðsins á þessu ári. Hún skoraði 7 mörk
í 9 leikjum og endaði fjögurra ára einokun Margrétar Láru Viðarsdóttur í efsta sæti á markalista liðsins.
EITT AF SJÖ MÖRKUM Hólmfríður Magnúsdóttir skorar hér annað af tveimur mörkum
sínum í leiknum á móti Króatíu á Laugardalsvellinum. FRÉTTABLAÐIÐ/VALLI
VILDARÁSKRIFT AÐ STÖÐ 2 SPORT INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
LEYNIST H
M Í HAND
BOLTA
Í JÓLAPAK
KANUM Þ
ÍNUM?
Vinsælu gj
afakortin f
ást
hjá Stöð 2 í S
kaftahlíð o
g í Kringlu
nni