Fréttablaðið - 24.12.2010, Blaðsíða 2

2 24. desember 2010 FÖSTUDAGUR
VEÐUR Jólasnjórinn mun sennilega ekki staldra
lengi við þar sem veðurspá gerir ráð fyrir hlýnandi
veðri næstu daga.
Í dag og á morgun er gert ráð fyrir éljum víða
um land, en síðdegis á morgun má búast við tals-
verðri rigningu um landið sunnanvert.
Á annan í jólum verður svo rigning eða slydda
um allt land og áfram er spáð hlýju veðri í næstu
viku.
Samkvæmt upplýsingum frá Vegagerðinni er
færð á þjóðvegum ágæt þrátt fyrir að hálka eða
hálkublettir séu víða, sem og skafrenningur og
snjóþekja.
Öllum leiðum með sjö daga þjónustu verður sinnt
um hátíðarnar, en frekari upplýsingar um færð má
fá í upplýsingasíma Vegagerðarinnar 1777.
Innanlandsflug lítur vel út um hátíðarnar að
sögn Árna Guðmundssonar, framkvæmdastjóra
Flugfélags Íslands.
„Þetta lítur allt vel út hjá okkur. Þó að ekki sé
á vísan að róa með veður sýnist mér spáin vera
þokkaleg og við gerum ekki ráð fyrir að lenda í
vandræðum.“ - þj
Kertasníkir, fer ríkisstjórnin í
jólaköttinn?
„Já, ef hún nær ekki að smala
saman nokkrum villiköttum fer hún
auðvitað beina leið í jólaköttinn.“
Kertasníkir kom til byggða í nótt.
Ríkisstjórnin á ekki von á góðu ef hún
nær ekki að halda heraga á ódælum
liðsmönnum stjórnarmeirihlutans.
JÓLASTEMNING Ekki ætti að verða röskun á samgöngum um
helgina, og í næstu viku hverfur jólasnjórinn sennilega.
FRÉTTABLAÐIÐ/ANTON
Gott útlit með samgöngur á landi og í lofti um jólin:
Jólasnjórinn staldrar stutt við
SUÐUR-KÓREA, AP Gagnkvæmar hótan-
ir Suður- og Norður-Kóreu mögnuð-
ust jafnt og þétt í gær þegar suður-
kóreski herinn efndi til mikilla
heræfinga skammt frá landamær-
um Norður-Kóreu.
Heræfingarnar virðast til þess
ætlaðar að gera Norður-Kóreumenn
fráhverfa því, að gera árásir á Suður-
Kóreu á borð við þær sem þeir gerðu
í síðasta mánuði á eyjuna Yeongpy-
eong. Með æfingunum sýni suður-
kóreski herinn fram á getu sína.
Norður-Kóreumenn sögðust hins
vegar ekki ætla að láta bjóða sér
neina ögrun og hóta heilögu stríði,
jafnvel kjarnorkuárás, ef Suður-
Kórea lætur sér ekki segjast.
Suður-Kóreuher hefur fyrir sitt
leyti hótað grimmilegum hefndum ef
Norður-Kórea gerir alvöru úr hótun-
um sínum.
Flest benti til þess að hótanirnar
yrðu látnar duga og að hvorki Norð-
ur- né Suður-Kórea hefði áhuga á að
gera alvöru úr þeim.
Norður-Kórea er engu að síður
talin ráða yfir plútóni í nægilega
miklum mæli til að duga í að minnsta
kosti sex kjarnorkusprengjur. - gb
Norður-Kórea segist reiðubúin í kjarnorkustríð haldi heræfingar Suður-Kóreumanna áfram:
Hótanir magnast á báða bóga á Kóreuskaga
HERÆFINGAR Suður-Kóreuher sýnir Norður-Kóreu mátt sinn. FRÉTTABLAÐIÐ/AP
Fréttablaðið kemur næst út
mánudaginn 27. desember.
Fréttavakt verður á Vísi.is yfir
hátíðisdagana.
Þjónustuver 365 miðla verð-
ur opið frá 9 til 16 í dag, aðfanga-
dag. Á jóladag og annan í jólum
verður opið í þjónustuveri frá 10
til 22.
Auglýsingadeild Fréttablaðsins
verður lokuð fram til mánudags-
ins 29. desember.
Fréttablaðið um jólin:
Kemur næst út
á mánudag
FRÉTTASKÝRING
Hvaða úrræði eru í boði fyrir þá sem
glíma við andleg eða tilfinningaleg
vandamál um jólin?
Þrátt fyrir að jólin séu flestum
gleðitími eru engu að síður fjöl-
margir sem eiga um sárt að binda
og upplifa mikla vanlíðan yfir
hátíðarnar.
Mörg úrræði bjóðast hins vegar
þeim sem vilja leita hjálpar eða
stuðnings, til dæmis leita marg-
ir til kirkjunnar eða Hjálparsíma
Rauða krossins, 1717, sem rekinn
er í samstarfi við Landlækni,
geðsvið Landspítalans og Neyð-
arlínuna. Þar eru sjálfboðaliðar
til reiðu allan sólarhringinn til að
hlusta og leiðbeina fólki varðandi
frekari úrræði.
Karen H. Theodórsdóttir, verk-
efnisstjóri Hjálparsímans, segir í
samtali við Fréttablaðið að mikið
annríki hafi verið hjá þeim í allt
haust.
„Við finnum samt mestu aukn-
inguna á símtölum til okkar strax
eftir jól. Það er erfitt að ráða í
hvað það er nákvæmlega sem
veldur því en maður getur þó
ímyndað sér að þegar jólin skella
á eftir annríkið í undirbúningn-
um komi upp erfiðar tilfinningar
hjá mörgum.“
Karen segir að símtölin séu
af margvíslegum toga, en marg-
ir glími við þunglyndi og depurð
auk þess sem fjárhagsvandræði
hafi verið áberandi.
„Bara það að hlusta hefur oft
mikið að segja því í mörgum til-
fellum hefur fólk enga til að tala
við eða treystir sér ekki til að
tala við neinn sem það þekkir.
Því vill það jafnvel frekar tala
við ókunnuga. Það getur hjálpað
mjög mikið og er líka oft fyrsta
skrefið til að leita sér frekari
hjálpar.“
Þórhallur Heimisson, sóknar-
prestur í Hafnarfjarðarkirkju,
segir fólk sækja mikið til kirkj-
unnar, sérstaklega síðustu vik-
una fyrir jól. Ástæður eru marg-
víslegar þar sem leitað er eftir
matar- og peningaaðstoð auk þess
sem margir leita aðstoðar vegna
andlegrar vanlíðunar.
„Það er margt sem kemur upp
í huga fólks á þessum árstíma, til
dæmis gamlar sorgir, söknuður,
hjónaskilnaðir og fleira,“ segir
Þórhallur.
„Það er bæði hringt til að spyrja
og spjalla en svo er líka þónokk-
uð um að fólk komi í kirkjuna
þar sem það er ekkert endilega
að koma til að ræða við einhvern
heldur vill það kannski kveikja á
bænakerti og eiga rólega stund.“
Þórhallur bætir því við að kirkj-
an sé öllum opin og prestar svari í
síma allan sólarhringinn.
thorgils@frettabladid.is
Mörg úrræði gegn
vanlíðan um jólin
Margir glíma við mikla vanlíðan eða depurð um jólahátíðarnar. Fulltrúar kirkj-
unnar og Rauða krossins bjóða fólki upp á aðstoð og ráðgjöf varðandi frekari
úrræði. Fjárhagsvandræði auka á vanlíðan einstaklinga.
JÓLALJÓS Birtan sem stafar af jólaljósunum nær ekki að lýsa upp tilveruna hjá öllum.
FÓLK Aftansöng í Grafarvogs-
kirkju í kvöld verður sjónvarpað
á Stöð 2 og Vísi.is og útvarpað á
Bylgjunni, líkt
og undanfar-
in ár.
Útsendingin
verður órugluð
og hægt verð-
ur að fylgjast
með útsend-
ingu um allan
heim á Vísi.
is. Séra Vigfús
Þór Árnason
mun predika
og þjóna fyrir altari ásamt séra
Guðrúnu Karlsdóttur.
Kór Grafarvogskirkju syngur
undir stjórn Hákonar Leifssonar
og Egill Ólafsson mun flytja
lagið Ó helga nótt. - þeb
Beint frá Grafarvogskirkju:
Aftansöng sjón-
varpað á Stöð 2
UMFERÐ
Fimm óhöpp á tveim tímum
Fimm umferðaróhöpp urðu á tveimur
tímum á Hellisheiði í gær. Mikil hálka
myndaðist á heiðinni upp úr hádegi.
Ekki er vitað um alvarleg slys á fólki,
en einn var fluttur á sjúkrahús til
aðhlynningar.
STJÓRNSÝSLA Utanríkisráðherra
hefur ákveðið nokkrar breytingar
á utanríkisþjónustunni.
Stefán Haukur Jóhannesson,
sendiherra í Brussel og aðalsamn-
ingamaður
Íslands í aðild-
arviðræðunum
við Evrópusam-
bandið, flyst
heim og sinnir
eingöngu því
verkefni.
Þórir Ibsen,
sendiherra í
París, verð-
ur sendiherra
í Brussel og
Berglind Ásgeirsdóttir, sem verið
hefur í leyfi frá utanríkisþjónust-
unni, verður sendiherra í París.
Þá færast Anna Jóhannsdóttir
og Högni S. Kristjánsson úr emb-
ættum skrifstofustjóra í utanrík-
isþjónustunni í embætti sendi-
herra. - bþs
Breyting í utanríkisþjónustunni:
Stefán Haukur
sinnir bara ESB
STEFÁN HAUKUR
JÓHANNESSON
FÓLK „Sigurinn er ekki í höfn. Jóel
er enn þá vegabréfalaus,” segir
Einar Þór Færseth, í samtali við
Vísi í gær. Einar er fastur ásamt
konu sinni, Helgu Sveinsdóttur,
og nýfæddum syni á Indlandi. Þau
hjónin eignuðust drenginn Jóel
Færseth með aðstoð staðgöngu-
móður, en slíkt er ólöglegt hér á
landi.
Alþingi ákvað að veita Jóel
litla íslenskan ríkisborgararétt
á mánudag, en fjölskyldan hefur
enn ekki fengið vegabréfið í hend-
urnar. Þau munu því eyða fyrstu
jólum Jóels á Indlandi. - sv
Fær ekki vegabréf fyrir jól:
Fjölskylda Jóels
föst á Indlandi
JÓEL Er enn fastur á Indlandi með
fjölskyldu sinni.
NEYTENDUR Verslunin Ilva hefur
innkallað öll jólakerti af gerð-
inni CHRISTMAS, að því er
fram kemur í tilkynningu frá
versluninni. Það er
gert í samráði við
forvarnarsvið
slökkviliðsins þar
sem talið er að
kertin geti verið
hættuleg við
notkun.
Viðskiptavinir
eru beðnir um
að skila kertum
sem þeir kunna
að hafa keypt í
Ilvu á Korpu -
torgi og fá
kertin endur-
greidd.
- bj
Viðskiptavinir skili jólakertum:
Ilva innkallar
hættulegt kerti
SLYS Harður árekstur tveggja
bifreiða varð við gatnamót Vest-
urlandsvegar og Vestfjarðaveg-
ar við Bröttubrekku í gær. Fernt
slasaðist í árekstrinum og var
flutt á slysa- og bráðadeild Land-
spítalans til aðhlynningar.
Samkvæmt lögreglunni á Borg-
arnesi slasaðist fólkið töluvert,
en var ekki talið í lífshættu. Sá
sem slasaðist mest fékk opið
beinbrot. Smávægilegar umferð-
artafir urðu við Bröttubrekku
eftir að slysið varð. - sv
Harður árekstur í gærdag:
Fernt slasaðist
töluvert í slysi
VIGFÚS ÞÓR
ÁRNASON
SPURNING DAGSINS