Fréttablaðið - 28.12.2010, Blaðsíða 4

4 28. desember 2010 ÞRIÐJUDAGUR
JARÐVÁ Orð sem sprottið er upp
úr gosinu í Eyjafjallajökli í vor
hefur verið valið nýyrði ársins í
Noregi. Orðið er „askefast“ eða
„öskufastur“ og haft yfir þá sem
komast hvorki lönd né strönd
vegna loftmengunar af völdum
eldfjallaösku.
Í umfjöllun norsku fréttaveit-
unnar NTB eru áhrifin á tungu-
málið sögð til marks um hversu
gríðarlega víðtæk áhrif eldgos-
ið hafi haft. Haft er eftir Sig-
frid Tvitekkja, formanni norsku
málnefndarinnar, að öskuorðið
nýja hafi fjölda jákvæðra eigin-
leika. „Orðið er samsett úr tveim-
ur velþekktum norskum orðum.
Það er stutt, en segir jafnframt
mikið,“ segir Tvitekkja. Orðs-
ins hafi fyrst orðið vart á prenti,
mögulega í fleiri en einu blaði
samtímis. Þannig hafi 15. apríl
staðið í Nordlys að fjöldi þátttak-
enda frá Norður-Noregi á Evrópu-
þingi í Brussel væru „öskufastir“
í höfuðstað Evrópusambandsins.
Eftir fjóra daga af öskufréttum
í fréttamiðlum heims mátti finna
orðið á 22.600 stöðum með leitar-
vél Google.
NTB bendir á að eldgosið hafi
víðar haft sambærileg áhrif.
Þannig hafi bandaríska hljóm-
sveitin Bear in Heaven verið
öskuföst í Madríd á Spáni og til að
drepa tímann tekið fram mynd-
bandsupptökuvél og lagt á farang-
ursbelti flughafnarinnar. Þar hafi
orðið til dáleiðandi myndband
við lag sveitarinnar sem nefnist
„Dust Cloud“.
Eyjafjallajökuls er annars getið
í fjölda blaða og fréttamiðla um
heim allan í yfirferð þeirra á stór-
fréttum ársins sem er að líða.
Í fréttagetraun spyr breska rík-
isútvarpið BBC hvað nafn Eyja-
fjallajökuls þýði. Auk rétt svars
er boðið upp á valmöguleikana
„Turn kaldra elda“ og „Reið
norn“. Breska dagblaðið Telegr-
aph hefur valið Eyjafjallajökul
sem einn af helstu skúrkum árs-
ins 2010, en í þeirri umfjöllun er
líka að finna leikarann Mel Gibs-
on, Julian Assange hjá Wikileaks
og vuvuzela-lúðurinn.
Í Independent er að finna pistl-
ana „Augnablik sem skóku heim-
inn árið 2010“. Þar skrifar rithöf-
undurinn Fay Weldon um gosið og
kveðst eftir það heimsækja jarð-
skjálftavef Veðurstofu Íslands á
hverjum degi í leit að merkjum
um frekari jarðhræringar. Hún
hefur skrifað fjölda bóka, en hér
þekkja margir bók hennar „Ævi
og ástir kvendjöfuls“.
Fréttavefur DNA á Indlandi
telur gosið í Eyjafjallajökli upp
með öðrum stórviðburðum árs-
ins og myndir frá gosinu er að
finna í yfirliti allra helstu miðla
um fréttaljósmyndir ársins.
olikr@frettabladid.is
Verðlaunanýyrði
varð til í eldgosinu
Eyjafjallajökull og eldgosið sem í vor truflaði flug dögum saman er áberandi
í upprifjun frétta á helstu fréttamiðlum nú þegar nálgast áramót. BBC notar
nafn fjallsins í fréttagetraun og í Noregi er gosinu eignað nýyrði ársins 2010.
GOSIÐ Eyjafjallajökull er talinn upp með Mel Gibson, Julian Assange og vuvuzela-lúðrin-
um í upptalningu Telegraph í Bretlandi á helstu skúrkum líðandi árs. FRÉTTABLAÐIÐ/VILHELM
LANDEYJAHÖFN Tafir verða á að
dýpkunarskipið Scandia getið
tekið til við dýpkun Landeyja-
hafnar. Verkið átti að hefjast í
byrjun janúar næstkomandi en
það tefst fram í miðjan janúar.
Í tilkynningu frá Íslenska
gámafélaginu, eiganda Scandia,
segir að töfum á viðgerð og skoð-
un skipsins í Danmörku sé um að
kenna. Scandia henti hins vegar
vel til dýpkunar við aðstæður
eins og í Landeyjahöfn. Nýjustu
viðgerðir og endurbætur auki
enn frekar afkastagetu og nota-
gildi skipsins til þess að halda
Landeyjahöfn opinni. - pg
Dýpkun Landeyjahafnar:
Tafir á komu
dýpkunarskips
PÓSTUR Íslandspóstur mun læsa
póstkössum fram yfir áramót til
að koma í veg fyrir að kassarnir
verði skemmdir með flugeldum.
Í tilkynningu frá fyrirtækinu
segir að ítrekað hafi verið unnin
skemmdarverk á póstkössum sem
staðsettir eru utanhúss á þessum
árstíma. Þess vegna verði köss-
unum læst; hægt verði að koma
einu bréfi ofan í kassana í einu.
þeir sem vilja póstleggja þykkari
bréf þurfa því að fara á pósthús
eða finna póstkassa sem eru inn-
andyra. - pg
Skemmdarverk hindruð:
Póstkössunum
verður læst
PÓSTKASSAR Verða læstir fram yfir
áramót.
IÐNAÐUR Fyrirhuguð metanólverk-
smiðja við Kröflu gæti slegið álver
við Bakka endanlega út af borð-
inu, þar sem verksmiðjan, sem er
á vegum íslenska fyrirtækisins
Carbon Recycling, myndi þurfa
alla orku sem Kröfluvirkjun hefur
að bjóða. Þetta kom fram í fréttum
Stöðvar 2 í gær.
Landsvirkjun og Carbon Recycl-
ing hafa undirritað viljayfirlýsingu
um samstarf en síðarnefnda fyrir-
tækið er nú að reisa í Svartsengi
á Reykjanesi fyrstu verksmiðjuna
af þessari tegund. Þar verður met-
anól til eldsneytis unnið úr koltví-
sýringi frá borholum HS-Orku,
en verksmiðjan við Kröfluvirkj-
un á að verða 20 sinnum stærri og
krefst 50 MW.
Lengi hefur verið beðið eftir
orkufrekum iðnaði til að lífga við
atvinnulíf í Þingeyjarsýslum og
er talið að ef af verði, muni verk-
smiðjan fullbúin veita 25 manns
atvinnu. Forstjóri LV tók þó fram
að yfirlýsingin væri ekki skuld-
bindandi og viðræður stæðu enn
yfir við þá fjóra til fimm aðila
sem hafa sýnt orkunni áhuga. Þar
á meðal eru álrisinn Alcoa og kín-
verska stórfyrirtækið Bosai. - þj
Viljayfirlýsing Landsvirkjunar um metanólverksmiðju við Kröfluvirkjun:
Setur Bakkaálverið í uppnám
FRÁ KRÖFLUVIRKJUN Fyrirhuguð metan-
ólverksmiðja við Kröflu gæti skapað 25
störf, en um leið setur hún áætlanir um
álver við Bakka í uppnám.
LÖGREGLUMÁL Karlmaður ruddist
inn á heimili í Hrunamannahreppi
í óþökk húsráðanda í fyrrakvöld.
Lögreglu- og sjúkralið var sent á
vettvang.
Sá sem réðst inn í húsið hringdi
í lögreglu eftir atvikið og sagð-
ist hafa farið inn í húsið og sagð-
ist bíða eftir lögreglu. Hann var
fluttur á lögreglustöð þar sem
hann var yfirheyrður. Húsráðand-
inn gaf einnig skýrslu en honum
var mjög brugðið en var óslasað-
ur.
Lögreglan segir að rannsókn
málsins sé svo til lokið. Ástæða
húsbrotsins mun hafa verið ein-
hver pirringur árásarmannsins í
garð hins en þeir þekkjast. - jhh
Brot í Hrunamannahreppi:
Ruddist reiður
inn á heimili
LÖGREGLUMÁL Maður um tvítugt
skallaði mann í fyrrinótt. Atvik-
ið átti sér stað á bílastæði við
Eyrarveg á Selfossi en lögregla
fékk tilkynningu um að tveir
hópar ættu í útistöðum. Þegar
lögreglan mætti á vettvang, til
að róa mannskapinn, skallaði
einn mannanna annan með þeim
afleiðingum að framtönn losnaði.
Árásarmaðurinn var hand-
tekinn og á honum fannst falsað
greiðslukort. Hann gisti fanga-
geymslur og var yfirheyrður í
gær.
Tveir hópar deildu á Selfossi:
Skallaði mann
svo tönn losnaði
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
16°
2°
-9°
-3°
-2°
2°
-4°
-4°
22°
7°
15°
2°
14°
-10°
3°
12°
-5°Á MORGUN
3-8 m/s
víðast hvar.
FIMMTUDAGUR
Strekkingur NV-til,
annars hægari.
3
3
1
0
-2
0
-2
4
3
5
-6
5
10
9
7
3
4
2
7
3
2
4
4
1 -2
-5
-2 7
4
2
0
3
RÓLEGT Í dag og
næstu daga má
búast við rólegu
veðri. Vindur verður
hægur víðast hvar
og hitastigið rétt
neðan frostmarks
norðan og norð-
austan til en ann-
ars 1-5°C yfi r há-
daginn. Horfur fyrir
gamlársdag eru
ágætar, hægviðri
og víða þurrt en
það skýrist betur er
líður á vikuna.
Soffía
Sveinsdóttir
veður-
fréttamaður
SVEITARSTJÓRNARMÁL Stofnfundur
Byggðasamlags um málefni fatl-
aðs fólks var haldinn í fundar sal
Þróunarsetursins á Ísafirði á Þor-
láksmessu. Á fundinum var sam-
þykktur samningur um stofnun
samlagsins sem hafa mun yfir-
umsjón með málaflokknum þegar
hann færist frá ríki til sveitarfé-
laga um áramót.
Aðilar að Byggðasamlaginu eru;
Bolungarvíkurkaupstaður, Ísa-
fjarðarbær, Súðavíkurhreppur,
Strandabyggð, Kaldrananeshrepp-
ur, Árneshreppur, Reykhólahrepp-
ur, Vesturbyggð og Tálknafjarðar-
hreppur. - shá
Byggðasamlag stofnað:
Samvinna um
málefni fatlaðra
LANDEYJAHÖFN Verður lokuð fram í
miðjan janúar. Dýpkunarskipið kemst
ekki frá Danmörku.
GENGIÐ 27.12.2010
GJALDMIÐLAR KAUP SALA
HEIMILD: Seðlabanki Íslands
207,5969
GENGISVÍSITALA KRÓNUNNAR
116,07 116,63
179,11 179,99
152,69 153,55
20,486 20,606
19,475 19,589
17,024 17,124
1,4002 1,4084
177,83 178,89
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is
Mikið úrval af frábærum tilboðum - líttu við