Fréttablaðið - 28.12.2010, Blaðsíða 8
8 28. desember 2010 ÞRIÐJUDAGUR
Embættið
réðst í umfangsmikl-
ar aðgerðir í lok janúar, þegar
gerð var húsleit á tólf stöðum á
Íslandi og í Bretlandi samtímis,
meðal annars hjá Existu, Bakka-
vör, Lýsingu, lögmannsstofunni
Logos, endurskoðunarfyrirtækinu
Deloitte og í híbýlum Bakkavar-
arbræðranna Ágústs og Lýðs
Guðmundssonar.
Í málinu er grunur um ýmis
brot á hlutafélagalögum og auðgunarbrot, meðal annars skilasvik. Rannsóknin
beinist að sölu á 40 prósenta hlut í Bakkavör frá Existu til Bakkavararbræðra haustið
2008, 50 milljarða hlutafjáraukningu í Bakkavör í desember 2008, niðurfellingu
ábyrgða á lánum til starfsmanna fyrir hlutabréfakaupum í Existu og meintum und-
anskotum Sigurðar Valtýssonar, forstjóra Existu, á 160 milljónum til Tortóla.
Bakkavararbræður voru yfirheyrðir í heilan dag daginn eftir húsleitir. Þeir, auk
forstjóranna Sigurðar og Erlends Hjaltasonar, eru meðal sakborninga í málinu. Bræðurnir
stýra enn Bakkavör. Málið hefur ekki þokast mjög mikið á árinu, að sögn Ólafs Hauks-
sonar, enda bíður embættið eftir gögnum frá Lúxemborg.
BAKKAVARARBRÆÐUR
DAGLANGT Í YFIRHEYRSLU
Snemma í maí dró til tíðinda í rannsóknum sérstaks
saksóknara. Þá voru þrír fyrrverandi stjórnendur Kaup-
þings, Hreiðar Már Sigurðsson forstjóri, Magnús Guð-
mundsson, forstjóri í Lúxemborg, og Ingólfur Helgason,
forstjóri á Íslandi, allir hnepptir í gæsluvarðhald vegna
gríðarlega umfangsmikillar rannsóknar á málefnum
bankans, allsherjarmarkaðsmisnotkun, skjalafalsi og
fleiru. Aldrei fyrr hafði sakborningur í rannsókn emb-
ættisins verið úrskurðaður í varðhald. Þar að auki var
Steingrímur P. Kárason, fyrrverandi yfirmaður eignastýr-
ingar bankans, úrskurðaður í farbann. Því úrræði hafði
saksóknari einungis einu sinni beitt áður. Þeim var
sleppt frjálsum nokkrum dögum síðar.
Mál vönduðust þegar fyrrverandi æðstráðandi
bankans, stjórnarformaðurinn Sigurður Einarsson,
neitaði að verða við kalli saksóknara um að koma til
landsins í yfirheyrslu. Við því var brugðist með því að
gefa út alþjóðlega handtökuskipun, sem birtist meðal
annars á vef alþjóðalögreglunnar Interpol. Eftir nokkurra
mánaða þref féllst Sigurður loks á að koma til landsins í
yfirheyrslu síðla í ágúst. Hann var hvorki handtekinn né
úrskurðaður í farbann eða gæsluvarðhald.
KAUPÞINGSMENN Í VARÐHALD
Í október sendi Fjármálaeftirlitið til
sérstaks saksóknara kæru vegna ætl-
aðrar allsherjarmarkaðsmisnotkunar
Landsbankans fyrir hrun. Rannsóknin
beinist einkum að bankastjórunum
fyrrverandi, Sigurjóni Þ. Árnasyni og
Halldóri J. Kristjánssyni.
Grunur er um tug-
milljarða ólögmæt
viðskipti sem hafi
fyrst og fremst haft
þann tilgang að
halda uppi gengi
bréfa í bankanum.
Rannsókn málsins
er stutt á veg
komin.
LANDSBANKINN
NÆSTUR Í SIGTINU
Ólafur Þór Hauksson og samstarfs-
fólk hans hjá embætti sérstaks sak-
sóknara hefur haft í nógu að snú-
ast á árinu. Flestir aðalleikararnir
í viðskiptalífinu fyrir bankahrun
hafa verið kallaðir til yfirheyrslu
vegna meintra misgjörða og fyrstu
málin eru komin fyrir dóm.
Sérstakur saksóknari rannsakar nú tæp-
lega áttatíu mál, að sögn Ólafs. Því til við-
bótar hefur embættið fallið frá rannsókn á
um þrjátíu málum. Málin hafa streymt inn
á þessu ári. Um tveir þriðju hlutar þeirra
hefjast með kæru frá Fjármálaeftirlitinu,
en jafnframt er nokkuð um að mál berist frá
skiptastjórum þrotabúa, segir Ólafur.
„Síðan er slatti af kærum sem við vitum af
á leiðinni frá Fjármálaeftirlitinu og víðar,“
segir hann. Málin tengjast að einhverju leyti
innbyrðis og því er ekki útilokað að þeim
fækki við sameiningar áður en yfir lýkur.
Þrjú yfirheyrsluherbergi ekki nóg
Embættið flutti sig um set í ágúst af Lauga-
vegi niður á Skúlagötu. Ekki veitti af stærra
húsnæði, enda hefur starfsmönnum fjölgað
úr 24 í sextíu á árinu og til stendur að fjölga
þeim í áttatíu á fyrstu mánuðum nýs árs.
Í nýja húsnæðinu eru þrjú yfirheyrslu-
herbergi þar sem unnt er að taka upp yfir-
heyrslurnar með hljóði og mynd, en það
hefur ekki alltaf verið nóg.
„Þegar mest lét höfum við verið að nota
öll þrjú yfirheyrsluherbergin samtímis og
auk þess herbergi víðar í bænum, hjá Rík-
islögreglustjóra og lögreglunni á höfuðborg-
arsvæðinu,“ segir Ólafur.
Það bar einnig til tíðinda á árinu að Eva
Joly, sem verið hafði ráðgjafi saksóknara, lét
af störfum fyrir embættið til að einbeita sér
að forsetaframboði sínu í Frakklandi. Hún
kvaddi með þeim orðum að við mættum vera
stolt af áræðninni í rannsóknum hrunsmála.
Embætti sérstaks saksóknara væri nú jafn-
fjölmennt og franska efnahagsbrotalögregl-
an í París. stigur@frettabladid.is
Sérstakur á hælum útrásarvíkinganna
Yfirheyrsla yfir Steingrími Wernerssyni, öðrum bræðranna úr Milestone-samsteypunni, lak í
fjölmiðla í janúar. Sérstakur saksóknari hafði farið af stað með rannsókn á málefnum Milestone
og Sjóvár sumarið áður. Hún snýr einkum að meintri stórfelldri misnotkun á bótasjóði trygginga-
félagsins.
Í yfirheyrslunni yfir Steingrími vandar hann Karli Wernerssyni
bróður sínum ekki kveðjurnar, kallar hann siðblindan einræðisherra
sem hafi stýrt Milestone með harðri hendi og kúgað sig. Lögmaður
Steingríms og einn hans nánasti vinur sendi sérstökum saksóknara í
kjölfarið bréf þar sem hann efaðist um andlegt heilbrigði Stein-
gríms og sagði það rýra trúverðugleika vitnisburðarins.
Í yfirheyrslunni lýsti Steingrímur Þór Sigfússyni, sem þá
var forstjóri Sjóvár, sem nytsömum sakleysingja í ráða-
bruggi Karls og Guðmundar Ólasonar, forstjóra Mil-
e stone. Sú lýsing fær nokkra stoð í orðum Þórs sjálfs,
sem í viðtali við Stöð 2 sagðist hafa treyst fólkinu
í kringum sig, hann hefði ekki getað lesið alla
samninga sem hann skrifaði undir sökum lengdar
og kviði niðurstöðu sakamálarannsóknarinnar.
Að sögn Ólafs Haukssonar hefur rannsókn
málsins miðað áfram jafnt og þétt allt árið.
MILESTONE-BRÆÐUR BERJAST
FRÉTTASKÝRING: Sérstakur saksóknari rannsakar tæp 80 mál í tengslum við bankahrunið
GLITNIR UNDIR SMÁSJÁNNI
Um miðjan nóvember réðst embætti sérstaks saksóknara í einar allra viða-
mestu aðgerðir sínar frá upphafi vegna rannsókna á málum tengdum Glitni.
Á fyrsta degi aðgerðanna var leitað á tæplega tuttugu stöðum, meðal annars
á aðsetrum Jóns Ásgeirs Jóhannessonar, Lárusar Welding og Pálma Har-
aldssonar og skrifstofum Saga fjárfestingabanka. Tíu manns voru yfirheyrðir
strax og yfirheyrslurnar héldu áfram næstu daga, meðal annars yfir Jóni
Ásgeiri, Lárusi og Þorvaldi Lúðvík Sigurjónssyni, forstjóra Saga.
Til grundvallar húsleitunum lágu rann-
sóknir á fimm málum. Þeirra viðamest
er svokallað Stím-mál, sem snýst
um kaup félagsins Stíms, sem var
að þriðjungi í eigu Glitnis, á hluta-
bréfum í Glitni og FL Group, gegn
láni frá Glitni og FL Group. Einnig
eru til rannsóknar lán Glitnis til
Landic Properties, Baugs og 101
Capital til kaupa á danska
fasteignafélaginu Keops og
kaup Glitnis á bréfum í
Tryggingamiðstöðinni.
Í desember sögðu fjölmiðlar fréttir upp úr skýrslum um Glitni og Landsbankann,
sem sérstakur saksóknari lét tvö erlend sérfræðingateymi vinna fyrir sig. Skýrslurnar
sýndu fram á miklar brotalamir í eftirliti með starfsemi bankanna og voru ekki síst áfellis-
dómar yfir endurskoðunarfyrirtækinu PricewaterhouseCoopers, sem annaðist endurskoðun
beggja bankanna. Sérstakur saksóknari hefur haft málefni endurskoðenda til rannsóknar um
nokkurt skeið.
Von er á sambærilegri skýrslu um starfsemi Kaupþings og endurskoðunarfyrirtækið KPMG.
ENDURSKOÐENDUR TEKNIR TIL BÆNA
Sérstakur saksóknari gaf út sínar
fyrstu ákærur á þessu ári. Fyrstir
í röðinni voru þremenningarnir
kenndir við félagið Exeter, þeir
Jón Þorsteinn Jónsson, fyrrver-
andi stjórnarformaður Byrs, Ragn-
ar Z. Guðjónsson, fyrrverandi
sparisjóðsstjóri Byrs, og Styrmir Þór
Bragason, fyrrverandi forstjóri MP
banka.
Þeim var í júlí birt ákæra fyrir
umboðssvik og Styrmi að auki fyrir pen-
ingaþvætti. Þeim er gefið að sök að hafa bjargað sjálfum sér og öðrum völdum
hluthöfum í Byr frá tjóni með því að veita félaginu Exeter
Holding eins milljarðs lán án heimildar til að kaupa af þeim
stofnfjárbréf í Byr. Málið verður tekið til meðferðar á nýju ári.
Hin ákæran sem litið hefur dagsins ljós er á hendur Baldri
Guðlaugssyni, fyrrverandi ráðuneytisstjóra í fjármálaráðu-
neytinu. Hann er ákærður fyrir nýta sér innherjaupplýsingar til
að forða fjármunum sínum, sem voru bundnir í hlutabréfum í
Landsbankanum, frá því að brenna upp í hruninu. Hann seldi
bréfin hálfum mánuði fyrir hrun. Baldur hefur krafist þess að
málinu verði vísað frá og úrskurður um það liggur ekki fyrir.
BALDUR OG EXETER-MENN ÁKÆRÐIR
Ár slaufunnar
2011