Fréttablaðið - 28.12.2010, Blaðsíða 28

28. DESEMBER 2010 ÞRIÐJUDAGUR8 ● fréttablaðið ● fl ugeldar
● KEPPT UM BESTU
SÝNINGUNA Keppni í flug-
eldasýningum er haldin í þó-
nokkrum löndum. Virtasta flug-
eldakeppnin er Montréal-flugel-
dahátíðin sem er haldin árlega í
Montréal í Kanada.
Önnur stórkostleg keppni
kallast Le Festival d’Art Pyrot-
echnique og er haldin hvert
sumar í Côte d’Azur í Frakklandi.
„The World Pyro Olympics“ er
einnig árviss keppni framleið-
enda flugelda í heiminum. Hún
er haldin í Manila á Filippseyj-
um og er ein stærsta og lengsta
flugeldakeppni heims.
HORFI Á BRENNUNA ÚR
BÍLNUM
Sigrún Hjálmtýsdóttir, Diddú, fer
alltaf á brennu á gamlárskvöld,
nema hvað hún stígur aldrei út
úr bílnum. „Öll fjölskyldan mín er
að spila í lúðrasveitinni Brak og
brestir sem spilar hver áramót
við brennuna í Mosfellsdal,“ segir
Diddú. „Ég hins vegar horfi bara á
úr bílnum og hef það notalegt á
meðan aðrir blása.“
Á gamlárskvöld syngur Diddú
meðal annars nýárslög fyrir
látna ástvini í kirkjugarðinum og
endar svo heima með vinum og
vandamönnum. Kvöldið kórónar
svo Örn Árnason sem þekktur er
fyrir allt annað en hófsemi er kemur
að rakettum.
TÍU TIL FIMMTÁN
KAMPAVÍNSFLÖSKUR
„Einu brennurnar sem ég fer á eru
þjóðhátíðarbrennur, svo svarið
er nei,“ segir Egill „Gillz“ Einarsson
rithöfundur og einkaþjálfari.
Áramótunum nú eyðir Gillz
í faðmi fjölskyldunnar, eins og
síðastliðin ár. „Það er engin ástæða
til þess að breyta sigurformúlu.
Ég verð heima hjá mági mínum
Gunnleifi Gunnleifssyni með
familíunni. Þar verð ég að drita upp
tertunum og þamba svona tíu til
fimmtán kampavínsflöskur. Ég er
mjög hrifinn af þessari rútínu.“
DÓTTIRIN HEFUR GAMAN
AF BRENNUNNI
Landsliðsþjálfari kvenna, Sigurður
Ragnar Eyjólfsson, eyðir áramótun-
um með fjölskyldunni og einn af
föstum liðum gamlárskvölds er að
fara á brennu. „Við höfum verið að
fara út á Geirsnef eða á brennu hér í
Salahverfi í Kópavogi því litlu dóttir
minni finnst voða gaman að fara.
Annars er þetta frekar hefðbundið,
góður matur, áramótaskaupið og
flugeldar. Ég er reyndar ekki mjög
stórtækur í þeim en hef gaman af
því að horfa á hina. Svo er oft gripið
í spil. Fyrir mér er þetta fjölskyldu-
kvöld og nýt ég þess að eyða tíma
með fjölskyldunni,“ segir Sigurður.
ALDREI NEIN HÓFSEMI Á
GAMLÁRSKVÖLD
„Við í Ásatrúarfélaginu reynum að
halda upp á allt sem hægt er að
hald upp á og áramótin eru partur
af því,“ segir Hilmar Örn Hilmarsson
allherjargoði sem fer, og hefur farið,
á áramótabrennu á Álftanesinu á
gamlárskvöld síðan hann fluttist
þangað. „Jólin hjá ásatrúarfólki eru
lengri en hjá öðrum, við byrjum á
sólstöðunum og endum svo í jan-
úar og áramótin eru hluti af þeim.“
„Ég held upp á áramótin eins og
aðrir landsmenn, á yfirgenglegan
hátt,“ segir Hilmar Örn og hlær.
„Það hefur aldrei verið sýnd nein
hófsemi á gamlárskvöld enda
engin ástæða til þess.“
ÆTLAR ÞÚ Á BRENNU UM ÁRAMÓTIN?
Eingön
gu
tertur
!
Kóngurinnverður á staðnum!
Opnunartímar:
Þriðjudagur 28.des 10-22
Miðvikudagur 29.des 10-22
Fimmtudagur 30.des 10-22
Gamlársdagur 31.des 10-16