Fréttablaðið - 28.12.2010, Blaðsíða 46

34 28. desember 2010 ÞRIÐJUDAGURBESTI BITINN Í BÆNUM
„Við ætlum að fá hann til að koma – við erum
að spá í næstu fiskidaga. Þá eru flestir hérna.
Ég trúi ekki öðru en að margir hafi áhuga á að
hlusta á hann,“ segir Björn Snorrason, fram-
kvæmdastjóri Dalpay og varamaður í bæjar-
stjórn Dalvíkurbyggðar.
Eins og Fréttablaðið greindi frá í gær þá
hefur nafni Dalvíkur verið dreift í 60 milljón-
ir farsíma um allan heim. Þó ekki með snjöllu
markaðsbragði, heldur sem nafn á svokallaðri
Java-sýndarvél sem er innbyggð í Android-far-
símastýrikerfinu frá Google. Hugbúnaðarverk-
fræðingurinn Dan Bornstein skrifaði Dalvik
Java-sýndarvélina, en hann hefur mikinn áhuga
á bænum og hefur komið þangað einu sinni.
Björn hefur áhuga á að fá hann aftur til Dalvík-
ur til að halda fyrirlestur.
„Hann hefur verið með fyrirlestra um
Android og við ætluðum að fá hann til að vera
með strípaða útgáfu á mannamáli,“ segir Björn,
sem á einnig sæti í atvinnumálanefnd sveitar-
félagsins.
Eins og fram kom í Fréttablaðinu í gær hefur
Bornstein mikinn áhuga á að heimsækja Dal-
vík á ný. Hann er einnig liðtækur plötusnúður
þannig að Björn veltir fyrir sér hvort hann slái
upp balli í leiðinni. Fyrsta skrefið væri þó að fá
hann til bæjarins á ný. „Ég hætti ekki fyrr en
hann kemur,“ segir Björn að lokum. - afb
Hætti ekki fyrr en Dan kemur til Dalvíkur
DAN TIL DALVÍKUR Björn Snorrason hefur mikinn áhuga
á að fá Dan Bornstein til Dalvíkur að flytja fyrirlestur
um Android-símastýrikerfið. Bornstein ber ábyrgð á
Dalvik Java-sýndarvélinni sem er innbyggð í kerfið.
„Næsta ár lofar mjög góðu. Ég
hlakka mikið til að komast út
aftur og byrja,“ segir Árni Hjörv-
ar Árnason, bassaleikari bresku
hljómsveitarinnar The Vaccines.
Árni flutti til Bretlands fyrir
þremur árum, en The Vaccines var
stofnuð í ár. Hljómsveitin hefur
vakið talsverða athygli í Bretlandi
þrátt fyrir að hafa aðeins sent frá
sér eina smáskífu, Wreckin’ Bar
(Ra Ra Ra)/Blow it Up, sem náði
157. sæti breska smáskífulistans.
Fyrirhuguð er útgáfa á laginu Post
Break-Up Sex í janúar og fyrsta
breiðskífan er væntanleg í mars.
Árni segir gríðarlega vinnu fram
undan.
„Öll þessi athygli kemur gíf-
urlega snemma og setur okkur í
svolítið skrítna stöðu. Við erum
ekki lengur að stjórna því sem
er að gerast og þurfum að setja í
fimmta gír til að viðhalda athygl-
inni,“ segir Árni og bætir við að
þrátt fyrir að fjölmiðlaathyglin sé
jákvæð fylgi henni falskar vænt-
ingar. „Allt í einu þurfum við að
standast væntingar annarra í stað-
inn fyrir að standast aðeins okkar
eigin. Þetta er tvíeggjað sverð.“
Árni var liðtækur í tónlistar-
bransanum á Íslandi áður en hann
flutti til Bretlands og lék meðal
annars á bassa með hljómsveit-
unum Kimono og Future Future.
Hann játar að gríðarlegur munur
sé á bransanum hér heima og því
sem hann er að upplifa erlendis,
en The Vaccines er á mála hjá Col-
umbia-útgáfurisanum.
„Þetta er merkilegt. Breskur
tónlistariðnaður er kallaður iðn-
aður af ástæðu – það eru hundr-
uð manna sem vinna að einstök-
um verkefnum. Við gætum aldrei
náð þessari athygli sem við höfum
fengið ef það væri ekki fyrir hjálp
frá ótrúlegasta fólki,“ segir hann.
„Manni finnst að þetta eigi að ger-
ast svo náttúrulega, en svo lítur
maður bak við tjöldin og sér að það
hefur aldrei gerst.“
Árið 2011 fer vel af stað hjá Árna
og félögum í The Vaccines. Hljóm-
sveitin er bókuð á tónleika þang-
að til í október, hún verður ein af
hljómsveitunum á sérstakri NME-
verðlaunatónleikaferð í febrúar og
er tilnefnd sem besta nýja hljóm-
sveitin af sjónvarpsstöðinni MTV.
Þrátt fyrir mikla athygli úr ýmsum
áttum segir Árni þá félaga einbeita
sér að því að halda sér á jörðinni
og standast eigin væntingar.
„Það er bara svolítið erfitt vegna
þess að fólk kemur ekki endilega
að sjá okkur vegna þess að það
hefur heyrt góða hluti og langar
að sjá hvort við séum góð hljóm-
sveit – fólk er að spá í hvort við
séum í besta hljómsveit í heimi
eða ekki,“ segir Árni. „Það er erf-
itt fyrir unga hljómsveit að stand-
ast þær væntingar.
En ef við ætlum að vera fastir í
því þyrftum við sífellt að bregðast
sjálfum okkur og það er ekki hægt
að vinna þannig. Við verðum bara
að gera okkar besta.“
atlifannar@frettabladid.is
ÁRNI HJÖRVAR: VIÐ VERÐUM BARA AÐ GERA OKKAR BESTA
Býr sig undir spennandi ár
í breska tónlistarbransanum
Kvikmyndin Brim fær góða
dóma í bandaríska kvikmynda-
tímaritinu Film Quarterly sem
er með bækistöðvar sínar
í Kaliforníu. Gagnrýnandi
tímaritsins fór á Alþjóð-
lega kvikmyndahátíð í
Reykjavík, RIFF, í haust og
þótti honum Brim í leik-
stjórn Árna Ásgeirsson-
ar besta íslenska mynd
hátíðarinnar. „Brim er
heillandi drama sem ger-
ist um borð í fiskibáti. Erf-
iðleika áhafnarmeðlimanna
tengir maður óumflýjanlega
við efnahagsástandið í land-
inu. Þetta er vel leikin mynd
og þrátt fyrir að vera byggð
á leikriti tryggir örugg
leikstjórn Ásgeirsson að
verkið gengur upp á hvíta
tjaldinu.“
Árshátíð Hamborg-
arafabrikkunnar
var haldin á
annan í jólum.
Simmi og Jói
buðu starfsfólki
sínu upp á
nauta-
steikur úr
eldhúsi
staðarins
og stóð
gleðin
lengi
fram
eftir.
Einn af hápunktum árshátíðar-
innar var þegar Erpur Eyvind-
arson og Friðrik Dór mættu á
svæðið og tóku lagið.
Enn og aftur þurftu
Eyjamenn að gjalda fyrir
óhagstæð skilyrði í Land-
eyjahöfn á sunnudag.
Ingó og Veðurguðirnir
áttu að koma fram á
dansleik í Vestmanna-
eyjum, en komust hvorki
lönd né strönd þar sem
ferð Herjólfs var felld niður
og ekki var flogið þennan
dag. Var þetta í annað
skipti á árinu sem veður-
guðirnir koma í veg fyrir
að Veðurguðirnir leiki fyrir
dansi í Eyjum. Eyjamenn
dóu þó ekki ráðalausir, því
hljómsveitin Tríkot hljóp
í skarðið og bjargaði
þannig
dansþyrstum
eyjarskeggjum.
- fb, hdm, afb
FRÉTTIR AF FÓLKI
„Það myndi vera beygla með
sólosti og kaffi á Kaffitári. Ég fer
þangað nánast á hverjum degi.“
Eygló Hilmarsdóttir, leikkona í Gaura-
gangi.
„Við erum að skoða þetta á fullu. Ef
allt heppnast viljum við fara þarna
inn,“ segir Grímur Atlason, skipu-
leggjandi tónlistarhátíðarinnar
Iceland Airwaves. Svo gæti farið
að hátíðin verði að hluta til hald-
in í nýja tónlistarhúsinu Hörpu á
næsta ári. Þar með myndi Harpa
bætast í hóp tónleikastaða á borð
við Nasa, Listasafn Reykjavíkur,
Iðnó og Sódómu Reykjavík sem
hafa hingað til hýst Airwaves.
Að sögn Gríms verður ákveð-
ið á nýju ári hvort Harpan verði
næsti viðkomustaður hátíðarinn-
ar. „Við fórum þangað og skoðuð-
um. Salirnir komu dálítið á óvart.
Þeir eru dálítið flottir, sérstaklega
hliðarsalirnir. Þeir eru mjög stór-
ir og góðir og gætu gert lukku,“
segir hann. Salirnir taka annars
vegar 1.500 manns standandi og
hins vegar rúmlega 1.000 manns
og því um stór rými að ræða sem
gætu nýst Grími og aðstoð-
arfólki hans vel. „Við verð-
um kannski ekki þarna
klukkan þrjú um nótt-
ina en með þessu væri
hægt að fjölga aðeins
áhorfendum, sem er
mikilvægt fyrir okkur
rekstrarlega séð.“
Forsvarsmenn
Hörpunnar vilja að
sem flestar tónlistar-
stefnur fái að njóta sín
í húsinu, þar á meðal
popp- og rokktónlist, og yrði
koma Airwaves-hátíðarinn-
ar þangað því til að undir-
strika þann vilja.
Spurður hvers konar
flytjendur myndu fá að
spreyta sig í Hörpunni
segir Grímur ekk-
ert ákveðið um það.
Sænska söngkonan
Robyn, sem söng í
Listasafni Reykja-
víkur í haust, hefði
þó vel getað sómt
sér þar að hans
mati. „Það hefði
verið gaman að
hafa hana í aðeins
stærri húsi.“ - fb
Vilja Airwaves-hátíð í Hörpu
GRÍMUR ATLASON
Grímur vonast til
að Airwaves-hátíð-
in verði haldin í
Hörpunni á næsta
ári.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Má bjóða ykkur meiri Vísi?
ÍÞRÓTTIR Á ÞÍNUM
HEIMAVELLI
Meiri Vísir.
m.visir.is
Fáðu Vísi í símann
og iPad!
Deildu Vísi með öðrum. Þeir sem setja „like“ við Vísi
á Facebook geta unnið óvænta vinninga í hverri viku.
Í HEIMSÓKN Árni Hjörvar er í stuttri heimsókn á Íslandi, en heldur til Bretlands 5. janúar og fer á fullt með hljómsveit sinni The
Vaccines. FRÉTTABLAÐIÐ/STEFÁN