Fréttablaðið - 29.12.2010, Blaðsíða 64
36 29. desember 2010 MIÐVIKUDAGUR
folk@frettabladid.is
„Við sáum myndina og ákváðum í
kjölfarið að það væri við hæfi að
banna Klovn: The Movie innan
fjórtán ára,“ segir Þorvaldur
Árnason hjá Sambíóunum sem
dreifa dönsku gamanmyndinni.
Hún verður frumsýnd 1. janúar
næstkomandi og gerir Þorvaldur
sér hóflegar vonir um að þeir
Casper Christensen og Frank
Hvam geti heimsótt Ísland af því
tilefni. „Þeir eru til, þetta er bara
spurning um að finna tíma fyrir
þá,“ segir Þorvaldur.
Miklar umræður hafa sprottið
í kringum myndina í Danmörku
að undanförnu en danskur barna-
sálfræðingur og rithöfundur
sagði í samtali við dönsku blöð-
in B.T. og Ekstrabladet að Klovn
væri klám. Danska kvikmynda-
eftirlitið hefði að hennar mati
brugðist en þar var myndin bönn-
uð innan ellefu ára. Þorvaldur
segir að samkvæmt þeirra kerfi
hefðu þeir getað haft myndina
bannaða innan tólf ára aldurs.
„En okkur fannst fjórtán ára ald-
urinn passlegur.“
Klovn heldur áfram að gera
það gott í Danmörku og er því
nú spáð að hún verði jafnvel
mest sótta danska kvikmyndin
frá upphafi. Rúmlega 320 þús-
und manns hafa séð myndina í
Danmörku en yfir 600 þúsund
manns sáu Flammen og Citronen
á sínum tíma. - fgg
Klovn bönn-
uð innan
fjórtán ára
BANNAÐIR Klovn-vinirnir Casper og
Frank verða bannaðir innan fjórtán ára á
Íslandi. Í Danmörku var myndin bönnuð
innan ellefu ára, sem sumum þótti of
lágur aldur.
Grínistinn Jerry Seinfeld fær um
180 milljónir króna fyrir eina
uppistandssýningu í O2-höllinni í
Lundúnum á næsta ári. Dýrustu
miðarnir kosta um tuttugu þúsund
krónur. Seinfeld, sem er þekktast-
ur fyrir samnefnda gamanþætti,
fær upphæðina í vasann fyrir að
segja brandara í níutíu mínútur.
Þetta verður fyrsta uppistand
hans í Lundúnum í tólf ár. „O2 er
frekar stór staður. Ég hef heyrt
góða hluti um hann frá góðvinum
mínum Chris Rock og Ricky Gerv-
ais og hinum náunganum, þessum
hávaxna og horaða, já, Russell
Brand. Ég hef samt meira
gaman af gömlum leik-
húsum því áhorfend-
urnir eru meira eins
og fastir í gildru,“
sagði Seinfeld.
180 milljóna
uppistand
The Fame Monster með söng-
konunni Lady Gaga er sölu-
hæsta plata ársins 2010. Platan,
sem er stækkuð útgáfa af frum-
burði hennar The Fame, seldist
í tæpum sex milljónum eintaka
víðs vegar um heiminn. Rappar-
inn Eminem átti næstsöluhæstu
plötuna, Recovery, sem seldist í
5,7 milljónum eintaka. Lady Gaga
var ánægð með árangurinn á
Twitter-síðu sinni. „Ég er mjög
spennt fyrir framtíðinni. Ef þú
trúir á sjálfan þig og leggur hart
að þér munu draumar þínir ræt-
ast,“ skrifaði hún. Næsta plata
Gaga, Born This Way, er væntan-
leg á næsta ári.
Lady Gaga
söluhæst
LADY GAGA Söngkonan á söluhæstu
plötu ársins, The Fame Monster.
SEINFELD Grínist-
inn fær um
180 millj-
ónir fyrir
að segja
brandara
í níutíu
mínútur.
280.000
Áramótadjammið er mörg-
um heilagt og því um að
gera að fara yfir það sem í
boði er á gamlárs- og nýárs-
kvöld. Skemmtistaðir lands-
ins slá ekki slöku við frek-
ar en fyrri daginn og bjóða
skemmtanaglöðum Íslend-
ingum, og öllum þeim fjöl-
mörgu sem kíkja á Klakann,
upp á tónleikaveislu. Frétta-
blaðið kannaði hvar heitasta
djammið er um áramótin.
„Það er mjög góð stemning fyrir
tónleikunum. Ég og Dikta vorum
í raun og veru vinsælastir á árinu
og svo eru Cliff Clavin geðveikt
ferskir og skemmtilegir,“ segir
Erpur Eyvindarson, betur þekkt-
ur sem Blaz Roca, en hann heldur
tónleika með Diktu og Cliff Clavin
á Nasa á nýárskvöld.
Nasa og Techno.is bjóða svo
upp á ICEMIX á gamlárskvöld, en
þar koma fram margir af fremstu
„teknóplötusnúðum“ landsins.
Hljómsveitin Dalton og fylgdarlið
ætla að trylla lýðinn á Spot í Kópa-
vogi á gamlárskvöld en á nýárs-
kvöld mæta strákarnir úr Sál-
inni hans Jóns míns og gera slíkt
hið sama. Í tilkynningu frá Spot
kemur fram að þetta verði síðasta
„gigg“ Sálarinnar í einhvern tíma
og því ættu aðdáendur hljómsveit-
arinnar að drífa sig í Kópavoginn
og hefja nýja árið á stórtónleikum
þessarar vinsælu sveitar.
Skemmtistaðurinn Broadway
býður upp á stærðarinnar dansleik
á gamlárskvöld með stórstjörnunni
Micha Moor ásamt plötusnúðunum
Sindra BM og Yngva Eysteins og
opnar húsið á miðnætti en þar er
18 ára aldurstakmark. Micha Moor
verður svo staddur á Bankanum
á nýárskvöld, svo allra hörðustu
aðdáendur Moor geta barið hann
augum tvö kvöld í röð. Á gaml-
árskvöld býður skemmtistaður-
inn Esja upp á plötusnúða í öllum
sölum og glæsilegt danstríó sem
leiðir dansinn eins og enginn sé
morgundagurinn. Þetta verður
líka eina kvöldið þar sem aldurs-
takmarkið á Esju er 20 ára, en ekki
25 ára eins og stefna staðarins er.
Veitinga- og skemmtistaðurinn
Austur verður með leynigesti bæði
kvöldin og verða þeir ekki af verri
endanum, en þeir verða tilkynntir
þegar nær dregur.
Þeir sem eldri eru geta skellt sér
á Kringlukrána á nýárskvöld þar
sem unglingahljómsveitin POPS
stígur á svið og skemmtir fram
eftir nóttu, en meðal liðsmanna
POPS eru þeir Gunnar Þórðarson
og Magnús Kjartansson. Þeir sem
dvelja norðan heiða yfir áramótin
þurfa ekki að örvænta því popp-
stjarna Íslands hefur boðað komu
sína í Sjallann á Akureyri. Sjálfur
Páll Óskar ætlar að trylla lýðinn í
Sjallanum á gamlárskvöld frá kl.
01.30.
Allir staðirnir bjóða upp á miða-
sölu við dyr og því geta þeir sem
ekki hafa keypt miða í forsölu
keypt miða við innganginn, svo
framarlega sem ekki sé nú þegar
orðið uppselt. kristjana@frettabladid.is
Tónleikaveislur um áramótin
BLAZ ROCA LOFAR FJÖRI Á NASA Erpur er búinn að vera kenndur við Nasa í fjölmörg ár, bæði sem Blaz Roca og sem Rottweiler-
hundur, en hann heldur tónleika með Diktu og Cliff Clavin á nýárskvöld. FRÉTTABLAÐIÐ/STEFÁN
POPS FYRIR ÞÁ ELDRI Gunni Þórðar,
Maggi Kjartans og fleiri liðsmenn POPS
ætla að skemmta á Kringlukránni á
nýárskvöld.
dali, eða rúmar 32 milljónir króna, fær leikarinn Simon Baker greidda fyrir hvern
þátt af The Mentalist. Leikarinn trónir nú á toppnum yfir launahæstu leikara í
dramaþáttaröðum í Bandaríkjunum og skákar þar mönnum á borð við Hugh
Laurie og Laurence Fishburne, sem leika í House og CSI.