Fréttablaðið - 31.12.2010, Page 42
34 31. desember 2010 FÖSTUDAGUR
Árið 2010 var ríkt merkra atburða í þjóðlífinu.
Hér gefur að líta nokkur dæmi um hvernig ljós-
myndarar Fréttablaðsins sáu það sem gerðist.
Fréttirnar
í myndum
Á MÓTI Þúsundir komu saman við Austurvöll í haust og höfðu uppi hávær mótmæli. Allir voru sammála um að mótmælin hefðu að mestu farið vel fram en annað var uppi á teningnum þegar spurt var hverju væri verið
að mótmæla. Ríkisstjórnin, spilling, aðgerðaleysi vegna skuldavanda, stjórnmálamenn yfir höfuð, þetta og margt annað var nefnt til sögunnar. Í öllu falli var mótmælt. FRÉTTABLAÐIÐ/ANTON
MINNING Fjölmenni kom saman við Lækinn í Hafnarfirði og minntist Hannesar
Þórs Helgasonar sem var myrtur á heimili sínu í ágúst. FRÉTTABLAÐIÐ/VALLI
JARÐSKJÁLFTI Á HAÍTÍ Þýsk fjölskylda sem var
flutt heim með íslenskri flugvél í kjölfar jarð-
skjálftans í janúar. FRÉTTABLAÐIÐ/VALLI
ICESAVE TIL FÓLKSINS Ólafur Ragnar Grímsson forseti neitaði að skrifa undir lögin
um Icesave og vísaði þeim þar með í þjóðaratkvæðagreiðslu. Í henni voru lögin
kolfelld. Fyrir vikið vilja margir meina að Ólafur sé maður ársins. FRÉTTABLAÐIÐ/STEFÁN
Í VARÐHALDI Hreiðar Már Sigurðsson sem var forstjóri Kaupþings var, eins og nokkrir
samstarfsmenn hans, hnepptur í varðhald á árinu. Sérstakur saksóknari grunar
Hreiðar og félaga um svik og pretti en Hreiðar kveðst saklaus. FRÉTTABLAÐIÐ/STEFÁN
FUGLINN FELIX
Jón Gnarr kom
af miklum krafti
inn í pólitíkina
á árinu og varð
borgarstjóri.
Enn velta menn
fyrir sér hvort
Jón sé í pólitík
af alvöru eða í
djóki og hvort
Besti flokkurinn
sé bara eitt
risastórt grín.
FRÉTTABLAÐIÐ/ANTON