Fréttablaðið - 01.11.2010, Blaðsíða 42

26 1. nóvember 2010 MÁNUDAGUR
Sigurður Fannar Guðmundsson
Sölumaður
[+354] 897 5930
siggifannar@domusnova.is
siggifannar.domusnova.is
Ágætu viðskiptavinir / kaupendur og seljendur það er
mér sönn ánægja að tilkynna ykkur að ég hef hafið störf
á Domusnova fasteignasölu...
Við seljum fyrir þig !
Hringdu í 897 5930
Turninum 12 hæð - Smáratorgi 3 - 201 Kópavogi - Axel Axelsson - Löggiltur fasteignasali - www.domusnova.is
Enska úrvalsdeildin
Arsenal - West Ham 1-0
1-0 Alexandre Song (88.)
Blackburn - Chelsea 1-2
1-0 Benjani (22.), 1-1 Nicolas Anelka (39.), 1-2
Branislav Ivanovic (83.)
Everton - Stoke 1-0
1-0 Aiyegbeni Yakubu (67.)
Fulham - Wigan 2-0
1-0 Clint Dempsey (30.), 2-0 Dempsey (44.).
Wolves - Man City 2-1
0-1 Emmanuel Adebayor, víti (23.), 1-1 Nenad
Milijas (30.), 2-1 David Edwards (57.)
Manchester United-Tottenham 2-0
1-0 Nemanja Vidic (30.), 2-0 Nani (84.)
Aston Villa - Birmingham 0-0
Newcastle - Sunderland 5-1
1-0 Kevin Nolan (26.), 2-0 Nolan (34.), 3-0 Shola
Ameobi, víti (45.+3), 4-0 Ameobi (70.), 5-0
Nolan (75.), 5-1 Darren Bent (90.)
Bolton - Liverpool 0-1
0-1 Maxi Rodriguez (86.)
Iceland Express kvenna
Snæfell-Fjölnir 66-50 (36-26)
Stigahæstar: Sade Logan 20, Björg Guðrún
Einarsdóttir 12, Helga Hjördís Björgvinsdóttir 11 -
Bergþóra Holton Tómasdóttir 15, Inga Buzoka 10.
Hamar-KR 79-76 (42-36)
Stigahæstar: Jaleesa Butler 28 (20 frá.), Kristrún
Sigurjónsd. 19, Slavica Dimovska 17 (6 stoðs.),
Fanney Lind Guðmundsd. 9 - Margrét Kara
Sturlud. 28 (8 frák./6 stoðs.), Hildur Sigurðard.
24 (8 frák./5 stoð.), Guðrún Gróa Þorsteinsd. 10.
Keflavík-Haukar 79-49 (40-23)
Stigahæstar: Bryndís Guðmundsdóttir 18 (8
frák./5 stoðs.), Birna Valgarðsdóttir 15, Pálína
Gunnlaugsdóttir 14, Jacquline Adamshick 14(10
fráköst/5 stolnir) - Íris Sverrisdóttir 11, Ragna
Margrét Brynjarsdóttir 8.
HM áhugamanna í golfi
Íslenska karlalandsliðið i golfi endaði í 19. á
heimsmeistaramóti áhugamanna í golfi sem
lauk í Argentínu í gær. Hlynur Geir Hjartarson lék
lokadaginn á 78 höggum eða 6 yfir pari, Ólafur
Björn Loftsson lék á 76 höggum eða 4 yfir pari
og Guðmundur Ágúst Kristjánsson lék á 84
höggum eða 12 yfir pari.
ÚRSLITIN
FÓTBOLTI Annað mark Manchester
United gegn Tottenham um helg-
ina er mikið í umræðunni og skyldi
engan undra. Heurelho Gomes,
markvörður Tottenham, hélt að
hans lið ætti aukaspyrnu og setti
boltann niður.
Portúgalski vængmaðurinn Nani
var fljótur að átta sig og skoraði í
óvarið markið.
Skömmu áður hafði Nani fallið
í teignum án þess að dómarinn
Mark Clattenburg hafði dæmt
vítaspyrnu. Knötturinn fór síðan
í hendina á Nani svo aðstoðardóm-
arinn flaggaði. Clattenburg huns-
aði þennan aðstoðarmann sinn og
dæmdi ekkert þó að Gomes hefði
haldið annað.
„Tottenham-menn voru alls ekki
sáttir og það er kannski skiljan-
legt,“ sagði Darren Fletcher,
miðjumaður Manchester United,
eftir leikinn sem hans menn unnu
2-0. „En það var rétt hjá Nani að
skora. Ef hann hefði ekki gert það
hefði hann fengið að heyra það frá
stjóranum og samherjum sínum.“
Á vefsíðu breska blaðsins The Sun
var gerð könnun meðal lesenda
hvort þeir teldu að Clattenburg
hefði gert rétt í þessu umtalaða
atviki. Um 65% lesenda stóðu með
dómaranum.
Harry Redknapp, stjóri
Tottenham, er ekki sammála
þeim. „Clattenburg er góður dóm-
ari en þetta var farsakenndur
skrípaleikur. Þetta var hneyksli.
Við vorum samt að tapa þessum
leik þegar atvikið gerðist og ég
ætla ekki að nota það sem afsök-
un fyrir að við fengum ekkert úr
leiknum,“ sagði Redknapp.
Carlo Ancelotti, knattspyrnu-
stjóri Chelsea, getur leyft sér
að brosa eftir helgina enda held-
ur hans lið forystu sinni á toppi
deildar innar.
Hann var hreinskilinn eftir sig-
urinn gegn Blackburn og sagði að
hann hefði verið hrein heppni.
„Við vorum alls ekki góðir en
sigurinn var verulega góður.
Blackburn var einfaldlega betra
liðið, komst yfir og hefði getað
gert út um leikinn. En heppnin var
einfaldlega á okkar bandi. Yury
Zhirkov var að mínu mati maður-
inn sem skildi milli liðanna, hann
var frábær í þessum leik,“ sagði
Ancelotti. - egm
Man. United innsiglaði sigur sinn á Tottenham með furðumarki og Harry Redknapp var ekki sáttur í leikslok:
Farsakenndur skrípaleikur og hneyksli
FURÐUMARK Nani fagnar marki sínu en
Heurelho Gomes mótmælir harðlega.
FÓTBOLTI Hoffenheim gerði sér
lítið fyrir og lagði Hannover 4-0 í
þýsku úrvalsdeildinni í gær. Gylfi
Þór Sigurðsson heldur áfram að
gera góða hluti en þetta var hans
fyrsti leikur í byrjunarliði Hoffen-
heim. Hann skoraði tvö fyrstu
mörk leiksins, það seinna úr víta-
spyrnu, áður en hann lagði svo
upp þriðja markið.
„Þetta gekk mjög vel og að ná
að vinna svona sterkt lið 4-0 er
verulega jákvætt,“ sagði Gylfi
eftir leikinn en hann reiknar að
sjálfsögðu með því að halda sæti
sínu í byrjunarliðinu.
„Þjálfarinn fer ekki að breyta
liðinu held ég eftir þennan leik.
Þetta var samt ekki besti leik-
ur sem ég hef spilað. Við vorum
nokkuð lengi í gang en við lifn-
uðum við í lok fyrri hálfleiks og
vorum svo mikið betri í seinni
hálfleikknum. Fyrir utan mörkin
tvö og stoðsendinguna var þetta
ekkert minn besti leikur.“
Gylfi hefur nú skorað fjögur
deildarmörk fyrir Hoffenheim,
sem situr nú í þriðja sætinu, sjö
stigum á eftir Dortmund sem er
á toppnum. „Þetta er mjög sterk
deild og allir leikir eru erfiðir.
Það hefur aðeins komið mér á
óvart hve margir áhorfendur eru
á leikjunum. Þetta er allt saman
mjög stórt og mikil
stemning í kring-
um þetta,“ sagði
Gylfi.
Hann telur að
Hoffenheim geti
verið í toppbarátt-
unni í allan vetur.
„Byrjunin var erfið
en vonandi munum
við halda áfram að
klifra upp töfl-
una. Við eigum
Hamborg á úti-
velli næst og við
verðum bara að
spila eins og við
gerðum í dag.“
Slæm byrjun
stórliðs Bayern
München hefur
vakið athygli en
liðið er aðeins í
sjöunda sæti.
„ Þ eir eru
með of gott
lið til að vera
í einhverju
bulli í allan
vetur. Þeir munu fara í gang býst
ég við,“ sagði Gylfi Þór.
elvargeir@frettabladid.is
Breytir varla liðinu núna
Gylfi Þór Sigurðsson var funheitur í sínum fyrsta byrjunarliðsleik með Hoffen-
heim og skoraði tvö mörk og lagði upp eitt í 4-0 sigri á Hannover.
FÓTBOLTI Maxi Rodriguez tryggði Liverpool sigur á
Bolton í ensku úrvalsdeildinni í gær með því
að skora eina mark leiksins fjórum mínút-
um fyrir leikslok. Argentínumaðurinn
skaut þar með liði sínu úr fallsæti. New-
castle var lið dagsins eftir 5-1 sigur
á nágrönnum sínum í Sunderland
þar sem fyrirliðinn Kevin Nolan
var með þrennu.
Liverpool endaði næstum því mán-
aðardvöl sína í fallsæti og vann sinn fyrsta
útileik síðan í apríl þegar liðið sótti Grétar
Rafn Steinsson og félaga í Bolton heim í gær.
Fernando Torres lagði upp sigurmarkið
fyrir Maxi Rodriguez á 86. mínútu og hefur
því verið maðurinn á bak við sigurmörk
liðsins í síðustu tveimur leikjum. Maxi
potaði boltanum inn með tánni og sá til þess
að Liverpool er komið upp í 12. sæti og er nú
aðeins þremur stigum á eftir Tottenham.
„Það er ánægjulegt að sjá í smá ljósglætu í
enda ganganna. Það er of snemmt að missa sig
í bjartsýni en við erum búnir að taka skref í
rétta átt,“ sagði Roy Hodgson, stjóri Liverpool, eftir
leikinn.
Newcastle fór illa með nágranna sína í Sunder-
land og vann stærsta sigurinn í norðaustur-
slagnum í 54 ár. Kevin Nolan skoraði
þrennu í 5-1 sigri og Shola Amoebi skor-
aði hin tvö. Newcastle komst í 3-0 í fyrri
hálfleik og var síðan manni fleiri síðustu
37 mínúturnar eftir að Titus Bramble fékk rautt
spjald.
„Þetta var yndisleg frammistaða hjá öllu liðinu.
Þetta er búin að vera erfið vika en hún endaði
á frábærum degi,“ sagði Chris Hughton, stjóri
Newcastle. Einhverjir enskir fjölmiðlar vildu
meina það í vikunni að Hughton yrði rekinn á
næstunni en þessi úrslit ættu að styrkja stöðu
hans. „Ég er vissulega ánægður fyrir hönd
stuðningsmannanna en ég er sérstak-
lega ánægður fyrir hönd Chris,
sem á þennan sigur skilinn eftir
það sem hann þurfti að ganga í
gegnum í vikunni,“ sagði Kevin
Nolan. - óój
Newcastle fór illa með nágranna sína í Sunderland í ensku úrvalsdeildinni í gær:
Maxi skaut Liverpool úr fallsæti
FÓTBOLTI Edda Garðarsdóttir og
Ólína Guðbjörg Viðarsdóttir urðu
bikarmeistarar saman í fjórða
sinn á fimm árum í gær þegar
lið þeirra Örebro vann 4-1 sigur
á Guðbjörgu Gunnarsdóttur
og félögum Djurgården í bikar-
úrslitaleiknum í Svíþjóð. Þetta var
fyrsti titill kvennaliðs Örebro.
Edda og Ólína léku báðar allan
úrslitaleikinn eins og þær gerðu
líka þegar þær unnu bikarinn
með Breiðabliki 2005 og með KR
2007 og 2008. - óój
Sænski kvennafótboltinn:
Edda og Ólína
unnu bikarinn
BIKARMEISTARAR Edda Garðarsdóttir og
Ólína Viðarsdóttir. FRÉTTABLAÐIÐ/E.ÓL.
FÓTBOLTI Keflvíkingurinn Hörður
Sveinsson gerði 3 ára saming við
Val í gær og er þar með fjórði
leikmaðurinn á stuttum tíma
sem gengur til liðs við Hlíðar-
endafélagið.
Áður höfðu þeir Guðjón Lýðs-
son (Haukum), Halldór Kr.
Halldórsson (Leikni) og Andri
Fannar Stefánsson (KA) samið
við Val.
Sigurbjörn Hreiðarsson
framlengdi einnig samning sinn
við Val um tvö ár. - óój
Pepsi-deild karla í fótbolta:
Hörður í Val
Leikirnir með Hoffenheim
Gylfi Þór Sigurðsson hefur skorað 4 mörk í fyrstu 6
leikjum sínum með Hoffenheim í þýsku úrvals-
deildinni.
Leikir Gylfa með Hoffenheim 2010-11:
Schalke (2-0 sigur) Varamaður á 77. mín.
Kaiserslautern (2-2) Varamaður á 77. mín 1 mark
Köln (1-1) Varamaður á 46. mín
Mainz (2-4 tap) Varamaður á 60. mín 1 mark
Dortmund (1-1) Varamaður á 46. mín
Hannover(4-0 sigur) Í byrjunarliðinu 2 mörk
FÓTBOLTI Guðmundur Benedikts-
son verður hluti af þjálfarateymi
Ólafs Kristjánssonar hjá Íslands-
meisturum Breiðabliks næsta
sumar en hann mun einnig koma
að þjálfun í öðrum, þriðja og
fjórða flokki karla hjá félaginu.
Þetta kom fram á fotbolti.net í
gærkvöldi.
Guðmundur fékk sína fyrstu
reynslu af meistaraflokksþjálfun
í sumar þegar hann þjálfaði lið
Selfoss en eftir að liðið féll ákvað
Selfoss að nýta sér uppsagnar-
ákvæði í samningi Guðmundar.
- óój
Pepsi-deild karla í fótbolta:
Gummi Ben til
Breiðabliks
GUÐMUNDUR BENEDIKTSSON Á leið í
Kópavoginn. FRÉTTABLAÐIÐ/ANTON
N
O
R
D
IC
PH
O
TO
S/
A
FP